Home शहरं कोल्हापूर Kolhapur News : गर्दी आली रस्त्यावर - there was a crowd on...

Kolhapur News : गर्दी आली रस्त्यावर – there was a crowd on the street


कोल्हापूर टाइम्स टीम

चाळीस दिवसांच्या लॉकडाउननंतर ऑरेंज झोनमधील सवलतींमुळे सोमवारी गर्दी रस्त्यावर आल्याचे चित्र शहरात दिसले.

सरकारी कार्यालये, बँका, उद्योग, व्यापाराशी संबंधित खासगी कार्यालयेही सुरू झाल्यामुळे दुपारपर्यंत भर उन्हातही गर्दी दिसून येत होती. बऱ्याच दिवसांपासून रेंगाळलेल्या कामांची पूर्तता करण्यासाठी वर्दळ वाढली. लॉकडाउनमधून झालेली सुटका तात्पुरती असल्याचा समज झाल्यामुळे नागरिकांच्या मनात संभ्रम दिसला. तातडीने कामांचा निपटारा करायच्या या उद्देशाने अनेकजण बाहेर पडल्याचे दिसत होते.

शहर परिसरातील उद्योग तसेच वेगवेगळ्या दुकानांना सुरू करण्यास परवानगी देण्यात आली. तसेच खासगी कार्यालयांनाही कमी कर्मचाऱ्यांमध्ये काम करण्यास मुभा मिळाली. त्यामुळे झालेल्या गर्दीनंतर प्रमाणापेक्षा अधिक गर्दी झाली. गर्दी रोखण्यासाठी अतिक्रमण, अग्निशमन दल व इस्टेट विभागाचे अधिकारी, कर्मचारी प्रत्येक रस्त्यावर फिरस्ती करत होते. नऊ गाड्यांच्या माध्यमातून सुरक्षित वावर ठेवण्याच्या सूचना अनाउसिंगद्वारे दिल्या जात होत्या. दरम्यान, गर्दीवर नियंत्रणासाठी महापालिकेने पाच पथकांची स्थापना केली आहे. ही तयारी केली असली तरी काही नागरिक विनाकारण रस्त्यावर फिरत असल्याचे दिसत होते.

शुक्रवारी केंद्र सरकारने ऑरेंज, ग्रीन झोनमध्ये अटी व शर्तीनुसार सोमवारपासून व्यवहार सुरू करण्यास परवानगी दिली. मात्र रविवारी रात्री उशीरापर्यंत राज्य सरकारचा कोणताही आदेश जिल्हा प्रशासनापर्यंत पोहोचला नव्हता. तरीसुद्धा शनिवारी सकाळपासूनच शहरातील काही दुकाने सुरू झाली. तर काही दुकानदारांनी दुकाने सुरू करण्यासाठी पूर्वतयारी केली. शनिवारी आणि रविवारी शहरात सर्वत्र नागरिकांचा वर्दळ वाढल्याचे दिसले. अनेक मुख्य रस्त्यांवर नेहमीसारखी गर्दी झाली. सार्वजनिक वाहतूक वगळता सर्व वाहने रस्त्यावर असल्याने सोमवारी गर्दीत भर पडण्याचे संकेत महापालिका प्रशासनाला मिळाले होते.

रविवारी रात्री उशीरापर्यंत मुख्यमंत्री उद्धव ठाकरे यांची प्रत्येक जिल्हाधिकाऱ्यांसोबत व्हिडीओ कॉन्फरन्स सुरू होती. कॉन्फरन्सनंतर त्यांनी आयुक्त डॉ. मल्लिनाथ कलशेट्टी यांनी गर्दीवर नियंत्रण ठेवण्यासाठी सूचना केल्या होत्या. त्यानुसार आयुक्तांनी चारही विभागीय कार्यालयीन प्रमुखांना सूचना केल्या होत्या. त्यानुसार नियंत्रण ठेवण्यासाछी पाच पथकांची नियुक्ती केली. पथक सकाळपासून सायंकाळपर्यंत शहरातील विविध भागात फिरती करणार आहे. फिरती दरम्यान सुरक्षित वावराबाबतच्या नियमांचे उल्लंघन होत असल्यास कारवाई केली जाईल.

त्याचबरोबर अतिक्रमण, अग्निशमन, इस्टेट, परवाना विभागाचे अधिकारी व कर्मचारी स्वतंत्रपणे पाहणी करत होते. राज्य सरकारच्या यादीबाहेरील दुकाने सुरू असल्यास ते बंद करण्याची कार्यवाही पथकांकडून केली जात होती. सरकारच्या निर्देशानुसार सलग पाच दुकाने सुरू करण्यास मज्जाव असला, तरी अनेक ठिकाणी एकाच प्रकारची पाच दुकाने सुरू असल्याचे दिसत होते. येथे पथकातील कर्मचाऱ्यांना कारवाई करताना अडचणींना सामोरे जावे लागले. एकीकडे पथक शहरातील विविध रस्त्यावर फिरत असताना आयुक्त डॉ. कलशेट्टी यांनीही अनेक भागात पाहणी केली.

