Home क्रीडा Justice for George Floyd: एका मृत्यूने क्रीडाक्षेत्रात ढवळून निघाले - the repercussions...

Justice for George Floyd: एका मृत्यूने क्रीडाक्षेत्रात ढवळून निघाले – the repercussions of racism


नवी दिल्ली: अमेरिकेत वर्णद्वेषाच्या मुद्द्यावरून सुरू झालेल्या आंदोलनाचे पडसाद क्रीडाक्षेत्रातही उमटू लागले आहेत. विविध देशांतील क्रीडापटूंनीही वर्णद्वेषाविरुद्ध आवाज उठविला असून हा पाठिंबा वाढू लागला आहे. क्रिकेटपटू डॅरेन सॅमीने वर्णद्वेषाविरुद्ध आवाज उठविण्याची विनंती आयसीसीला केली आहे तर जगप्रसिद्ध गॉल्फपटू टायगर वूड्स यानेही अमेरिकेत पोलिसांकडून मृत्युमुखी पडलेल्या जॉर्ज फ्लॉइड आणि त्यांच्या कुटुंबियांप्रती दुःख प्रकट केले आहे. आंतरराष्ट्रीय फुटबॉल फेडरेशननेही (फिफा) वर्णद्वेषविरोधाला पाठिंबा दर्शविला आहे. खेळाडूही विविध स्पर्धांदरम्यान फ्लॉइडला पाठिंबा देत आहेत. एकूणच जगभरातील क्रीडाक्षेत्रही या आंदोलनामुळे ढवळून निघाले आहे.

सॅमीची आयसीसीला विनंती

किंग्स्टन : वेस्ट इंडिजचा क्रिकेटपटू डॅरेन सॅमीने अमेरिकेतील आंदोलनावर भाष्य करताना आंतरराष्ट्रीय क्रिकेट परिषदेला आणि संपूर्ण क्रिकेट जगताला वर्णद्वेषाविरुद्ध आवाज उठविण्याची विनंती केली आहे. जर हा आवाज उठविण्यात आला नाही तर तुम्हीही या समस्येचे एक भाग आहात, असे समजले जाईल, असेही त्याने म्हटले आहे.

गेल्या आठवड्यात अमेरिकेत जॉर्ज फ्लॉइड या कृष्णवर्णीय व्यक्तीचा पोलिसाकडून मृत्यु झाल्यानंतर जगभरात त्याचे पडसाद उमटले. फ्लॉइडच्या मानेवर गुडघा ठेवून त्याला काही काळ जखडून ठेवल्यामुळे श्वास कोंडून त्याचा मृत्यु झाला होता.

सॅमीने जगभरातील कृष्णवर्णीय लोकांना सहन कराव्या लागणाऱ्या मानहानीबद्दल लिहिले आहे. त्यासंदर्भात तो म्हणतो की, जर यावेळी क्रिकेट जगताने या आंदोलनाला पाठिंबा दिला नाही तर तेदेखील या समस्येला खतपाणी घालत आहे, असा संदेश जाईल.

सॅमी म्हणतो की, हा केवळ अमेरिकेचा प्रश्न नाही तर संपूर्ण जगात कृष्णवर्णीय लोक या समस्येला तोंड देत आहेत. माझ्यासारख्या लोकांना कोणत्या आव्हानांना सामोरे जावे लागत आहे, हे आयसीसी आणि इतर बोर्डांना दिसते आहे का? तुम्ही या सामाजिक अन्यायाविरोधात बोलणार नाही का?

अंत्यसंस्काराचा खर्च मेवेदर उचलणार

न्यूयॉर्क : विश्वविजेता बॉक्सर फ्लॉइड मेवेदर याने जॉर्ज फ्लॉइडच्या अंत्यसंस्कार आणि शोकसभेचा संपूर्ण खर्च उचलण्याची तयारी दाखविली आहे. त्याने स्वतः जॉर्ज फ्लॉइडच्या कुटुंबियांशी संवाद साधल्यानंतर कुटुंबियांनीही त्याला मान्यता दिली आहे. मेवेदरच्या मॅनेजरने सांगितले की, स्वतः मेवेदर या कुटुंबियांच्या संपर्कात होता. ह्यूस्टन येथे होणाऱ्या अंत्यसंस्काराचा सगळा खर्च तो उचलणार आहे.

वूड्सचाही पाठिंबा

वॉशिंग्टन : जगप्रसिद्ध गॉल्फपटू टायगर वूड्सने आपल्या साऱ्या संवेदना फ्लॉइड कुटुंबियांसमवेत असल्याचे म्हटले आहे. ४४ वर्षीय वूड्सने ट्विटरवरून प्रथमच या प्रकरणावर भाष्य केले आहे. त्यने लिहिले आहे की, माझा आमच्या कायदा आणि सुव्यवस्थेवर विश्वास आहे. कुठे बलाचा वापर करायचा याचे त्यांना योग्य प्रशिक्षण देण्यात आलेले असते. या घटनेत मात्र ती मर्यादा ओलांडली गेली आहे. दरम्यान, एनबीएचा स्टार खेळाडू चार्लोट हॉर्नेटसचा मालक मायकेल जॉर्डन यानेही कृष्णवर्णीयांच्या पोलिसांकडून होत असलेल्या हत्येचा निषेध केला आहे. मी सगळ्यांच्या भावना, क्षोभ आणि निराशा याची कल्पना करू शकतो, असे त्याने आपल्या ट्विटरवर म्हटले आहे.

