Home शहरं नागपूर Nagpur News : आणखी एका करोनाबाधितेची प्रसूती - another coronary heart disease

Nagpur News : आणखी एका करोनाबाधितेची प्रसूती – another coronary heart disease


म. टा. प्रतिनिधी, नागपूर

सतरंजीपुरा येथील करोनाबाधितांच्या सहवासात आल्याने प्रादुर्भाव झालेल्या आणखी एका गरोदरमातेने रविवारी शासकीय वैद्यकीय महाविद्यालय व रुग्णालयात एका गोंडस बाळाला जन्म दिला. करोनाचा प्रादुर्भाव झाल्यानंतर नागपुरात आतापर्यंत झालेले हे दुसरे बाळंतपण आहे. यापूर्वी इंदिरा गांधी शासकीय वैद्यकीय महाविद्यालय व रुग्णालयात एका करोनाबाधित गरोदरमातेने कन्यारत्नाला जन्म दिला होता.

रीनू (नाव बदललेले) असे मेडिकलमध्ये रविवारी बाळंत झालेल्या २८ वर्षीय महिलेचे नाव आहे. सतरंजीपुरा येथील ही महिला नऊ महिन्यांची गरोदर असताना ती करोनाबाधित नातेवाइकांच्या संपर्कात आली होती. काही दिवसांपूर्वी या बाधित रुग्णाच्या सहवासातील साखळीची तपासणी केली असता, त्यात तिच्या घशातील स्त्राव नमुन्यात करोनाचा अंश आढळला होता. त्यानंतर या गरोदर महिलेला मेडिकलच्या कोव्हिड-१९ मधील वॉर्ड क्रमांक २५मध्ये दाखल करण्यात आले होते.

शनिवारी मध्यरात्री तिला प्रसूतीकळा आल्यानंतर मेडिकलच्या स्त्रीरोग प्रसूती विभागात तिचे बाळंतपण करण्यात आले. एका गोंडस मुलाला तिने जन्म दिला असून दोघांचीही प्रकृती सध्या धोक्याबाहेर आहे. प्रसूतीपूर्वी तिच्या घशातील स्त्राव नमुन्यांची पुन्हा तपासणी करण्यात आली होती. यात तिचा अहवाल निगेटिव्ह आला.

या घडामोडीत शनिवारी रात्री उशिरा अखिल भारतीय आयुर्विज्ञान संस्थेच्या प्रयोगशाळेतून प्राप्त अहवालात एका ४८ वर्षीय महिलेला करोनाची लागण झाल्याचे स्पष्ट झाले. सतरंजीपुरा येथील या महिलेला पुढील उपचारांसाठी इंदिरा गांधी शासकीय वैद्यकीय महाविद्यालय व रुग्णालयाच्या करोना वॉर्डात दाखल करण्यात आले. त्यामुळे आतापर्यंत नागपुरात करोनाची लागण झालेल्यांची संख्या १५१ वर गेली आहे.

मात करणाऱ्यांची संख्याही अर्धशतकी

या घडामोडीत करोना विषाणूची लागण झाल्यानंतर त्याच्याशी झुंज देत आजाराला परतावून लावणाऱ्या नागपुरातील लढवय्या रुग्णांच्या संख्येनेही आता अर्धशतकाचा आकडा गाठला आहे. करोना विषाणूने शिरकाव केल्यापासून आतापर्यंत नागपुरात ४८ जणांनी या आजारावर यशस्वी मात केली होती. त्या साखळीतील ४९ आणि ५० व्या रुग्णाला मेयोतून सुटी देऊन घरी पाठविण्यात आले. सतरंजीपुरा येथील या रुग्णाच्या घशातील स्त्राव नमुन्यांचा अहवाल निगेटिव्ह आल्यानंतर त्यांना रुग्णालयातून सुटी देऊन घरी पाठविण्यात आले.

मेयोतून सुटी देऊन घरी रवाना करण्यात आलेल्या रुग्णांमध्ये मोमिनपुरा येथील ४२ वर्षीय पुरुष आणि सतरंजीपुरा येथील ३० वर्षीय तरुणाचा समावेश आहे. या दोघांनाही १८ एप्रिलला करोनाचे निदान झाल्यानंतर आमदार निवासातील एकांतवास कक्षातून मेयोत उपचारासाठी दाखल करण्यात आले होते.

नागपूरचा आढावा…

दैनिक संशयित : १३४

एकूण संशयित : २,४६१

सध्या भरती संशयित : १११

एकूण भरती संशयित : १६१०

एकूण भरती पॉझिटिव्ह रुग्ण : ९९

……………..



Source link

LEAVE A REPLY

Please enter your comment!
Please enter your name here

Most Popular

Arnab Goswami: हक्कभंग समितीचे अर्णब गोस्वामींना समन्स; ‘हे’ आहे कारण – legislative assembly violation committee sommones to arnab goswami

टीआरपी घोटाळ्याच्या चौकशीत अडचणीत आलेले रिपब्लिक टीव्हीचे संपादक अर्णव गोस्वामी यांना विधानसभेच्या हक्कभंग समितीने समन्स बजावले आहे.  Source link

Mumbai Coastal Road Project: ‘किनारी मार्ग’ वेगात – mumbai coastal road project :100 meters of underground tunnel dug in mumbai

म. टा. विशेष प्रतिनिधी, मुंबईमुंबई महापालिकेच्या महत्त्वाकांक्षी प्रकल्पांपैकी एक असलेल्या किनारी मार्गाने नुकताच एक महत्त्वाचा टप्पा गाठला आहे. 'मावळा' या टीबीएम मशिनने खणल्या...

Recent Comments