Home शहरं नागपूर Nagpur News : कापसाची अंतर्गत ग्रेडिंग करा - perform internal grading of...

Nagpur News : कापसाची अंतर्गत ग्रेडिंग करा – perform internal grading of cotton


म. टा. विशेष प्रतिनिधी, नागपूर

सरकारने कापसाची अंतर्गत ग्रेडिंग करून खरेदी केल्यास तथाकथित भ्रष्टाचार आणि शेतकऱ्यांचा मानसिक त्रास कमी होईल. त्यासाठी सरकारने तत्काळ धोरण जाहीर करावे, अशी मागणी शेतकरी संघटनेचे नेते विजय जावंधिया यांनी मुख्यमंत्री उद्धव ठाकरे यांच्याकडे एका पत्राद्वारे केली आहे.

करोना महामारीच्या आधीपासून कापूस बाजारात मंदीचे सावट होते. करोनानंतर हे सावट आणखी गडद झाले. २० एप्रिलनंतर कापूस खरेदी सुरू होईल, त्यावेळी व्यापारी चांगला कापूस साडे पाच हजार रुपयांच्यावर खरेदी करू शकणार नाही, असे यापूर्वीच्या पत्रात नमूद केले होते. जिनींग-प्रेसिंग संचालक आणि सीसीआय यांच्यात एक क्विंटल कापसापासून किती रूई, सरकी व तुट हा सुरू असलेला वाद अलीकडेच संपुष्टात आला. सीसीआय व त्यांचे एजन्ट कापूस फेडरेशन फक्त एफएक्यू दर्जाचा कापूस घेईल. त्यांनी नाकारलेला कापूस शेतकऱ्यांनी व्यापाऱ्यांना विकावे हे धोरण मंदीच्या काळात योग्य नाही. त्यामुळे केंद्र आणि राज्य सरकारने शेतकऱ्यांचा उर्वरित कापूस विकत घ्यावा. यासाठी राज्य सरकारने केंद्राकडे विशेषतः पंतप्रधानांकडे आग्रही भूमिका घ्यावी, असेही जावंधिया यांनी म्हटले आहे.

एक दशकापूर्वी २००८-०९ साली तत्कालीन पंतप्रधान डॉ. मनमोहनसिंह यांनी कापसाचा हमीभाव ५० टक्के वाढवून २०३० रुपयांवरून ३ हजार रुपये केला. त्यावेळी भारतीय वा जागतिक बाजारपेठेत इतके भाव नव्हते. निवडणुकीच्या वर्षामुळे राज्यातील सर्व कापूस सीसीआय व नाफेड हमीभावात घेणार होता. महाराष्ट्र फेडरेशनने एजन्ट म्हणून कापूस खरेदी केला. नाफेडने १६७.९४ लाख क्विंटल कापूस खरेदी केला. त्याचे एकूण ४ हजार ७१६ कोटी रुपये शेतकऱ्यांना दिले. ३ हजार रुपये खरेदीचा सरासरी भाव २ हजार ८०० रुपये क्विटंल होता, त्याने विशेष फरक पडला नाही, याकडेही जावंधिया यांनी लक्ष वेधले.

प्रचंड मंदीच्या काळात अंतर्गत ग्रेडिंग करून सर्व कापूस खरेदी करण्याचे धोरण जाहीर करावे. शेतकऱ्यांचा नाकारलेला कापूस व्यापारी ३ ते ४ हजार रुपये क्विंटलने घेत आहेत. हा कापूस सरकारी खरेदीतच जाण्याची शक्यता नाकारता येत नाही. २५ मार्चपूर्वी व्यापारी खरेदीत ४ ते ५ हजार रुपये भावाने शेतकऱ्यांनी कापूस विकला तो कुठे गेला, याचाही विचार करावा. २०१८-१९ च्या हंगामात सहा ते साडे सहा हजार रुपये क्विंटलप्रमाणे कापूस विकणाऱ्या शेतकऱ्यांना ३ ते ४ हजार रुपये भावात कापूस विकण्याचा भयंकर मानसिक त्रास होत आहे. कापूस खरेदीत होणारा तथाकथित भ्रष्टाचार-गैरप्रकार रोखणे व शेतकऱ्यांचा त्रास कमी करण्यासाठी अंतर्गत ग्रेडिंग करून विकत घेण्याचा तत्काळ निर्णय घ्यावा, असेही विजय जावंधिया यांनी म्हटले आहे.

१५ दिवसांत खरेदी पूर्ण करा!

विदर्भ, मराठवाड्यात यंदा कापसाचे उत्पादन मोठ्या प्रमाणात झाले असताना अनेक ठिकाणी कापूस खरेदी केंद्रे सुरू केलेले नाही. सरकारने येत्या १५ दिवसांत शेतकऱ्यांचा सर्व कापूस खरेदी करावा, म्हणजे खरीप हंगामासाठी शेतकरी पुन्हा नवीन पिकाची तयारी करेल, अशी मागणी माजी पालकमंत्री चंद्रशेखर बावनकुळे यांनी मुख्यमंत्री उद्धव ठाकरे यांच्याकडे केली आहे.

प्रत्येक जिल्ह्यात काही प्रमाणात कापूस खरेदीसाठी केंद्र सुरू करायला हवे होते. पण तसे केले नाही. काही केंद्र सुरू केले पण ग्रेडर नाही. बाजारात बेभाव असल्याने शेतकऱ्यांवरील संकट ओढवले आहे. करोनामुळे सुरक्षित वावर व इतर सूचनांचे पालन करून तातडीने कापूस खरेदी करावा आणि साडे पाच हजार रुपये भाव द्यावा, असेही बावनकुळे यांनी म्हटले आहे.

………………….



Source link

LEAVE A REPLY

Please enter your comment!
Please enter your name here

Most Popular

nanded govt officers horse latest news: ‘या’ अधिकाऱ्याला घोड्यावरून ऑफिसला यायचंय!; विनंती पत्र झालं व्हायरल – official seeks nod to tie horse on campus...

हायलाइट्स:नांदेड जिल्हाधिकारी कार्यालयातील अधिकाऱ्याचं पत्र चर्चेत.कार्यालयाच्या आवारात घोडा बांधण्यासाठी मागितली परवानगी.अजब पत्राने जिल्हाधिकारी विपिन इटनकर पडले बुचकळ्यातनांदेड:नांदेड जिल्हाधिकारी कार्यालयातील रोजगार हमी योजना विभागात...

Recent Comments