Home शहरं अहमदनगर Maharashtra lockdown : करोना संकट टळेपर्यंत दारू नकोच; मुख्यमंत्र्यांना पत्र - maharashtra...

Maharashtra lockdown : करोना संकट टळेपर्यंत दारू नकोच; मुख्यमंत्र्यांना पत्र – maharashtra lockdown do not open liquor shops during lockdown, social activists request to cm uddhav thackeray


अहमदनगर: करोना विषाणूच्या संकटकाळात दारू आणखी घातक ठरणारी आहे. सध्या शुद्धीत असताना लोक पोलिसांचे ऐकत नाहीत, तर नशेत कसे होईल? त्यामुळे केवळ महसूल बुडतो किंवा कोणी तरी दबाव आणतो म्हणून दारूची दुकाने सुरू केली जाऊ नयेत. करोनाचे संकट पूर्ण टळल्याशिवाय यासंबंधी काहीही निर्णय घेऊ नये, अशी मागणी दारूबंदी चळवळीतील विविध संघटनांच्या कार्यकर्त्यांनी मुख्यमंत्री उद्धव ठाकरे यांच्याकडे पत्राद्वारे केली आहे.

लॉकडाऊनच्या का‌ळात वाइन शॉप सुरू करण्याबाबत मनसे अध्यक्ष राज ठाकरे यांनी राज्य सरकारला सूचवले आहे. त्याला विरोध दर्शविण्यासाठी च‌ळवळीतील कार्यकर्त्यांनी हे पत्र पाठविले आहे. पत्रात म्हटले आहे की, ‘करोनाचे संकट समर्थपणे हाताळणाऱ्या देशातील बोटांवर मोजता येणाऱ्या राज्याच्या मुख्यमंत्र्यांच्या यादीत उद्धव ठाकरे यांचा क्रमांक लागतो. याचा आम्हाला सार्थ अभिमान वाटतो. आपल्या राज्यात लॉकडाऊनचा निर्णय घेताना सर्व प्रकारची देशी, विदेशी दारुची दुकाने त्वरीत बंद करण्याचा निर्णय घेतला. याबद्दलही आपले विशेष कौतुक. दारू दुकाने बंद ठेवल्यामुळे करोनाच्या प्रसाराला मोठ्या प्रमाणात आळा बसलेला आहे. त्याचप्रमाणे दारुवर खर्च होणारा पैसा कुटुंबाच्या उदरनिर्वाहासाठी खर्च झाल्यामुळे भुकेचा उद्रेकही काही प्रमाणात कमी झाल्याचे आमच्या निदर्शनास आले आहे. यातून अनेक व्यसनाधीन व्यक्ती निर्व्यसनी होण्याची शक्यता निर्माण झालेली आहे. असे असताना अनेकांनी वाइन शॉप सुरू करावेत अशी मागणी केली आहे. ती मागणी भविष्यासाठी अतिशय घातक ठरू शकते, असे पत्रात म्हटलं आहे. कुठल्याही व्यसनामुळे शरीराची रोगप्रतिकारक शक्ती मोठ्या प्रमाणात कमी होत असते. जागतिक आरोग्य संघटनेनेही व्यसनाला विरोध केलेला आहे. दारू दुकाने सुरू झाली तर व्यसनी पुरुष या काळात घरात झालेली बचत संपवून टाकतील. राज्याच्या तिजोरीत खडखडाट असताना महसुलासाठी वाईन शॉप सुरु केले पाहिजेत ही मागणी प्रथमदर्शनी योग्य वाटत असली तरी त्याचे दुष्परिणाम हे भयंकर होण्याची शक्यता आहेत. एका सर्वेक्षणानुसार जर दारूपासून १० रुपये उत्पन्न मिळत असेल, तर त्याचे जे समाजात होणारे दुष्परिणाम दहा पट असतात. संचारबंदीच्या काळात जे लोक शुद्धीत नियम पाळत नाहीत ते धुंदीत नियम पाळतील का? यामुळे पोलीस यंत्रणेवर अतिरिक्त ताण येण्याची शक्यता आहे, गुन्हेगारी प्रवृत्तीत वाढ होऊ शकेल. आज राज्य सरकार आर्थिक अडचणीत असताना वाईन शॉप सुरु करून नक्कीच मसुलातील तूट काही प्रमाणात भरून निघेल. पण त्यापेक्षा सरकारने जर चैनीच्या उत्पादनांवर थोडा कर वाढविला, आमदार निधी रद्द केला तरी दारूपासून मिळणाऱ्या महसुलातील तूट भरून निघू शकेल,’ असंही त्यांनी पत्रात म्हटलं आहे.

राज्यात दुकाने सुरू होणार का?; तूर्त निर्णय नाही

मुंबई-पुण्यात लॉकडाऊन वाढू शकतो: राजेश टोपे

दारूवर आठवले..गावागावातील म्हणते पारू…!





Source link

LEAVE A REPLY

Please enter your comment!
Please enter your name here

Most Popular

madhurta deshmukh: घरबसल्या गोष्टी ऐका आजी-आजोबांकडून – storyteller madhurata deshmukh is present stories for children under spin a yarn india using youtube and facebook

हर्षल मळेकर, मुंबईआजी-आजोबांच्या कुशीत शिरुन कोल्होबा, कावळा, सिंह-उंदिर यांच्या तसेच राम-कृष्णाच्या, बिरबलाच्या गोष्टी ऐकत झोपी जायचे हे भाग्य विभक्त कुटुंब पद्धतीमुळे हल्ली फार...

Nitin Bhalerao Martyr: छत्तीसगडमधील नक्षली हल्ल्यात नाशिकचे जवान नितीन भालेराव यांना वीरमरण – assistant commandant of crpf nitin bhalerao martyred, 9 injured in naxal...

नाशिक: छत्तीसगडमध्ये सुकमा येथे नक्षलवाद्यांनी घडवून आलेल्या स्फोटात सीआरपीएफचे जवान नितीन भालेराव शहीद झाले आहेत. या स्फोटात एका अधिकाऱ्यासह ९ जवान जखमी झाले...

Recent Comments