Home महाराष्ट्र Nagpur Central Jail: 'हे' कारागृह ठरतेय करोनाचा नवा हॉटस्पॉट; २४ तासांत ३३...

Nagpur Central Jail: ‘हे’ कारागृह ठरतेय करोनाचा नवा हॉटस्पॉट; २४ तासांत ३३ जणांना बाधा – 33 more test positive in nagpur central jail


म. टा. प्रतिनिधी, नागपूरः विषाणूच्या प्रादुर्भावामुळे मार्च महिन्यापासून लागू झालेली टाळेबंदी जसजशी सैल होत आहे, तस तसा विषाणूचा विळखा वाढतच चालला आहे. सुरुवातीला सतरंजीपुरा, मोमिनपूरा नंतर नाईक तलावाजवळील बांग्लादेश वस्तीत विषाणूने ठोकलेला मुक्काम आता मध्यवर्ती कारागृहाकडे वळविला आहे. आज दिवसभरात करोनाचा अहवाल पॉझिटिव्ह आलेल्या ३३ जणांपैकी १२ जण हे मध्यवर्ती कारागृहातील बंदिवान आहेत. त्यामुळे आतापर्यंत करोनाचा विळखा पडलेल्यांची नागपुरातील संख्या १६११ वर पोचली आहे.

यापैकी आतापर्यंत १२७३ जणांनी करोनावर मात केल्याने त्यांना रुग्णालयातून सुटी देऊन घरी सोडण्यात आले. तर विषाणूचा विळखा पडल्यानंतर आजवर २५ जणांचा मृत्यू ओढवला. एकूण रुग्णांच्या संख्येतून हा आकडा वगळला तर सध्याच्या स्थितीत ३१३ करोनाबाधितांवर वेगवेगळ्या रुग्णालयांमध्ये उपचार सुरू आहेत.

पुण्याने गाठला २५ हजारचा टप्पा; आकडा फुगण्याचे ‘हे’ आहे कारण

करोनाचा नव्याने विळखा पडलेल्यांमध्ये सुरुवातीला १९ जणांच्या घशातील स्त्राव नमुन्यांमध्ये विषाणूचा अंश सापडला. यातले व्हिएनआयटीच्या विलगीकरण केंद्रातून पाठविलेले ६ नमुने माफ्सूच्या प्रयोगशाळेकडून, ४ मेयोच्या प्रयोगशाळेकडून, तर मेडिकलमधून ५, लतामंगेशकर रुग्णालयातून एक आणि ३ नमुने खासगी लॅबमध्ये तपासले गेले.
मेयोत पॉझिटिव्ह आलेल्या ४ नमुन्यांत २ काटोल येथील तर प्रत्येकी एक तमिळनाडूचा रहिवासी तर दुसरा रवि नगरातील बांधकाम विभागाच्या निवास संकुलातील रहिवासी आहे. दुपारच्या सत्रात यात आणखी १९ जणांची वाढ झाली. खासगी आणि मयोच्या प्रयोगशाळेतून प्रत्येकी १ नमुन्याचा अहवाल पॉझिटिव्ह आला. त्यानंतर निरीच्या प्रयोगशाळेने तपासलेल्या नागपूर मध्यवर्ती कारागृहातील संशयितांपैकी १२ जणांच्या घशातील स्त्राव नमुन्यांमध्ये करोनाचा अंश सापडला.

ठाण्यात करोनाचा विळखा घट्ट, कल्याण-डोंबिवलीमध्ये उच्चांकी ५६० रुग्णांची नोंद

आतापर्यंत ६६ बंदिवानांना विळखा

अकोला मध्यवर्ती कारागृहानंतर आता करोनाने नागपूर मध्यवर्ती कारागृहातील प्रवेश केला आहे. या विषाणू प्रादुर्भावाच्या साखळीला एका रुग्णापासून सुरुवात झाली. त्यानंतर ९, ४४ आणि गुरुवारी १२ अशा नव्या बाधितांची भर पडल्याने आतापर्यंत करोना बाधितांची संख्या ६६ झाली आहे.

दैनिक संशयित- ३९६
एकूण संशयित: १८९४
सध्या भरती संशयित- ३१४
एकूण भरती संशयित- ५०२७
भरती पॉझिटिव्ह- २७९
आतापर्यंत पॉझिटिव्ह नमुने: १६०९
दैनिक तपासणी नमूने – ४७१
एकूण तपासणी नमुने- २५५६५
घरी सोडलेले पॉझिटिव्ह: १२७३
एकूण डिस्चार्ज संशयित- ४४५५
आज अलगीकरण केलेले संशयित- ४८
घरी पाठविलेले संशयित: ९४
अलगीकरणातून रुग्णालयात पाठविलेले संशयित-१६
पाठपुरावा सुरु असलेले एकूण संशयित: २६३



Source link

LEAVE A REPLY

Please enter your comment!
Please enter your name here

Most Popular

coronavirus in aurangabad: करोनाचे ३४ रुग्ण; एकाचा मृत्यू – aurangabad reported 34 new corona cases and 1 death in yesterday

औरंगाबाद: जिल्ह्यात शुक्रवारी ३४ करोनाबाधितांची वाढ झाली. त्यात शहरी विभागात ३२, तर ग्रामीण भागात दोन रुग्णांचा समावेश आहे. शहरातील खासगी रुग्णालयात सिल्लोड तालुक्यातील...

Mamata Banerjee: ‘जय श्रीराम’च्या घोषणा; ममता बॅनर्जी संतापल्या, म्हणाल्या… – wb cm mamata banerjee anguish after jai shree ram slogans were raised

कोलकाताः नेताजी सुभाषचंद्र बोस यांच्या १२५ व्या जयंतीनिमित्त कोलकात्यात कार्यक्रम आयोजित करण्यात आला होता. पंतप्रधान मोदी यांच्यासह पश्चिम बंगालच्या मुख्यमंत्री ममता बॅनर्जी या...

Recent Comments