Home शहरं मुंबई Mumbai local train news: 'या' कर्मचाऱ्यांनाही रेल्वे प्रवासाची परवानगी द्या; राज्याचं केंद्राला...

Mumbai local train news: ‘या’ कर्मचाऱ्यांनाही रेल्वे प्रवासाची परवानगी द्या; राज्याचं केंद्राला साकडं – Maharashtra Government Request To The Ministry Of Railways To Allow Travel In Mumbai Local Central Government Employee


मुंबई: केंद्रीय कर्मचाऱ्यांनाही मुंबईच्या लोकलमधून प्रवास करण्याची परवानगी देण्यात यावी, अशी विनंती करणारं पत्र राज्य सरकारनं केंद्र सरकारला लिहिलं आहे. त्यामुळे केंद्रीय कर्मचाऱ्यांना केंद्राने लोकलमधून प्रवास करण्याची परवानगी दिली नसल्याचं उघड झालं असून भाजप नेते आशिष शेलार यांनी चुकीचा दावा केला असल्याचं स्पष्ट झालं आहे.

केंद्र शासनाची वेगवेगळी कार्यालये/आस्थापना, उच्च न्यायालये आणि सार्वजनिक क्षेत्रातील बँकामधील कर्मचाऱ्यांना लोकलने प्रवास करण्याची परवनागी देण्यात यावी,अशी विनंती राज्यशासनाने रेल्वेला केली आहे. याविषयीचा अंतिम निर्णय रेल्वेमार्फत घेतला जाईल. केंद्र शासनाच्या कार्यालयांमध्ये आयकर विभाग, मुंबई पोर्ट ट्रस्ट, कस्टम(जकात) आणि संरक्षण(डिफेन्स) विभागाचा समावेश आहे. कार्यालयीन वेळांमधील बदलांच्या अटी आणि शर्तींसह लोकलने प्रवासाची परवानगी राहील. लोकल प्रवासासाठी परवानगी देण्यात आलेली कार्यालये /आस्थापना यांच्या कार्यालय प्रमुखांनी आवश्यकता असलेल्या कर्मचाऱ्यांना पासेस देणे आवश्यक आहे. राज्य शासनाने या आधी केंद्र शासनाच्या कार्यालयांच्या उपस्थिती संदर्भात ज्या अटी घातल्या होत्या त्याचे पालन करणे बंधनकारक राहील. त्याशिवाय सामाजिक अंतर(सोशल डिस्टन्सिंग), मास्क, सॅनिटायझेशन या सारख्या बाबींचे पालन करणे आवश्यक आहे, असंही सूत्रांनी सांगितलं.

करोना महासंकटाची टांगती तलवार!; WHO ने दिला ‘हा’ इशारा

तुमच्या वीज बिलाचे आकडे का वाढलेत माहित्येय? ‘ही’ आहेत कारणं

दरम्यान, भाजप नेते आशिष शेलार यांनी एक ट्विट करून संरक्षण विभाग, आयकर, जीएसटी, कस्टम आणि पोस्ट ऑफिसमधील कर्मचाऱ्यांना मुंबईच्या लोकलमधून प्रवास करण्यास परवानगी देण्यात आल्याची माहिती दिली होती. केंद्रीय कर्मचाऱ्यांना रेल्वेतून प्रवास करण्यास परवानगी दिल्याबद्दल शेलार यांनी पंतप्रधान नरेंद्र मोदी आणि केंद्रीय गृहमंत्री अमित शहा यांचे आभारही मानले आहेत. रेल्वे मंत्रालय, पंतप्रधान नरेंद्र मोदी आणि अमित शहा यांना पत्र लिहून शेलार यांनी केंद्रीय कर्मचाऱ्यांसाठी लोकल सेवा सुरू करण्याची मागणी केली होती. आपली ही मागणी केंद्र सरकारने मान्य केल्याचा दावा शेलार यांनी केला होता. केंद्रीय कर्मचाऱ्यांना रेल्वेतून प्रवास करण्यास परवानगी देणाऱ्या आदेशाचं पत्र केंद्र सरकारनं राज्याच्या मुख्य सचिवांना पाठवल्याचा दावाही त्यांनी केला होता. तर आमच्याकडे रेल्वे मंत्रालयाकडून कोणतीही अधिकृत सूचना आली नसल्याचं सांगत रेल्वेने शेलारांचा हा दावा फेटाळून लावला होता.

दरम्यान, तब्बल दोन महिन्यानंतर १५ जून रोजी मुंबईत पहिली लोकल धावली होती. केवळ राज्य सरकारच्या सेवेत असलेल्या अत्यावश्यक सेवेतील कर्मचाऱ्यांसाठीच ही लोकल सुरू करण्यात आलेली आहे. इतर सामान्य प्रवाशांना लोकलमधून प्रवास करण्यास मज्जाव करण्यात आलेला आहे. रेल्वे स्थानकात येणाऱ्या प्रत्येक प्रवाशाची थर्मल स्कॅनिंग केल्यानंतर त्याच्याकडील ओळखपत्रं पाहिलं जातं. त्यानंतरच त्याला रेल्वे स्थानकात प्रवेश दिला जात आहे. सोशल डिस्टन्सिंगचे नियम पाळता यावेत म्हणून एका फेरीत केवळ ७०० प्रवाशांनाच प्रवासाची परवानगी देण्यात आलेली आहे.

कोरोनिलवर पतंजलीचा यू-टर्न; नोटिशीला दिले ‘हे’ उत्तर



Source link

LEAVE A REPLY

Please enter your comment!
Please enter your name here

Most Popular

Ajinkya Rahane: अजिंक्यला सलाम… ऑस्ट्रेलियाकडून शिविगाळ ऐकल्यानंतरही एका कृतीने जिंकली सर्वांची मनं – hats off to indian captain ajinkya rahane, refuse to cut kangaroo...

मुंबई : अजिंक्य रहाणे ऑस्ट्रेलियामध्ये नेतृत्व करत असताना त्याला प्रेक्षकांकडून शिविगाळ ऐकावी लागली. पण ऑस्ट्रेलियाच्या प्रेक्षकांकडून शिविगाळ ऐकली असली तरी त्यांचा सन्मान अजिंक्यने...

Kamla Harris: Kamla Harris कमला हॅरीस यांचा शपथविधीतल्या ड्रेसचा रंग जांभळा का होता ? – inauguration day why kamala harris wore purple dress

वॉशिंग्टन: अमेरिकेच्या राष्ट्राध्यक्ष आणि उपराष्ट्रपती पदाच्या शपथविधीचा सोहळा नुकताच पार पडला. हिंसाचाराच्या सावटाखाली पार पडलेल्या या शपथविधीत कोणताही अनुचित प्रकार घडला नाही. अमेरिकेचे...

coronavirus in dharavi: धारावीनं करुन दाखवलं! आज करोनाचा एकही रुग्ण आढळला नाही – no covid19 case has been reported in dharavi area of mumbai...

मुंबईः आशिया खंडातील सर्वात मोठी झोपडपट्टी असलेल्या धारावी येथून करोनाबाबत खूप मोठा दिलासा देणारी बातमी समोर आली आहे. काही महिन्यांपूर्वी करोनानं थैमान घातलेल्या...

Recent Comments