Home महाराष्ट्र mumbai news News : राज्यात दुकानांना अंशतः मुभा - partial exemption for...

mumbai news News : राज्यात दुकानांना अंशतः मुभा – partial exemption for shops in state


म. टा. विशेष प्रतिनिधी

राज्यात करोना रुग्णांच्या संख्येनुसार रेड, ऑरेंज आणि ग्रीन झोन अशी विभागणी केल्यानंतर आता लॉकडाउनमधून रेड झोन वगळता ऑरेंज आणि ग्रीन झोनमध्ये अनेक अटी राज्य सरकारने शिथिल केल्या आहेत. त्यामुळे ऑरेंज व ग्रीन झोनमधील दुकाने बऱ्यापैकी खुली होतील. मात्र, मुंबई, ठाणे, पुण्यातील परिस्थिती वेगळी असल्याने या भागांत सबुरीचेच धोरण अवलंबिण्यात आले आहे. रेड झोनमध्ये स्वतंत्रपणे असलेली दुकाने, खासगी कार्यालये, बांधकामे यांना परवानगी असली तरी राज्यातील विशेषत: मुंबई आणि पुणे या महानगर क्षेत्रांतील कंटेन्मेंट झोनमध्ये मात्र त्यावर पूर्ण बंदीच असेल.

करोनाचा प्रादुर्भाव रोखण्यासाठी केंद्र सरकारने लॉकडाउन १७ मे पर्यंत वाढविल्यानंतर राज्य सरकारने सुधारित नियमावली शनिवारी तयार केली. त्याबाबतची सविस्तर माहिती राज्याचे प्रधान सचिव भुषण गगराणी यांनी रविवारी प्रसारमाध्यमांना दिली.

रुग्णांच्या संख्येला अनुसरून राज्यातील झोननुसार रेड, ऑरेंज, ग्रीन असे तीन भाग करण्यात आले आहेत. रेड झोनमध्येही दोन भाग करण्यात आले असून पहिल्या भागात मुंबई महानगर प्रदेश, पुणे महानगर प्रदेश आणि मालेगाव महापालिका यांचा समावेश आहे. दुसऱ्या भागात रेड झोनमधील उर्वरित भाग असेल. मुंबई महानगर प्रदेशमध्ये मुंबई, ठाणे, वसई विरार, कल्याण-डोंबिवली, पनवेल या महापालिकांचा, तर पुणे महानगर प्रदेशमध्ये पुणे आणि पिंपरी चिंचवड या महापालिकांचा समावेश असेल.

करोनाच्या प्रादुर्भावानुसार या विविध महापालिकांच्या क्षेत्रांमध्ये स्थानिक प्रशासनाने त्यांच्या क्षेत्रात कंटेन्मेंट झोन (इमारत, गल्ली, मोहल्ला, वॉर्ड, पोलिस ठाण्याचे क्षेत्र आदी) तयार केले आहेत. दुकानांबाबत सवलती देताना या भागांचा विचार करण्यात आला आहे. त्यानुसार, कंटेन्मेंट झोन वगळता इतर झोनमध्ये जीवनावश्यक नसलेल्या वस्तूंची एकल दुकाने सुरू करण्याची सवलत दिली आहे. एकल दुकाने याचा अर्थ ज्या वस्तीत एका ठिकाणी लागून पाचपेक्षा जास्त दुकाने नाहीत, अशी दुकाने, असा असेल. दुकान एकल आहे की नाही याचा निर्णय स्थानिक प्रशासन घेईल.

कंटेन्मेंट झोन वगळून असलेल्या रेड झोन तसेच ऑरेंज व ग्रीन झोनमध्ये जीवनावश्यक वस्तूच्या दुकानांबरोबरच रस्त्याच्या एका बाजूकडील एका लेनमधील जीवनावश्यक वस्तू नसलेली स्वतंत्रपणे असलेली जास्तीत जास्त पाच एकल दुकाने सुरू करण्यास परवानगी देण्यात आली आहे. या पाच दुकानांमध्ये इलेक्ट्रॉनिक वस्तू, मोबाइल, स्टेशनरी, मद्यविक्री आदी दुकानांचा समावेश आहे. मात्र, एका लेनमध्ये पाचपेक्षा जास्त दुकाने सुरू करता येणार नाहीत. या पाचमध्ये जीवनावश्यक वस्तूंच्या दुकानांचा समावेश नाही. ही दुकाने सुरू करताना सुरक्षित वावर, गर्दी न करणे यासारख्या इतर नियमांचे कडकपणे पालन करणे आवश्यक असणार आहे. शॉपिंग मॉल, हॉटेल, रेस्टॉरंट, बाजार यांमधील दुकाने बंदच राहतील.

