Home मुंबई नवी मुंबई MNS targets Rajesh Tope: MNS: करोना रुग्णांची होतेय फसवणूक?; मनसेचा आरोग्यमंत्री टोपेंवर...

MNS targets Rajesh Tope: MNS: करोना रुग्णांची होतेय फसवणूक?; मनसेचा आरोग्यमंत्री टोपेंवर गंभीर आरोप – cheating in mahatma phule jan arogya yojana says mns


नवी मुंबई: ‘ महात्मा जोतिबा फुले जन आरोग्य योजना ‘ सध्या सर्वांसाठीच वरदान ठरत असताना या योजनेवर मनसेने गंभीर आरोप केले आहेत. या योजनेत मोठ्या प्रमाणात फसवणूक केली जात असल्याचा दावा मनसेने केला आहे. ( MNS targets Rajesh Tope )

महात्मा फुले जन आरोग्य योजनेमध्ये फसवणूक होत आहे. राज्याचे आरोग्यमंत्री राजेश टोपे यांनी १ लाख २० हजार रुग्णांवर या योजनेतून मोफत उपचार केल्याचा जो दावा केला आहे तो खोटा आहे. त्यासाठी त्यांनी जनतेची माफी मागून राजीनामा द्यायचा हवा, अशी मागणी मनसे नवी मुंबई शहर अध्यक्ष गजानन काळे यांनी केली आहे.

वाचा: देशात करोनाचे रुग्णसंख्या ६ लाखांवर, पाच दिवसांत १ लाखावर नवे रुग्ण

राज्यात सध्या महात्मा फुले जन आरोग्य योजनेतून करोना बाधित रुग्णांवर उपचार केले जात आहेत. आतापर्यंत अशा १ लाख २० हजार करोना बाधित रुग्णांवर या योजनेतून मोफत उपचार केलेत, अशी माहिती राजेश टोपे यांनी दिली आहे. या माहितीवर मनसेने आक्षेप घेतला आहे. मुळातच महात्मा फुले जन आरोग्य योजना ही करोना बाधित रुग्ण व्हेंटिलेटरवर असेल तरच लागू पडते आणि अशा रुग्णांची संख्या एक ते दोन टक्क्यांच्या वर असत नाही. हॉस्पिटलमध्ये देखील चौकशी केल्यास हेच उत्तर दिले जाते की, आपला रुग्ण व्हेंटिलेटरवर असेल तरच तुम्हाला ही योजना लागू आहे, असे शेकडो अनुभव राज्यातील जनतेला आले आहेत. तसेच महात्मा फुले जन आरोग्य योजनेच्या हेल्पलाइन क्रमांकावर (१५५३८८/ १८००२३३२२००) संपर्क केल्यास हीच माहिती मिळते. मग महाराष्ट्रात १ लाख ६४ हजार करोना बाधित रुग्ण संख्या असताना १ लाख २० हजार रुग्णांना या योजनेतून कसा लाभ मिळू शकेल असा प्रश्न गजानन काळे यांनी टोपे यांना केला आहे.

वाचा: पुणे करोनाच्या विळख्यात; रुग्णसंख्येने गाठला ४ महिन्यांतील उच्चांक

करोना बाधित रुग्णांच्या उपचारांबाबत राजेश टोपे जनतेशी खोटे बोलत आहेत. त्यातही मनसेच्या आरोपात तथ्य नाही, असे वाटत असेल तर त्यांनी या १ लाख २० हजार रुग्णांना मोफत उपचार दिल्याचे पुरावे सादर करावेत अथवा महाराष्ट्राची माफी मागून मंत्रिपदावर असताना खोटे बोललो म्हणून राजीनामा द्यावा, अशी मागणीच मनसेने केली आहे.

दरम्यान, मनसेच्या या आरोपाने राज्यात करोना संसर्गावरून नवा राजकीय वाद रंगण्याची चिन्हे आहेत.

सरकारचा निर्णय नेमका काय?

करोनाच्या पार्श्वभूमीवर राज्यातील सर्व नागरिकांना महात्मा फुले जन आरोग्य योजनेचा लाभ देण्याचा निर्णय राज्य सरकारने २ जून रोजी घेतला. या योजनेच्या अंगीकृत असलेल्या सर्व रुग्णालयांमध्ये नागरिकांना उपचार घेता येत आहेत. आधी राज्यातील ८५ टक्के नागरिकांचा या योजनेत समावेश होता. नव्या निर्णयानुसार उर्वरित १५ टक्के नागरिकांनाही योजनेचा लाभ मिळत आहे. ३१ जुलै २०२० पर्यंत ही योजना अंमलात राहणार आहे. महात्मा जोतिबा फुले जन आरोग्य योजना व प्रधानमंत्री जन आरोग्य योजना या दोन्हींचे लाभार्थी नसलेल्या इतर रुग्णांनादेखील महात्मा फुले जन आरोग्य योजनेंतर्गत असलेल्या अंगीकृत खासगी रुग्णालयांमध्ये करोनासाठी उपचार घेता येत आहेत. त्याशिवाय महात्मा फुले जन आरोग्य योजनेंतर्गत अनुज्ञेय ९९६ उपचार पद्धतींचा लाभ मान्यताप्राप्त दराने सर्व अंगीकृत रुग्णालयांमध्ये उपलब्ध करून देण्यात आला आहे. त्याचबरोबर शासकीय रुग्णालयांकरीता राखीव असलेल्या १३४ उपचारांपैकी सांधा प्रत्यारोपण शस्त्रक्रिया व श्रवणयंत्राचा उपचार वगळता १२० उपचार अंगीकृत खासगी रुग्णालयांमध्ये ३१ जुलै २०२० पर्यंत मान्यताप्राप्त दराने करण्याचे निश्चित झाले आहे.

वाचा: करोनाला वेळीच वेसण; सिंधुदुर्गात उचलले ‘हे’ मोठे पाऊल



Source link

LEAVE A REPLY

Please enter your comment!
Please enter your name here

Most Popular

yediyurappa karnataka cm: ‘कर्नाटकच्या मुख्यमंत्रीपदावरून येडियुरप्पांची लवकरच उचलबांगडी’ – yediyurappa will not remain cm for long karnataka bjp mla hints at rebellion

बेंगळुरू: भाजपचे ज्येष्ठ आमदार बासनागौडा पाटील यतनाल यांनी बंडखोरीचे संकेत दिले आहेत. बीएस येडियुरप्पा हे फार काळ मुख्यमंत्रीपदी राहणार नाहीत. त्यांचा उत्तराधिकारी हा...

Recent Comments