याबाबत शनिवारी एका बैठकीचं आयोजन करण्यात आलं आहे. कॉन्फेडरेशन ऑफ ऑल इंडिया ट्रेडर्सने चिनी वस्तूंवर बहिष्कार टाकण्याची मोहीम हाती घेतली आहे. भारतीय सामान- हमारा अभिमान अशी मोहीमच या संस्थेने हाती घेतली आहे. दिल्लीच्या हॉटेल अँड रेस्टॉरंट ऑनर्स असोसिएशनने चिनी वस्तूंवर बहिष्कार टाकणार असल्याची घोषणा केल्यानंतर या मोहिमेला अधिकच बळ मिळालं. दिल्लीतील हॉटेल चालकांनी तर चिनी नागरिकांना हॉटेलमधील रुमही नाकारल्या होत्या. त्यामुळे चिनी नागरिकांविरोधातील असंतोष वाढण्यास अधिक चालना मिळाली होती.
मराठा, शीख रेजिमेंट सीमेवर तंबाखू चोळत बसल्या होत्या का; सेनेचा सवाल
भारताने आंतरराष्ट्रीय विमानसेवा बंद ठेवली आहे. मात्र भविष्यात ही सेवा सुरू होण्याची शक्यता आहे. चिनी नागरिक केवळ दिल्लीतच नव्हे तर मुंबई, पुणे, आग्रा आणि बंगळुरू सारख्या शहरात पर्यटनासह व्यवसायाकरिता येत असतात. त्यामुळे या चिनी नागरिकांना हॉटेल आणि गेस्ट हाऊसमध्ये रुम मिळू नयेत म्हणून आम्ही या शहरांतील सर्व हॉटेल्स आणि रेस्टॉरंट मालकांना भेटणार आहोत. त्यांच्याशी संपर्क साधला जात आहे. दिल्ली आणि मथुरामधील हॉटेल चालकांच्या संस्थांनी आम्हाला पूर्ण पाठिंबाही दिला आहे. मात्र, मुंबईबाबत काही सांगणे घाईचं ठरेल, असं कॉन्फेडरेशन ऑफ ऑल इंडिया ट्रेडर्सचे अध्यक्ष बीसी भारतीया यांनी सांगितलं. तर मुंबईच्या हॉटेल आणि रेस्टॉरंटच्या मालकांना या अभियानाशी जोडून घेण्याचा प्रयत्न केला जात आहे. त्यांच्याशी चर्चाही सुरू आहे, असं या संस्थेचे राष्ट्रीय संयोजक नितीन केडिया यांनी सांगितलं.
आता तुम्ही कारमध्ये पेट्रोल भरत नाही का?; बिग बी मौन सोडा: आव्हाड
