IPL: आयपीएलच्या मार्गात अडचण आणणाऱ्या पाकिस्तानला बीसीसीआयने सांगितली ‘ही’ गोष्ट – bcci request to pakistan cricket board regarding dates of ipl 2020 and asia cup

आयपीएल खेळवण्यासाठी बीसीसीआयने आता चांगलीच कंबर कली आहे. कारण या वर्षी आयपीएल खेळवण्यात आली तर त्यामुळे बीसीसीआयला ४ हजार कोटी रुपयांचा फटका बसू शकतो. त्यामुळे या वर्षी आयपीएल खेळवण्यासाठी बीसीसीआय सर्वतोपरी प्रयत्न करत आहे. पण आयपीएलच्या मार्गात पाकिस्तान अडचण आणण्याचा प्रयत्न करत आहे. त्यामुळे आता बीसीसीआयने पाकिस्तानला एक गोष्ट करण्यासाठी सांगितले आहे.

आयपीएल होऊ नये यासाठी पाकिस्तानने कंबर कसली आहे. कारण आयपीएलमुळे पाकिस्तानला कोणताही फायदा होणार नाही. कारण त्यांचे खेळाडू आयपीएलमध्ये खेळत नाहीत. त्यासाठी पहिल्यांदा आशिया चषक खेळवायला हवा, अशी भूमिका पाकिस्तानने मांडली होती. कारण आयपीएलमुळे त्यांना कोणताही आर्थिक फायदा होणार नाही. पण जर आशिया चषक स्पर्धा खेळवली गेली तर यजमान म्हणून त्यांना आयसीसीकडून काही रक्कम मिळू शकते. त्याचबरोबर स्पर्धेत चांगली कामगिरी केल्यावर पाकिस्तानला आर्थिक फायदा होऊ शकतो. त्यामुळे पाकिस्तानसाठी आयपीएलपेक्षा आशिया चषक महत्वाचा आहे, हे स्पष्ट झाले आहे.

बीसीसीआयला काहीही करून आयपीएल खेळवायची आहे. त्यासाठी पाकिस्तान विरोध करताना पाहायला मिळत आहे. पण आता आयपीएलच्या मार्गात अडचण निर्माण करणाऱ्या पाकिस्तानला आता बीसीसआयने काही गोष्टींचे पालन करायला सांगितले आहे. जर पाकिस्तानने बीसीसीआयचे ऐकले तर आयपीएल आणि आशिया चषकही खेळवला जाऊ शकतो, असे म्हटले जात आहे.

बीसीसीआयने पाकिस्तानला नेमके काय सांगितले…
सप्टेंबर-ऑक्टोबर या महिन्यात आशिया चषक खेळवण्यासाठी पाकिस्तान प्रयत्नशील आहे. त्याचबरोबर नोव्हेंबरमध्ये त्यांनी पाकिस्तान सुपर लीगचेही आयोजन केले आहे. त्यामुळे या दोन्ही स्पर्धांच्या तारखा पाहिल्या तर आयपीएल होणे कठीण असल्याचेच पाहायला मिळत आहे. पण यासाठी आता बीसीसीआयने एक उपाय काढला आहे.

बीसीसीआयने पाकिस्तानला एक विनंती केली आहे. पाकिस्तानने या वर्षी क्रिकेट लीग रद्द करावी आणि त्या महिन्यामध्ये आशिया चषक खेळवावा, असे बीसीसीआयने सांगितले आहे. जर असे झाले तरच बीसीसीआय आयपीएल खेळवू शकते, नाही तर या वर्षी आयपीएलचे आयोजन कठीण दिसत आहे.