Home शहरं कोल्हापूर Kolhapur News : लुटमारी करणाऱ्या तीन तोतया पोलिसांना अटक - three puppet...

Kolhapur News : लुटमारी करणाऱ्या तीन तोतया पोलिसांना अटक – three puppet policemen arrested for looting


म. टा. प्रतिनिधी, कोल्हापूर

नाकाबंदी करून वाहनांची तपासणी करण्यासाठी नेमणूक केल्याचा बहाणा करून वाहनधारकांना अडवून लुटमार करणाऱ्या हुपरी परिसरातील तिघांच्या टोळीला करवीर पोलिसांनी शनिवारी पहाटे अटक केली. टोळीचा म्होरक्या शीतल विजय कांबळे (वय ३६, रा. शाहूनगर, हुपरी), अण्णा आनंद शिंदे (३२, रा. रेंदाळ, ता. हातकणंगले) आणि विकास सुरेश शिंदे (३५, रा. तळंदगे फाटा, इंगळी वसाहत हुपरी) अशी अटक केलेल्यांची नावे आहेत. या टोळीने दहा ते बारा जणांची लुटमार केल्याचे तपासात उघड झाले आहे.

करवीर पोलिस ठाण्याच्या हद्दीत गेल्या दीड-दोन महिन्यांत अनेक वाहनधारकांची लुटमारी झाल्याच्या तक्रारी पोलिसांकडे आल्या होत्या. त्यानंतर जिल्हा पोलिस अधीक्षक डॉ. अभिनव देशमुख यांनी करवीर पोलिसांना पथक नेमण्याचे आदेश दिले. पोलिस निरीक्षक सुनील पाटील यांनी उपनिरीक्षक अरविंद कांबळे, हवालदार प्रशांत माने यांच्यासह सहाजणांचे पथक नेमले होते. या पथकाकडून टोळीचा शोध सुरू होता. ही टोळी हळदी परिसरात आल्याची माहिती पथकाला मिळाली. त्यानुसार शनिवारी पहाटे टोळीला पोलिसांनी जेरबंद केले.

हळदी, इस्पुर्ली (ता. करवीर) येथेही या टोळीकडून लुटमारीचे प्रकार घडले होते. गुन्ह्याचा तपास करत असताना पथकाने या परिसरात मध्यरात्री गस्त घातली. त्यावेळी हळदी येथे ही टोळी पोलिसांच्या हाती लागली. त्यांच्याकडे कसून चौकशी केली असता तोतया पोलिस असल्याचे उघड झाले. या टोळीत आणखी दोघेजण असून ते पसार झाले आहेत.

दरम्यान, अटक केलेल्या शीतल कांबळे याच्याकडे कोडोली येथील आपत्ती व्यवस्थापन समितीचा कार्यकर्ता असल्याचे ओळखपत्र सापडले आहे. तो आपत्ती व्यवस्थापन पथकात असून नाकाबंदी तपासणी नाक्यावर वाहन तपासणी आणि कारवाईचे अधिकार दिल्याचे वाहनधारकांना भासवत होता. ही टोळी मध्यरात्री रस्त्यावरुन जाणाऱ्या वाहनांकडून कागदपत्रे तसेच लॉकडाऊनच्या काळात इ-पासची मागणी करत होते. संबधित वाहनधारकांकडे कागदपत्रे नसल्यास त्यांना मारहाण करुन खिशातील रोख रक्कम, सोन्याचे दागिने घेऊन त्याला सोडून देत होते. गेल्या दोन महिन्यात या टोळीने करवीर तालुक्यात धुमाकूळ घातला होता.

टोळीत आणखी काही जणांचा समावेश असल्याची शक्यता आहे. गुन्ह्यात त्यांनी वापरलेली वाहने जप्त केली जाणार आहेत. त्यांच्याकडून जप्त केलेले सोने आणि मुद्देमाल न्यायालयीन प्रक्रियेनंतर संबधितांना परत केला जाईल.

– सुनील पाटील, पोलिस निरीक्षक, करवीर



Source link

LEAVE A REPLY

Please enter your comment!
Please enter your name here

Most Popular

sonography centre in aurangabad: सोनोग्राफी केंद्रांवर आता जिल्हाप्रशासनाची नजर – nashik district administration will watch on sonography centre

म. टा. प्रतिनिधी, औरंगाबादसोनोग्राफी केंद्रामध्ये तीन ते चार महिने गर्भवती असलेली महिला अचानक तपासणीस येणे बंद कसे होते, याबाबत लक्ष देण्यात येणार आहे....

Ajinkya Rahane: ऑस्ट्रेलियात ऐतिहासिक कामगिरी करणाऱ्या राज्यातील पाच क्रिकेटपटूंचा होणार नागरी सत्कार – india tour of australia five cricketers will be honored by state...

हायलाइट्स:ऑस्ट्रेलिया दौऱ्यात कसोटी मालिकेत विजय मिळवलेल्या संघात चार खेळाडू राज्यातीलया खेळाडूंचा नागरी सत्कार करण्याची मनसेची मागणीक्रीडा व युवक कल्याण मंत्री सुनील केदार यांनीक्रीडा...

Recent Comments