Home महाराष्ट्र mumbai news News : ४० निवासी डॉक्टरांना करोना; लो. टिळक रुग्णालयात सर्वाधिक...

mumbai news News : ४० निवासी डॉक्टरांना करोना; लो. टिळक रुग्णालयात सर्वाधिक विळखा – 40 doctor tests positive for corona infection


sharmila.kalgutkar@timesgroup.com

मुंबई: लो. टिळक रुग्णालय हे करोना रुग्णालय नसले तरीही तेथे सध्या ३५० करोनाबाधित रुग्णांवर उपचार सुरू आहेत. मात्र, या रुग्णालयातील निवासी डॉक्टर करोनाच्या कचाट्यात सापडू लागले असून, अन्य पालिका रुग्णालयांपेक्षा सर्वाधिक म्हणजे एकूण ४० निवासी डॉक्टरांना करोनाचा संसर्ग झाला आहे.

करोना संसर्ग टाळण्यासाठी केलेल्या नियोजनानुसार वेगवेगळ्या वॉर्डांमध्ये काम करणारे हे डॉक्टर रात्री हॉस्टेलमध्ये मात्र एकाच खोलीत राहतात. त्यातूनही करोनाचा संसर्ग बळावण्याची शक्यता निवासी डॉक्टरांनी व्यक्त केली आहे. ऑर्थोपेडिक विभागातील ज्या डॉक्टरांना संसर्ग झाला आहे, ते देखील एकाच खोलीत राहतात. त्यामुळे करोनाचे संकट टळेपर्यंत निवासी डॉक्टरांनी ही व्यवस्था वेगवेगळ्या ठिकाणी करावी, अशी विनंती रुग्णालय प्रशासनाला केली आहे. मात्र, त्यावर अद्याप तोडगा निघालेला नाही.

याबाबत, रुग्णालयाचे अधिष्ठाता डॉ. रमेश भारमल यांच्याकडे विचारणा केली असता, काही निवासी डॉक्टरांना करोनाचा संसर्ग झाला असल्याचे त्यांनी मान्य केले. त्यांना उपचारांसाठी सेव्हन हिल्स रुग्णालयामध्ये पाठवण्यात येते, असेही त्यांनी सांगितले.

करोनाचा संसर्ग झालेल्या निवासी डॉक्टरांनी दिलेल्या माहितीनुसार इतर पालिका रुग्णालयांपेक्षा टिळक रुग्णालयामध्ये संसर्ग झालेल्या डॉक्टरांचे प्रमाण वाढते आहे. नायर रुग्णालयाप्रमाणे हे रुग्णालय करोना रुग्णालय नसले तरीही येथे ३५० करोना रुग्णांवर उपचार केले जात आहेत. नायरला जाण्याच्या मार्गातील करोनाचा संसर्ग टाळण्यासाठी धारावी तसेच आजूबाजूच्या भागातील रुग्णांना उपचारासाठी थेट टिळक रुग्णालयामध्ये आणण्यात येते. चोवीस तास ताप आणि तशा प्रकारची लक्षणे असणाऱ्या रुग्णांना स्मार्ट ओपीडीमध्ये तपासण्यात येते. त्यांची संख्या २५० ते ३०० इतकी असते. या रुग्णांमधूनही काहीजणांना करोनाची लागण झाल्याची शक्यता असते. तसेच निवासी डॉक्टरांना दोन प्रकारच्या ड्युटी लावल्या जातात. एक आठवडा धारावी आणि इतर ठिकाणी जाऊन थुंकीचे नमुने घेण्याचे काम करावे लागते, तर दुसऱ्या आठवड्यामध्ये रुग्णालयाच्या कोव्हिड कक्षामध्ये ड्युटी लागते.

दरम्यान, रविवारी पालिका आयुक्त इक्बाल चहल यांनी टिळक रुग्णालयामध्ये भेट देऊन कोव्हिड संदर्भात देण्यात येत असलेल्या वैद्यकीय सुविधांचा आढावा घेतला.