वूड्स म्हणतो की, १९९२च्या लॉस एंजेलिसमधील दंगलीतून मी बरेच काही शिकलो. शिक्षण, प्रबोधन हाच या समस्येचा मार्ग आहे. एका कृष्णवर्णीय चालकाला मारल्याप्रकरणी चार श्वेतवर्णीय पोलिस अधिकाऱ्यांची न्यायालयाने सुटका केल्यानंतर शहरात जनक्षोभ उसळला होता.

खेळाडूंवर कारवाई नको!

झ्युरिक : जॉर्ज फ्लॉइडप्रती संवेदना दाखविणाऱ्या खेळाडूंवर कारवाई करू नये, अशी भूमिका आंतरराष्ट्रीय फुटबॉल फेडरेशनने मांडली आहे. स्पर्धा आयोजन करणाऱ्यांना त्यांनी आवाहन केले आहे. फिफाने म्हटले आहे की, खेळाडूंनी जर वर्णद्वेषासंदर्भात काही कृती केली तर त्यासंदर्भात लवचिक धोरण अवलंबा. कारवाई करू नका.

जर्मनीच्या फुटबॉल फेडरेशनने मात्र म्हटले आहे की, कोणत्याही खेळाडूने राजकीय, धार्मिक किंवा वैयक्तिक अर्थाने काही घोषणा दिल्या, प्रतिमा झळकाविल्या तर त्या खेळाडूंवर कारवाई करायची अथवा नाही याबद्दल आम्ही विचार करू. रविवारी इंग्लंडचा खेळाडू जॅडन सॅँचो याने एका सामन्यादरम्यान जॉर्ज फ्लॉइड प्रकरणी निषेध व्यक्त करण्यासाठी भर मैदानात टीशर्ट काढला. त्याबद्दल त्याच्यावर कारवाई करण्यात आली. बुंडेसलिगा स्पर्धेत अमेरिकेच्या वेस्टन मॅककेनीने हातावर काळी पट्टी बांधून निषेध केला तर मार्क थुराम याने आणखी एका सामन्यात गोल केल्यावर गुडघ्यावर बसत जॉर्ज फ्लॉइडप्रती आपल्या भावना व्यक्त केल्या.

खेळाडूंनी केली भाषणे

काही खेळाडूंनी काही लोकांसमोर भाषण करून आपल्या भावना व्यक्त केल्या. यूएफसी मिडलवेटचा विजेता इस्रायली खेळाडू अदेसान्या याने न्यूझीलंडमध्ये जवळपास ४ हजार लोकांसमोर जॉर्ज फ्लॉइडच्या मृत्युच्या घटनेचा निषेध केला. वेलिंग्टनमध्ये मोर्चे काढून लोकांनी निषेध नोंदविला. एनबीए स्टार ट्रे यंग यानेही एका मोर्चाचे सभेत रूपांतर झाल्यावर त्यांना संबोधित करताना वर्णद्वेष आणि पोलिसांच्या अत्याचारासंदर्भात आपले विचार मांडले.

संगकाराचाही पाठिंबा

कोलंबो : अमेरिकेत सुरू असलेला वर्णद्वेष आणि अन्याय आपल्याला खूप काही शिकवून जातो. त्यामुळे सर्व नागरिकांनी मिळून हे वातावरण बदलायला हवे. मोकळेपणा, पारदर्शकता, एकमेकांप्रती आदर, एकमेकांना समजून घेण्याची वृत्ती ही संस्कृती विकसित करायला हवी. त्या अनुषंगानेच आपण सरकारमधील आपल्या प्रतिनिधींची निवड करायला हवी. आपल्या निवडीमुळे सरकारच्या भूमिका, कृती निश्चित होतात. जर आपल्याला उत्तम सरकार, चांगली धोरणे हवी असतील तर आपणही सजग असणे गरजेचे आहे, असे संगकाराने म्हटले आहे.



Source link

LEAVE A REPLY

Please enter your comment!
Please enter your name here

Most Popular

ind vs aus first ODI: टीम इंडियासाठी अलर्ट; पहिल्या वनडेत ऑस्ट्रेलियाचे पारडे जड, जाणून घ्या कारण – ind vs aus first odi australia can...

नवी दिल्ली: भारतीय संघ आठ महिन्यांच्या मोठ्या कालावधीनंतर आंतरराष्ट्रीय सामना खेळणार आहे. उद्यापासून म्हणजेच २७ नोव्हेंबरपासून भारताचा ऑस्ट्रेलिया दौरा सुरू आहे. भारताच्या दौऱ्याची...

Recent Comments