Home देश india china face off: चीनच्या कम्युनिस्ट पार्टीशी भाजप, RSS चा संबंध काय?...

india china face off: चीनच्या कम्युनिस्ट पार्टीशी भाजप, RSS चा संबंध काय? १० प्रतिप्रश्न करत काँग्रेसचा पलटवार – what is the connection of bjp and rss to communist party of china? congress hits back to jp nadda questions


नवी दिल्लीः राजीव गांधी फाउंडेशनच्या (RGF) देणगीवरून भाजप अध्यक्ष जे.पी. नड्डा यांनी काँग्रेस अध्यक्ष सोनिया गांधींना १० प्रश्न केले होते. आता काँग्रेसन पलटवार करत भाजपला १० प्रश्न विचारले आहेत. तसंच भाजप आणि राष्ट्रीय स्वयंसेवक संघाला होणाऱ्या फंडिंगबाबतही प्रश्न केला आहे.

राजीव गांधी फाउंडेशनला चीनने पैसे का दिले? असा सवाल जे.पी. नड्डा यांनी सोनिया गांधींना केला होता. पीएनबी घोटाळ्यातील आरोपी मेहुल चोक्सीने राजीव गांधी फाउंडेशनला पैसे का दिले? मेहुल चोक्सीला व्यवहार मदत केली गेली का? असे १० प्रश्न जे. पी. नड्डा यांनी काँग्रेससह गांधी कुटुंबीयांना केले होते. त्यावर काँग्रेसने १० प्रतिप्रश्न करत उत्तर दिलंय. असा प्रश्नही काँग्रेसने केला आहे.

काँग्रेसने भाजपला विचारले हे १० प्रश्न

१. चीनमधील सत्ताधारी कम्युनिस्ट पार्टी ऑफ चायनाशी (CPC) भाजपचे कुठले ऐतिहासिक संबंध आहेत? ३० जानेवारी २००७ ला भाजपचे तत्कालीन अध्यक्ष राजनाथ सिंह यांनी सीपीसीच्या प्रतिनिधि मंडळाच्या दौऱ्यावेळी काय म्हटलं होतं. यानंतर राजनाथ सिंह यांनी १७ ऑक्टोबर २००८ च्या CPC च्या पॉलिट ब्युरोच्या सदस्यांसोबत झालेल्या बैठकीत त्याचा पुनरुच्चारही केला होता.

२. चीनच्या सत्ताधारी कम्युनिस्ट पार्टी ऑफ चायनाच्या निमंत्रणानंतर जानेवारी २००९ मध्ये राष्ट्रीय स्वयंसेवक संघ (RSS)चीनला का गेला होता? राजकीय पक्ष नसूनही आरएसएसला चीनच्या सत्ताधारी पक्षाने का निमंत्रण दिले होते? त्यावेळी आरएसएसची चीनसोबत अरुणाचल प्रदेश आणि तिबेटवर काय चर्चा झाली होती?

३. चीनच्या सत्ताधारी पक्षाच्या निमंत्रणावरून १९ जानेवारी २०११ ला भाजपचे तत्कालीन अध्यक्ष नितीन गडकरी पाच दिवसांच्या चीन दौऱ्यावर का गेले होते?

४. नोव्हेंबर २०१४ मध्ये CPCच्या ‘द पार्टी स्कूल’ मध्ये एक आठवड्यांच्या दीर्घ अभ्यासासाठी तत्कालीन भाजप अध्यक्ष अमित शहा यांनी पक्षाचे आमदार आणि खासदारांचे एक प्रतिनिधी मंडळ चीनला का पाठवले होते?

‘मन की बात’मधून PM मोदी आज चीनवर बोलणार?

५. गुजरातचे मुख्यमंत्री असताना नरेंद्र मोदींनी चार वेळा आणि पंतप्रधान झाल्यावर ५ वेळा चीनचा दौरा का केला? याशिवाय पंतप्रधान मोदींनी चीनचा अध्यक्षांचा तीन वेळा कसा काय पाहुणचार केला? नरेंद्र मोदी एकमेव असे पंतप्रधान आहेत ज्यांनी ६ वर्षांत चीनच्या अध्यक्षांशी १८ वेळा चर्चा केली. का केली चर्चा? पंतप्रधान मोदींना झोपाळ्यावरील डिप्लोसमसी कामी आली?

६. राजीव गांधी फाउंडेशनच्या देणगिदारांची यादी आणि स्रोत भाजपने उघड केले. मग राष्ट्रीय स्वयंसेवक संघाच्या (RSS)सर्व देणगिदारांची यादी आणि विदेशातून मिळालेल्या पैशांचा स्रोत जाहीर करण्यास भाजप सांगेल का?

अहमद पटेल म्हणाले, ‘मोदी आणि शहांचे पाहुणे घरी आले होते’

७. विवेकानंद फाउंडेशन आणि इंडिया फाउंडेशनला सर्व देणगिदारांची यादी जाहीर करण्यास भाजप सांगेल का?

८. निवडणुकीच्या बॉण्डमधून कोट्यवधी रुपये मिळाले, अशा देणगिदारांची यादी भाजप जाहीर करेल का?

पूर्व लडाखमध्ये चीन सीमेवर भारताने उभारली एअर डिफेन्स सिस्टिम

९. ‘ओव्हरसीज फ्रेंड ऑफ बीजेपी’ला मिळणारा पैसा, एकूण पैसा आणि देणगिदारांची नावं (मूळचे चिनी असलेले) भाजप जाहीर करेल का? ‘ओव्हरसीज फ्रेंड ऑफ बीजेपी’ने ‘ओव्हरसीज फ्रेंड ऑफ बीजेपी-चायना अँड हाँगकाँग’कडून कधी आणि किती पैसे घेतले? राजकुमार नारायणदास उर्फ राजू सबनानीचा ‘ओव्हरसीज फ्रेंड ऑफ बीजेपी’शी काय संबंध आहे?

१०. भाजप आणि आरएसएसने आंतरराष्ट्रीय फाउंडेशन, फंड, कंपनी आणि संस्थांकडून फंड घेतला नाही का? घेतला तर मग गेल्या ६ वर्षात भाजप आणि आरएसएसला किती आंतरराष्ट्रीय फंडिंग झाले?



Source link

LEAVE A REPLY

Please enter your comment!
Please enter your name here

Most Popular

Recent Comments