Home क्रीडा liverpool: ३० वर्षांनी दुष्काळ संपुष्टात; लिव्हरपूलने हृदय जिंकले - liverpool won the...

liverpool: ३० वर्षांनी दुष्काळ संपुष्टात; लिव्हरपूलने हृदय जिंकले – liverpool won the heart


वृत्तसंस्था, लिव्हरपूल

तब्बल ३० वर्षांनी लिव्हरपूलच्या इंग्लिश प्रीमियर लीग (ईपीएल) जेतेपदाचा दुष्काळ संपुष्टात आला आहे. गंमत म्हणजे भारतीय प्रमाणवेळेनुसार गुरुवारी मध्यरात्री आपल्या लढतीला प्रारंभ व्हायच्याआधीच लिव्हरपूलचे जेतेपद निश्चित झाले होते. दुसऱ्या लढतीत चेल्सीने मँचेस्टर सिटीवर २-१ अशी मात केल्यामुळे लिव्हरपूलचे जेतेपद निश्चित झाले. १९९०मध्ये लिव्हरपूलने ईपीएल जिंकली होती. त्यानंतर तीन दशके त्यांनी या जेतेपदाचा दुष्काळ सोसला. मात्र यंदा सुरुवातीपासून खणखणीत कामगिरी करत लिव्हरपूलने आपल्या पाठिराख्यांचे हृदयही खऱ्याअर्थाने जिंकले.

मँचेस्टर सिटी ईपीएल गुणतक्त्यात दुसऱ्या क्रमांकावर आहे. आता त्यांनी उर्वरित सातही लढती जिंकल्या तरी ते अव्वल असलेल्या लिव्हरपूलला गुणांमध्ये गाठू शकत नाहीत. सध्या लिव्हरपूलचे ३१ सामन्यांत ८६ गुण झाले आहेत. तर सिटीने तेवढ्याच लढतींमध्ये ६३ गुणांची कमाई केली आहे. या दोघांमध्ये आता २३ गुणांचे अंतर आहे.

लिव्हरपूलने करोनाच्या गडद छायेत आपले जेतेपद निश्चित केले. जवळपास तीन महिने लीग ठप्प होती. अन् आता ईपीएलला पुन्हा सुरुवात झाली आहे तर करोनाचा धोका लक्षात घेत प्रेक्षकांना स्टेडियममध्ये प्रवेश दिला जात नाही. जेतेपद निश्चित झाल्यानंतर लिव्हरपूलच्या काही पाठिराख्यांनी संघाच्या अॅनफील्ड स्टेडियम बाहेर गर्दी केली. आतषबाजी करत आपल्या संघाच्या विजयाचे सेलिब्रेशन पार पडले.

लिव्हरपूलसाठी महत्त्वाचा ठरलेल्या या सामन्यात चेल्सीकडून क्रिस्टियन पुलिसिचने ३६व्या मिनिटाला गोल केला. तर विलियनने ७८व्या मिनिटाला पेनल्टी सत्कारणी लावली. सिटीकडून केव्हिन दी ब्रूएनने ५५व्या मिनिटाला गोल केला.

म्हणून आर्सेनलची सरशी

एडी एनकेटियाने गोलकीपरच्या चुकांचा फायदा उठवत केलेला गोल, तर जो विलोकने ईपीएलमध्ये नोंदवलेल्या पहिल्या गोलमुळे आर्सेनलने ईपीएल सामन्यात साउदम्पनवर २-० अशी मात केली. गुणतक्त्यात नवव्या क्रमांकावर असणाऱ्या आर्सेनलने करोनामुळे थांबलेल्या लीगला पुन्हा सुरुवात झाल्यानंतर आपल्या दोनही लढती गमावल्या होत्या.

व्हेलेंसियाची आशा धुसर

स्पेनची फुटबॉल लीग ला लिगा लढतीत इबारने व्हेलेंसियावर १-० अशी मात केली. या अपयशामुळे युरोपीयन चॅम्पियन्स लीगमध्ये खेळण्याच्या व्हेलेंसियाच्या आशा धूसर झाल्या आहेत. या पराभवानंतर व्हेलेंसिया आठव्या क्रमांकावरच राहिला असून चौथ्या क्रमांकावरील सेव्हिलापेक्षा ते सात गुणांनी मागे आहेत. ला लिगामध्ये अव्वल चारमध्ये असणाऱ्या संघांना चॅम्पियन्स लीगमध्ये खेळण्याची संधी मिळते. ही लढत जिंकली असती तर व्हेलेंसिया संयुक्त पाचव्या क्रमांकावर आला असता. मात्र पराभवामुळे आता व्हेलेंसिया युरोपा लीगमध्ये भाग घेणाऱ्यांच्या शर्यतीतही मागे पडला आहे.

अखेर जेतेपद लाभले

१)पाठिराख्यांप्रमाणे लिव्हरपूलचा संघही मँचेस्टर सिटी विरुद्ध चेल्सी लढत बघत होता. चेल्सीच्या विजयानंतर जेतेपद निश्चित झाले अन् पाठिराखे रस्त्यावर येण्यास सुरुवात झाली.

२) डझन भर चाहते लिव्हरपूलचे घरचे स्टेडियम असणाऱ्या अॅनफील्ड स्टेडियमबाहेर जमले. ही संख्या मग हजारांवर गेली अन् सेलिब्रेशनला सुरुवात झाली.

२)लिव्हरपूल हा ईपीएलच्या बऱ्यापैकी फेऱ्या शिल्लक असताना जेतेपद निश्चित करणारा संघ ठरला आहे.

३)चाहत्यांना फक्त स्टेडियममध्ये प्रवेश बंदी आहे असे नाही, तर येथील पबही मार्चपासून बंद असल्याने पाठिराखे टीव्ही किंवा फोनवर लढती बघत आहेत.



Source link

LEAVE A REPLY

Please enter your comment!
Please enter your name here

Most Popular

Nitish Kumar rally: प्रचारसभेत ‘लालू यादव जिंदाबाद’च्या घोषणा; संतापलेले नितीशकुमार म्हणाले… – bihar election lalu yadav jindabad a group of people raising slogans in...

पाटणाः राष्ट्रीय जनता दलाचे नेते तेजस्वी यादव यांच्या सभांना मोठी गर्दी होत आहे. तेजस्वी यादव १० लाख नोकऱ्या देण्याचे आश्वासन देतात त्यावेळी जोरदार...

rcb vs kkr highlights: Royal Challengers Bangalore Beat Kolkata Knight Riders By 8 Wickets – IPL2020: विराट कोहलीच्या आरसीबीने मिळवला केकेआरवर मोठा विजय

अबुधाबी: विराट कोहलीच्या नेतृत्वाखाली आरबीसीच्या संघाने आजच्या सामन्यात केकेआरवर सहजपणे मोठा विजय मिळवला. केकेआरच्या फलंदाजांनी यावेळी आरसीबीच्या गोलंदाजीपुढे लोटांगण घातल्याचे पाहायला मिळाले होते....

Recent Comments