Home महाराष्ट्र jameel shaikh murder: Jameel Shaikh Murder: जमील शेख हत्या: शूटर्सना 'त्याने' कारमधून...

jameel shaikh murder: Jameel Shaikh Murder: जमील शेख हत्या: शूटर्सना ‘त्याने’ कारमधून मालेगावात सोडले आणि… – jameel shaikh death shooters went to malegaon in shahids car


ठाणे: महाराष्ट्र नवनिर्माण सेनेचे राबोडी प्रभाग अध्यक्ष जमील शेख यांची गोळी झाडून हत्या करण्यात आली होती. याप्रकरणी शाहिद लायक शेख (३१) या आरोपीला गुन्हे शाखेने (युनिट १) अटक केले असून या हत्याकांडातील आतापर्यंतची ही पहिलीच अटक आहे. शेख यांच्या हत्येनंतर शूटर्सना कारमधून मालेगावला शाहिद यानेच सोडले होते. ही कार तो टुरिस्टसाठी वापरत असून कारही त्याचीच असल्याची माहिती अपर पोलिस आयुक्त (गुन्हे) संजय येनपुरे यांनी ‘मटा’शी बोलताना दिली. शूटर्सचा शोध सुरू असून जोपर्यंत शूटर पकडले जाणार नाहीत तोपर्यंत हत्याकांडामागच्या कारणाचा उलगडा होणार नसल्याचे त्यांनी सांगितले. (MNS Leader Jameel Shaikh Murder Case Latest Updates )

वाचा: मनसे पदाधिकारी हत्या प्रकरणी पोलिसांना मिळाली महत्वाची माहिती

मोटारसायकलवरून निघालेल्या जमील शेख यांची सोमवारी दुपारी मारेकऱ्यांनी गोळी झाडून हत्या केली होती. राबोडीत भरवस्तीत ही थरारक घटना घडली होती. मोटारसायकलवरील मारेकऱ्यांनी जमील यांच्या डोक्याच्या मागे गोळी झाडल्याने रुग्णालयात दाखल करण्यापूर्वीच त्यांचा मृत्यू झाला होता. या गुन्ह्याचा तपास गुन्हे शाखेच्या युनिट एककडून करण्यात येत असून मारेकऱ्यांना अटक करण्यासाठी गुन्हे शाखेची तीन पथके दिवसरात्र प्रयत्न करत आहेत. या प्रयत्नांमध्ये पहिले यश मिळाले असून राबोडीमधून शाहिद शेख याच्या मुसक्या आवळण्यात आल्या आहेत. या गुन्ह्यात मारेकऱ्यांसह त्याचाही सक्रीय सहभाग असल्याची बाब चौकशीमध्ये निष्पन्न झाली आहे. न्यायालयाने त्याला ३ डिसेंबरपर्यंत पोलीस कोठडी सुनावली आहे. चालक असलेला शाहिद हा जमील यांना ओळखत असल्याचे समजते.

वाचा: मनसे पदाधिकाऱ्याची भररस्त्यात हत्या; ठाणे शहर हादरले

दरम्यान, जमील यांच्या हत्येनंतर शूटर्सना कारमधून मालेगावला सोडून शाहिद पुन्हा राबोडीत आला होता, असे अपर पोलिस आयुक्त संजय येनपुरे यांनी सांगितले. ज्या पद्धतीने हे हत्याकांड घडले आहे, त्यावरून नियोजन असल्याशिवाय ही हत्या होणार नाही, असेही त्यांचे म्हणणे आहे. गुन्हे शाखेने शाहिद याच्याकडून चार लाखांची कारही जप्त केली आहे. अन्य फरारी आरोपींना पकडण्यासाठी पोलिसांची दोन स्वतंत्र पथके रवाना करण्यात आली आहेत. युनिट एकचे वरिष्ठ पोलीस निरीक्षक नितीन ठाकरे या गुन्ह्याचा तपास करत आहेत. चौकशीमध्ये आणखीन एक बाब समोर आली आहे. ज्या दुचाकीवर मारेकरी बसले होते त्या दुचाकीचा नंबरही बनावट असल्याची माहिती पोलीस सूत्रांनी दिली.

वाचा: मनसे पदाधिकाऱ्याच्या हत्येला गंभीर वळण; ठाण्यातील ‘तो’ नगरसेवक कोण?



Source link

LEAVE A REPLY

Please enter your comment!
Please enter your name here

Most Popular

sharad pawar on madhukar pichad: Sharad Pawar: गेल्या निवडणुकीत काहींच्या अंगात आलं होतं!; पवारांनी ‘या’ नेत्याची काढली पिसं – the behavior of some of...

नगर: ‘मागील विधानसभा निवडणुकीच्यावेळी काही नेत्यांच्या अंगात आले होते. त्यामुळे ते चमत्कारिक वागले. ज्यांना पक्षाने भरभरून दिले, त्यांनीच ऐनवेळी साथ सोडली. मात्र, शेवटी...

Recent Comments