Home शहरं नागपूर mangesh kadav: Mangesh Kadav शिवसेनेच्या नागपूर शहरप्रमुखावर तरुणीने केला गंभीर आरोप -...

mangesh kadav: Mangesh Kadav शिवसेनेच्या नागपूर शहरप्रमुखावर तरुणीने केला गंभीर आरोप – complaint of harassment against shiv sena leader in nagpur


नागपूर: ठगबाजी व खंडणीचे गुन्हे दाखल असलेले शिवसेना शहरप्रमुख मंगेश कडव यांनी आपल्यावर अत्याचार केल्याची गंभीर तक्रार पीडित तरुणीने गुन्हेशाखा पोलिसांकडे केली आहे. दरम्यान, चार गुन्ह्यांत फरार असलेल्या कडव यांचा नागपूर पोलीस कसून शोध घेत आहेत. ( Shiv Sena Leader Mangesh Kadav )

वाचा: शिवसेना का पॉवर हैं, अख्खा फॅमिली उडा दूंगा!; नागपुरातील नेत्याचं धमकीसत्र!

गुन्हेशाखेत कडव यांच्याविरुद्ध तक्रारींचा ओघ सुरूच आहे. आतापर्यंत तरुणीसह दहा पीडितांनी गुन्हेशाखा पोलिसांकडे कडव यांच्याविरुद्ध तक्रारी केल्या आहेत. पोलिसांनी या तक्रारींची चौकशी सुरू केली आहे. दरम्यान, कडव यांच्याविरुद्ध खंडणी व फसवणुकीचे चार गुन्हे दाखल झाले आहेत. या चारही गुन्ह्यांचा तपास गुन्हेशाखेच्या खंडणी विरोधी पथकाकडे सोपविण्यात आला आहे.

कडव यांनी २५ लाख रुपये घेतल्याचा आरोप काही दिवसांपूर्वी करण्यात आला होता. त्यानंतर कडव उपराजधानीत चर्चेत आले. या आरोपानंतर कडव यांच्याविरुद्ध गुन्हे दाखल होण्यास सुरुवात झाली. विक्रम मधुकर लाभे यांच्या तक्रारीवरून अंबाझरी पोलिसांनी घरफोडी व खंडणीचा गुन्हा दाखल केला. बिल्डर देवानंद शिर्के यांना ठार मारण्याची धमकी देऊन २० लाख रुपयांची खंडणी मागितल्याप्रकरणी सक्करदरा पोलिसांनी तसेच विकास रामकृष्ण चौधरी (४४ रा. कस्तुरबा लेआऊट) यांच्या तक्रारीवरून बजाजनगर पोलिसांनी कडव यांच्याविरुद्ध गुन्हे दाखल झाले आहेत. कडव फरार असून, ते अटकपूर्व जामिनासाठी धडपड करीत असल्याची माहिती आहे.

वाचा: युवा सेनेच्या जिल्हा प्रमुखाने मागितली ८ लाखांची खंडणी

नोकरीचे आमिष दाखवून फसवणूक

मंगेश कडव यांनी भूखंड व फ्लॅट विक्रीच्या नावे अनेकांची फसवणूक केली आहे. शिवसेनेतील पदाचा गैरवापर करून त्यांनी अनेकांकडे खंडणीची मागणी केली. याशिवाय कडव यांनी एका तरुणाला रेल्वेत टीसीची नोकरी लावून देण्याचे आमिष दाखविले. त्याच्याकडून लाखो रुपये उकळले, याबाबतही गुन्हेशाखा पोलिसांकडे तक्रार आली आहे. मुंबईतील एका हॉटेलमालकाच्या फसवणूक प्रकरणातही कडव चर्चेत आले होते.



Source link

LEAVE A REPLY

Please enter your comment!
Please enter your name here

Most Popular

tractor rally: शेतकऱ्यांनी दिल्ली पोलिसांना ‘ट्रॅक्टर रॅली’साठी मागितली लिखित परवानगी – tractor rally : farmers sought written permission from delhi police for republic day...

नवी दिल्ली : कृषी कायद्यांविरोधातील शेतकरी आंदोलन आज ६० व्या दिवशीही सुरूच आहे. याच दरम्यान शेतकऱ्यांनी २६ जानेवारी रोजी 'प्रजासत्ताक दिना'ला ट्रॅक्टर रॅली...

mumbai: मुंबई: मालकाशी वाद; ड्रायव्हरनं ३ कोटींच्या ५ बस दिल्या पेटवून – mumbai driver arrested for setting five buses on fire after dispute with...

मुंबई: ट्रॅव्हल एजन्सीत ड्रायव्हर म्हणून काम करणाऱ्या मुंबईतील व्यक्तीने जवळपास ३ कोटी रुपये किंमतीच्या पाच बस पेटवून दिल्या. मालकाने पैसे दिले नाहीत म्हणून...

Recent Comments