Home शहरं मुंबई mumbai news News : इथे दररोज खणाणतात हजारो फोन! - thousands of...

mumbai news News : इथे दररोज खणाणतात हजारो फोन! – thousands of phones ring here every day!


म. टा. विशेष प्रतिनिधी, मुंबई

या भागात रुग्ण सापडला आहे, तातडीने रुग्णवाहिका पाठवा. अमुक परिसरात कामगारांना अद्याप जेवण पोहोचलेले नाही. कोणत्या रुग्णालयात किती खाटा उपलब्ध आहेत, त्वरित माहिती द्या… एकाच वेळेस असंख्य फोनच्या घंटा खणखण असतात. दोन-तीनशे नव्हे, हजारो प्रश्नांची उत्तरे सध्या मुंबई महापालिकेच्या आपत्कालीन व्यवस्थापन विभागातील कर्मचाऱ्यांना दररोज द्यावी लागत आहेत.

करोनाच्या पार्श्वभूमीवर पालिकेतील आपत्कालीन व्यवस्थापन विभागाचे सध्या करोना नियंत्रण विभागात रूपांतर झाले आहे. एरवी पाऊस, पूर, आग, इमारती कोसळण्याच्या दुर्घटना यासह विविध प्रकारच्या नैसर्गिक आपत्तीत हा विभाग ठामपणे पाय रोवून काम करतो. करोनाच्या संकटातही या विभागाने तीच परंपरा कायम ठेवली आहे. सामान्य नागरिक, सरकारी, पालिका अधिकारी, रुग्णालयातील डॉक्टर व इतर वैद्यकीय कर्मचारी यांचे विविध प्रकारच्या मदतीसाठी २४ तास फोन खणखणत असतात.

करोना रुग्णांवर तब्बल ५३ पालिका व सरकारी रुग्णालयासह खासगी रुग्णालयात उपचार सुरू आहेत. या रुग्णालयातील खाटांचे नियोजन, रुग्णवाहिकेची मागणी आल्यास त्याचा पुरवठा, मुंबईतील करोना पॉझिटिव्ह, संशयित रुग्ण, किती लोकांना विलगीकरण केंद्रात ठेवले, प्रतिबंधित क्षेत्रात झालेली वाढ, तूट, विलगीकरणासाठीची व कर्मचाऱ्यांना राहण्यासाठी ठेवलेल्या हॉलची व्यवस्था अशी विविध प्रकारची कामे या विभागातील कर्मचारी करत आहेत.

आपत्कालीन व्यवस्थापन विभागात ४५ अधिकारी आणि कर्मचारी आहेत. त्यापैकी १४ जणांना करोनाची लागण झाली आहे. त्यामुळे उर्वरित ३१ कर्मचारी या विभागाचा गाडा हाकत आहेत. प्रत्येकाला तीन ते चार तास झोप वगळता अहोरात्र काम करावे लागत असल्याची माहिती पालिकेच्या वतीने देण्यात आली आहे.

हॉटेलातून करणार काम

करोनाची लागण झालेल्या विभागातील १४ कर्मचाऱ्यांना एका खासगी हॉटेलात ठेवण्यात आले आहे. या कर्मचाऱ्यांनी हॉटेलातून काम करण्याची तयार दर्शवली आहे. त्यांना प्रशासनाकडून लॅपटॉप व मोबाइल उपलब्ध करून दिले जाणार आहेत.

मदतीसाठी एक लाख फोन

मुंबईकरांना विविध प्रकारची मदत व तक्रारींसाठी आपत्कालीन विभागात १,९१६ ही हेल्पलाइन सज्ज ठेवली आहे. विविध प्रकारच्या मदतीसाठी या हेल्पलाइनवर दररोज एक हजारांहून अधिक फोन येत असतात. मागील दोन महिन्यात तब्बल एक लाख फोन आले.



Source link

LEAVE A REPLY

Please enter your comment!
Please enter your name here

Most Popular

Sambhaji Bidi: ७० वर्षांनंतर संभाजी बिडीचे नाव बदलले, आता या नावाने विक्री करणार – sambhaji bidi to be disappeared, company change product name

म.टा. प्रतिनिधी, नगर: विविध संघटनांनी वेगवेगळ्या माध्यामातून केलेल्या विरोधाची दखल घेत विडी उत्पादक साबळे वाघीरे आणि कंपनीने संभाजी विडीचे नामांतर साबळे विडी केले...

fire at serum institute: सीरमच्या आगीमागे घातपाताचा संशय; CM ठाकरे स्पष्टचं बोलले – the covid vaccine is safe. i have not spoken to adar...

पुणेः सीरम इन्स्टिट्यूटमध्ये लागलेली आगीमागे विरोधकांनी घातपाताची शक्यता वक्तव्य केली आहे. यावर मुख्यमंत्री उद्धव ठाकरे यांनी विरोधकांना चांगलंच खडसावलं आहे. मुंबईत झालेल्या पत्रकार...

nashik municipal corporation administration: ‘हात की सफाई’ला ब्रेक! – nashik mayor satish kulkarni is dadasaheb gailkwad assembly cleaning proposal sent return to nashik municipal...

म. टा. खास प्रतिनिधी, नाशिकदादासाहेब गायकवाड सभागृहाच्या साफसफाईच्या नावाखाली कार्योत्तर मंजुरी देऊन ५६ लाख रुपये मक्तेदाराच्या घशात घालण्याचा प्रशासनाचा आठवा प्रयत्न महासभेने हाणून...

Recent Comments