हॉस्टेलच्या मार्गे होतेय लागण

संसर्ग झालेल्या डॉक्टरांना सेव्हन हिल्स रुग्णालयामध्ये उपचारासाठी दाखल करण्यात येते. पाचव्या व सातव्या दिवशी तपासणी केल्यानंतर अहवाल निगेटिव्ह आलेल्या डॉक्टरांना विलगीकरणाची सुविधा दादर येथील प्रीतम रुग्णालयामध्ये देण्यात आली आहे. दहा दिवसाच्या विलगीकरणानंतर हे डॉक्टर पुन्हा रुग्णालयामध्ये रुजू होतात. मात्र, ड्युटीवर असलेले डॉक्टर वेगवेगळ्या व़ॉर्डमध्ये काम करून पुन्हा हॉस्टेलमध्ये एकाच रुममध्ये राहतात. त्यांच्यापैकी कुणी पॉझिटिव्ह आले तर या डॉक्टरांनाही लागण होते.

निवासी व्यवस्था व्हावी सक्षम

रुग्णालयामध्ये एकूण सहाशे निवासी डॉक्टर काम करतात. त्यांच्या निवासाची व्यवस्था अधिक सक्षम करण्याचा प्रश्न मागील अनेक वर्षांपासून प्रलंबित आहे. वैद्यकीय विद्यार्थ्यांसाठी प्रत्येक रुग्णालयातील जागा वाढल्या असल्या तरीही निवासाच्या सुविधा अद्ययावत झालेल्या नाहीत. दोन पाळ्यांमध्ये काम करणाऱ्या चार ते सहा विद्यार्थ्यांना एका खोलीत राहावे लागते. करोनाच्या संसर्गामुळे वैद्यकीय कर्मचारी तसेच डॉक्टरांचे आरोग्य जपायचे असेल तर त्यांच्यासाठीही सुरक्षित अंतराचा नियम हॉस्टेलमध्येही पाळायला हवा, असा आग्रह टिळक रुग्णालयातील निवासी डॉक्टरांनी व्यक्त केला आहे.

कामाचा भार सर्वाधिक

रुग्णालयामध्ये निवासी डॉक्टरांवरील कामाचा भार हा सर्वाधिक आहे. इतर विभागांमधून वरिष्ठ डॉक्टरांचे वय, त्यातील काहींना असणाऱ्या व्याधी लक्षात घेता त्यांना कोव्हिडच्या प्रत्यक्ष वैद्यकीय सेवेमध्ये अद्याप जोडून घेतलेले नाही.



Source link

LEAVE A REPLY

Please enter your comment!
Please enter your name here

Most Popular

ms dhoni: महेंद्रसिंग धोनीच्या नव्या लुकची आहे सर्वत्रच चर्चा, फोटो झाला व्हायरल… – ms dhoni changes his look again, surprises fans with style statement...

भारताचा माजी कर्णधार महेंद्रसिंग धोनी आपल्या नवीन लुकमुळे सध्याच्या घडीला चांगलाच चर्चेत आला आहे. धोनीने आपला लुक बदलला आहे. धोनीच्या या नवीन लुकचा...

Corona Vaccination: Corona Vaccination: राज्यात आज ३५ हजार ८१६ कर्मचाऱ्यांचे लसीकरण, धुळ्यात १४४% लसीकरण – 35 thousand 816 employees were vaccinated in the state...

मुंबई: राज्यातील एकूण ४७७ केंद्रांवर आज तब्बल ३५ हजार ८१६ ( ७४ टक्के) आरोग्य कर्मचाऱ्यांना कोरोना लसीकरण (Corona Vaccination) करण्यात आले. राज्यात आज...

coronavirus in aurangabad: २४ बाधितांची भर; ४८ जणांची सुटी – aurangabad corona update : aurangabad reported 24 new corona cases in yesterday

म. टा. प्रतिनिधी, औरंगाबादजिल्ह्यातील करोनाबाधित रुग्णसंख्येचा आकडा दिवसेंदिवस कमी होत आहे. रविवारी जिल्ह्यात २४ करोनाबाधित रुग्णांची वाढ झाली तर, ४८ जण बरे होऊन...

Recent Comments