Home शहरं कोल्हापूर Kolhapur News : वेगवेगळ्या वर्गांची तीन सत्रांत परीक्षा - examination in three...

Kolhapur News : वेगवेगळ्या वर्गांची तीन सत्रांत परीक्षा – examination in three sessions of different classes


म. टा. प्रतिनिधी, कोल्हापूर

करोनाच्या संकटामुळे लांबणीवर पडलेल्या महाविद्यालयीन आणि विद्यापीठीय परीक्षा तीन सत्रांमध्ये घेण्याबाबतचा विचार सुरू आहे. दिवसभरात वेगवेगळ्या वर्गाचे तीन पेपर घेऊन कमीत कमी कालावधीत जास्तीत जास्त अभ्यासक्रमांच्या परीक्षांचे नियोजन करण्याविषयी प्राथमिक चर्चा झाली. मात्र, यासंदर्भात कुठलाही अंतिम निर्णय झाला नाही. विद्यापीठीय परीक्षांच्या नियोजनाबाबत प्रशासनाने १८ सदस्यीय समितीची स्थापना केली आहे. या समितीची पहिली ऑनलाइन बैठक शनिवारी झाली.

दरम्यान, विद्यापीठ अनुदान आयोगाने नेमलेल्या समितीच्या शिफारशीच्या पाठोपाठ विद्यापीठाला राज्य सरकारने नेमलेली समिती काय शिफारस करते याकडे लक्ष लागले आहे. राज्य सरकारने नेमलेल्या समितीच्या अहवालानंतर विद्यापीठीय परीक्षांच्या वेळापत्रक शिक्कामोर्तब होणार आहे. येत्या चार ते पाच दिवसांत राज्य सरकार नियुक्त समिती परीक्षेविषयी अहवाल देणार असल्याचे वृत्त आहे.

दरम्यान विद्यापीठाच्या समितीची शनिवारी झालेल्या ऑनलाइन चर्चेत परीक्षेच्या अनुषंगाने सदस्यावर वेगवेगळ्या जबाबदाऱ्या सोपविण्यात आल्या. विविध मुद्यांवर चर्चा करताना परीक्षेदरम्यान विद्यार्थी व प्राध्यापकांमध्ये सुरक्षित वावर कसा राखता येईल याबाबत समिती सदस्यांची मते आजमावली. विद्यार्थ्यांच्या सुरक्षिततेला प्राधान्य देताना प्रश्नपत्रिका व उत्तरपत्रिका निर्जंतुकीकरण करण्याविषयी समिती सदस्यांनी मते मांडली.

कुलगुरू डॉ. देवानंद शिंदे, प्रकुलगुरू डी. टी. शिर्के, कुलसचिव विलास नांदवडेकर, परीक्षा व मूल्यमापन मंडळाचे संचालक गजानन पळसे, आणि परीक्षा समितीचे प्रमुख प्राचार्य धनाजी कणसे यांच्यासह सदस्यांची ऑनलाइन चर्चा झाली. यूजीसीने नेमलेल्या समितीने एक जुलैपासून परीक्षा घेण्याविषयीची शिफारस केली आहे. मात्र, कोल्हापूर, सांगली आणि सातारा जिल्ह्यातील कराड भागात जुलैमध्ये पुराची स्थिती उद्भवते याकडेही काही सदस्यांनी लक्ष वेधले.

लांबलेल्या परीक्षांचे वेळापत्रक बनविताना दिवसभरातील तीन सत्रांत परीक्षा घेण्याची सूचना सदस्यांनी केल्या. तीन वेगवेगळ्या वर्गांचे तीन सत्रात पेपर घेतल्यास ते सोयीचे ठरेल अशी मते सदस्यांनी मांडली. सकाळी नऊ ते ११, दुपारी बारा ते एक आणि दुपारी तीन ते पाच या वेळेत पेपर घेता येऊ शकतो. मात्र, यासंदर्भात अंतिम निर्णय झाला नाही.

चर्चेमध्ये डॉ. आर. जी. कोरबू, डॉ. एच. एन. मोरे, डॉ. पी. आर. शेवाळे, मेघा गुळवणी, डी. के. मोरे, अरुण पाटील, एस.एस. पाटील, अवनिश पाटील, पी. व्ही. अनभुले आदींनी सहभाग घेतला.

…………

समितीच्या पहिल्याच बैठकीत विविध अभ्यासक्रमांविषयी आढावा घेतला. परीक्षेसंदर्भात प्रत्येकांची मते आजमावली. फार्मसी व इंजिनीअरींगचे पेपर ऑनलाइन घेण्याविषयी काही संस्थांनी तयारी दर्शविली आहे. दरम्यान, राज्य सरकारच्या समितीकडून काय शिफारशी होतात याकडे लक्ष आहे. समितीच्या शिफारशीनंतर समितीची पुन्हा बैठक होईल.

– प्राचार्य डॉ. डी. जी. कणसे, समिती प्रमुख



Source link

LEAVE A REPLY

Please enter your comment!
Please enter your name here

Most Popular

diego maradona death: स्टार फुटबॉलपटू मॅरेडोना यांच्या निधनानं बॉलिवूड हळहळलं – srk, priyanka chopra, kareena kapoor khan and other celebrities mourn the loss of...

मुंबई : महान फुटबॉलपटू दिएगो मॅराडोना यांचं काल म्हणजेच बुधवारी निधन झालं, ते ६० वर्षांचे होते. मॅराडोना यांचे ह्रदयविकाराच्या झटक्यानं निधन झाल्याचं वृत्त...

Pune crime news: २० वर्षांपासून मूल होत नसल्याने केले बाळाचे अपहरण; सख्ख्या बहिणींना अटक – Pune Hadapsar Police Arrested Two Womens For Kidnapping A...

म. टा. प्रतिनिधी, हडपसर: हडपसर येथील गाडीतळ परिसरातून अपहरण झालेले बाळ गुरुवारी सापडले. वीस वर्षांपासून मूल होत नसल्याने एक वर्षाच्या या बाळाला पळवून...

gold price today: सोने-चांदीमध्ये तेजी ; जाणून घ्या आजचा सराफाचा दर – Gold Silver Price Rise Today

मुंबई : मल्टी कमॉडिटी एक्सचेंजमध्ये सध्या सोन्याचा भाव प्रती १० ग्रॅम ४८७१० रुपये आहे. त्यात १९७ रुपयांची वाढ झाली आहे. चांदीचा भाव एक...

Recent Comments