नव्या अधिसूचनेनुसार रेड झोनमध्ये मर्यादित प्रमाणात उद्योग सुरू करण्याची, तसेच बांधकामे करण्याची परवानगी देण्यात आली असली तरीही मुंबई आणि पुणे महानगर प्रदेशात ही परवानगी नसेल. ज्या रेड झोन भागात बांधकामांना परवानगी देण्यात आली आहे, त्या ठिकाणी बांधकाम कामगारांना कामाच्या ठिकाणीच राहण्याची सोय असणे बंधनकारक असणार आहे. मुंबई व पुणे प्रदेशासह रेड व कंटेन्मेंट झोनमधील ब्युटीपार्लर, केशकर्तनालय, सलून व स्पा सुरू करण्यास अद्याप निर्बंध लागू आहेत. रेडझोनमधील कंटेन्मेट झोन वगळता बाकीच्या सर्व झोनमध्ये ई कॉमर्स कंपन्यांना जीवनावश्यक वस्तूंची विक्री करण्यास परवानगी दिली आहे.

ग्रीन व ऑरेंज झोनमधील खासगी कार्यालये १०० टक्के सुरू करण्यास परवानगी देण्यात आली आहे. मात्र, मुंबई महानगर प्रदेशामध्ये, तसेच पुणे महानगर प्रदेशामध्ये खासगी कार्यालये बंदच राहणार असून येथील केंद्र व राज्य सरकारची कार्यालये ही पाच टक्के कर्मचाऱ्यांसह सुरू राहतील. तर इतर रेड झोनमधील शासकीय व खासगी कार्यालये ३३ टक्के मनुष्यबळ वापरून सुरू राहतील, असे सरकारने स्पष्ट केले आहे.

मुंबईतून कुठलीही रेल्वे सोडण्याचा विचार नाही. . .

मुंबईमध्ये कंटेन्मेटं झोन असल्यामुळे मुंबईतून बाहेरगावी जाणाऱ्या मजुरांसाठी कोणतीही रेल्वे सोडण्यात येणार नसल्याचे स्पष्ट करण्यात आले आहे. राज्यात २६ शासकीय प्रयोगशाळांतून दिवसाला साधारणपणे दहा हजार स्वॅबची चाचणी होत आहे. आयसीएमआरच्या निकषानुसार चाचण्या होत असून शासकीयबरोबर काही खासगी प्रयोगशाळामध्येही करोनाची चाचणी होत आहे. तसेच राज्यात पुरेशा प्रमाणात रुग्णालयात खाटांची व्यवस्था उपलब्ध आहे, अशी माहिती गगराणी यांनी दिली.

लॉकडाऊन संदर्भात राज्य सरकारने जारी केलेल्या आदेशानुसार मुंबई महापालिका अंमलबजावणी करणार आहे. संबंधित विभाग अधिकाऱ्यांना राज्य सरकारच्या आदेशाची प्रत पालिकेने पाठवली आहे, असे महापालिकेतील सूत्रांकडून सांगण्यात आले. कुठल्या पाच दुकानांना सुरू करण्यास परवानगी द्यायची, याचा निर्णय वॉर्ड अधिकारी घेतील, असे एका वरिष्ठ अधिकाऱ्याने सांगितले. याबाबत आयुक्त प्रवीण परदेशी यांच्याशी संपर्क साधण्याचा प्रयत्न केला,परंतु प्रतिक्रियेसाठी ते उपलब्ध होऊ शकले नाहीत.

सध्या कोणत्या विभागातील दुकाने किती वेळ सुरू ठेवायची, याबाबत वॉर्ड स्तरावर धोरण आहे. मात्र गर्दी होत असल्यास दुकाने बंद करण्याचे अधिकार पोलिसांना देण्यात आले आहेत. त्याच धर्तीवर सरकारच्या नव्या निर्णयाची अंमलबजावणी होईल असे दिसते. त्यामुळे सरकारने परवानगी दिली असली तरी स्थानिक स्तरावरील चित्र लक्षात घेऊनच पुढील कार्यवाही होईल, अशी शक्यता आहे.



Source link

LEAVE A REPLY

Please enter your comment!
Please enter your name here

Most Popular

virat kohli: IND vs ENG : सामन्यानंतर विराट कोहलीने सांगितली कोणाकडून झाली मोठी चुक… – ind vs eng : after winning 3rd test match...

अहमदाबाद, IND vs ENG : तिसऱ्या कसोटी सामन्यात भारताने १० विकेट्स राखून विजय मिळवला. पण या सामन्यानंतर या लढतीत कोणाकडून मोठी चुक झाली,...

corona latest updates: coronavirus in maharashtra updates: आजही नव्या करोनारुग्णांच्या संख्येत ८ हजारांहून अधिक वाढ – coronavirus latest updates maharashtra registers 8702 new covid...

हायलाइट्स:आज दिवसभरात तब्बल ८ हजार ७०२ इतक्या नव्या रुग्णांचे निदान झाले आहे. काल ही संख्या ८ हजार ८०७ इतकी होती. तर, आज ३...

Mukesh Ambani: मुकेश अंबानी यांच्या घराजवळ बेवारस कारमध्ये स्फोटके आढळल्याने खळबळ – abandoned car near mukesh ambanis residence antilia triggers bomb scare

हायलाइट्स:मुंबईत मुकेश अंबानी यांच्या घराजवळ बेवारस कारमध्ये जिलेटिनच्या कांड्या.कंबाला हिल भागातील अँटिलिया टॉवरजवळ पोलीस बंदोबस्त वाढवला.राज्याचे गृहमंत्री अनिल देशमुख यांनी घटनेची घेतली गंभीर...

Recent Comments