सुरक्षित वावर, मास्क व हँडग्लोजचा वापर आदी सूचना देण्यासाठी प्रशासनाने चार रिक्षा भाडेतत्वावर घेतल्या आहेत. याद्वारे नागरिकांचे प्रबोधन केले जात असून त्यात अग्निशमन विभागाच्या पाच गाड्यांचाही समावेश केला आहे. प्रशासनाने दिलेल्या सूचनांचे पालन न केल्यास कारवाई करण्याचा इशारा वारंवार दिला जात होता. परिस्थिती पूर्ववत होईपर्यंत अशाच पद्धतीने नियंत्रण ठेवण्यात येणार असल्याचे महापालिकेच्या वरिष्ठ अधिकाऱ्यांनी सांगितले.

गर्दी वाढल्याने कोंडी

लॉकडाउन जाहीर झाल्यापासून अनेकजण विनाकारण घरातून बाहेर पडत होते. पोलिसांनी मज्जाव केल्यास विविध कारणे सांगून पळवाट शोधत होते. त्याची पुनरावृत्ती आजही दिसून येत होती. दुकाने सुरू झाल्याने लॉकडाउनमध्ये शिथिलता दिल्यासारखी स्थिती झाली आहे. त्याचा फायदा घेत अनेकांना घराबाहेर पडण्याचा निर्णय घेतला. त्यामुळे शहरातील सर्वच रस्त्यावर नागरिकांची मोठी वर्दळ दिसत होती.

राज्य सरकारच्या मार्गदर्शक सूचनांनुसार दुकाने सुरू करण्यात आली आहेत. दुकानांमध्ये गर्दी होऊ नये, यासाठी अधिकाऱ्यांना आवश्यक सूचना रविवारी रात्रीच दिल्या आहेत. तसेच नियंत्रण ठेवण्यासाठी पथकांची स्थापना केली आहे. नियमांचे उल्लंघन झाल्यास प्रशासनाच्यावतीने कारवाई करण्यात येणार आहे.

– डॉ. मल्लिनाथ कलशेट्टी, आयक्त

पॉइंटर

– अग्निशमन विभागाच्या पाच गाड्या व चार रिक्षातून अनाउन्सिंग

– अतिक्रमण विभागाचे स्वतंत्र गस्ती पथक

– विभागीय कार्यालयानुसार जबाबदारी निश्चित

– अधिकारी व प्रभाग समिती सचिवांमध्ये समन्वय



Source link

LEAVE A REPLY

Please enter your comment!
Please enter your name here

Most Popular

PM Modi: pm modi : PM मोदींच्या पश्चिम बंगालमध्ये होणार तुफानी प्रचारसभा, भाजपची रणनीती तयार – assembly election 2021 pm modi bjp campaign strategy...

नवी दिल्लीः निवडणूक आयोगाने काही दिवसांपूर्वीच ४ राज्ये आणि १ केंद्रशासित प्रदेशच्या विधानसभा निवडणुकांची ( assembly election 2021 ) घोषणा केली. त्यापुढच्या काही...

nicolas sarkozy corruption: Nicolas Sarkozy Corruption भ्रष्टाचार प्रकरणी फ्रान्सच्या माजी अध्यक्षांना तुरुंगवासाची शिक्षा – former french president nicolas sarkozy guilty of corruption given one...

पॅरिस: फ्रान्सचे माजी अध्य़क्ष निकोलस सरकोझी यांना पॅरिसमधील न्यायालयाने सोमवारी भ्रष्टाचाराच्या आरोपाखाली दोषी ठरवले. त्यांना एक वर्ष तुरुंगवास आणि निलंबित कारावासाची शिक्षा सुनावण्यात...

Kotak Mahindra Bank reduce home loan rate: आणखी एका बँंकेची व्याजदर कपात; ‘या’ बँंकेकडून मिळेल सर्वात कमी व्याजदरात गृहकर्ज – kotak mahindra bank reduce...

हायलाइट्स:मागील दोन महिने स्थावर मालमत्ता क्षेत्रात तेजी दिसून आली आहे.जास्तीत जास्त गृहकर्ज वितरण करण्यासाठी बँकांनी गृहकर्ज दरात कपात कोटक महिंद्रा बँकेने कर्ज दरात...

devendra fadnavis vs uddhav thackeray latest news: Devendra Fadnavis: फेसबुक लाइव्हमध्ये मुख्यमंत्री खरं बोलले!; करोनाबाबत फडणवीसांचा गंभीर आरोप – maharashtra budget session devendra fadnavis...

हायलाइट्स:ठाकरे सरकार केवळ फेसबुक लाइव्हमध्ये मग्न आहे!देवेंद्र फडणवीस यांचा मुख्यमंत्री उद्धव ठाकरेंवर निशाणावरळीत पहाटेपर्यंत बार कुणाच्या आशीर्वादाने चालतात?मुंबई: 'ठाकरे सरकार केवळ फेसबुक लाइव्हमध्ये...

Recent Comments