Home शहरं नागपूर Nagpur News: राज्यात ४७ टक्के जलसाठा - 47% water storage in the...

Nagpur News: राज्यात ४७ टक्के जलसाठा – 47% water storage in the state


मटा विशेष

पंकज मोहरीर, चंद्रपूर

मागील पाच वर्षांत यंदा प्रथमच एप्रिलच्या शेवटी राज्यातील जलप्रकल्पांमध्ये ४७ टक्क्यांवर उपयुक्त पाणीसाठा असल्याची माहिती समोर आली आहे. विदर्भातही समाधानकारक स्थिती असून नागपूर विभागात ५० टक्क्यांहून अधिक तर अमरावतीमध्ये ४४ टक्के पाणी शिल्लक आहे.

राज्यातील ३ हजार २६७ प्रकल्पांची ४० हजार ८९७ दशलक्ष घनमीटर जलसाठा क्षमता आहे. सध्या या प्रकल्पांमध्ये १९ हजार १९८ दशलक्ष घनमीटर साठा बाकी आहे. याची टक्केवारी ४६.९४ इतकी आहे. २०१९मध्ये हा पाणीसाठा याच कालावधीत केवळ १९.५७ टक्के होता. विदर्भातील धरणांच्या जलसाठ्याची स्थितीही यंदा उत्तम आहे. नागपूर विभागातील ३८४ प्रकल्पांची एकूण क्षमता ४ हजार ६०७ दशलक्ष घनमीटर आहे. त्यात सध्या २ हजार ३३६ दशलक्ष घनमीटरवर जलसाठा आहे. अमरावती विभागातील ४४६ प्रकल्पांची एकूण क्षमता ४ हजार १९३ दशलक्ष घनमीटर असून १ हजार ८७८ दशलक्ष घनमीटर जलसाठा शिल्लक आहे. ही दिलासादायक बाब मानली जात आहे. सलग दोन वर्षे पावसाने ओढ दिल्यानंतर २०१६मध्ये राज्यात तीव्र पाणीटंचाई भासली होती. मागील वर्षातील दुष्काळ त्यापेक्षाही तीव्र होता.

विदर्भात फक्त सहा टँकर

यंदा राज्यात १८६ गावे व ३६० वाड्यांवर १७० टँकर धावत आहेत. पूर्व विदर्भात नागपूर जिल्ह्यात दोन गावांत टँकर लागले आहेत. पश्चिम विदर्भात अमरावतीतील एक तर यवतमाळमध्ये तीन अशा केवळ चार गावांत टँकरने पाणीपुरवठा सुरू आहे. मागील वर्षी मराठवाड्यात स्थिती गंभीर झाली होती. यंदा राज्यात सर्वाधिक टँकर कोकणात लागले आहेत. ६७ गावे व १८२ वाड्यांना टँकरने पाणीपुरवठा करण्यात येत आहे. त्या खालोखाल औरंगाबाद विभागात ६५ गावे १६ वाड्यांमध्ये टँकरने पाणीपुरवठा करण्यात येत आहे. नाशिक, पुण्यातही पाणीटंचाईचे संकट आहे. पण, मागील पाच वर्षांतील पाणीटंचाईची तीव्रता अतिशय कमी आहे.

विभागनिहाय धरणांतील पाणीसाठा (टक्केवारी)

कोकण : ५२.५७%

नागपूर : ५०.७१%

अमरावती : ४४.८%

नाशिक : ४५.५४%

पुणे : ४८.६८%

मराठवाडा : ४०.६९%

करोनाच्या संकटात दिलासा

करोनाच्या संकटाशी लढण्यासाठी संपूर्ण राज्यातील यंत्रणा सज्ज असताना पाणीटंचाईचे संकट डोकेदुखी वाढविण्याची शक्यता व्यक्त होत होती. पण, मागील पाच वर्षांच्या तुलनेत जलसाठा अधिक असल्याने दिलासा मिळाला आहे. अन्यथा हे दिवस अडचणीचे गेले असते, असे जाणकार मानतात. आगामी काळात कडक उन्हामुळे तापमानात वाढ होईल. तेव्हा पाण्याची मागणी, बाष्पीभवनाचा वेग बघता धरणांतील पाणीसाठा झपाट्याने कमी होण्याचे संकेत आहेत. त्यामुळे राज्यात पाणीस्थिती चांगली असली तरी पाणी नियोजनाची

गरज व्यक्त होऊ लागली आहे.





Source link

LEAVE A REPLY

Please enter your comment!
Please enter your name here

Most Popular

Ramchandra Guha Criticize N. Srinivasan And Sourav Ganguli’s Role In Indian Cricket – अमित शहा यांच्याबरोबर कोण चालवंतय बीसीसीआय, रामचंद्र गुहा यांनी केला गंभीर...

मुंबई : राजकारण आणि क्रिकेट यांचा संबंध फार वर्षांपासून येत आला आहे. पण सध्याच्या घडीला भारताचे गृह मंत्री अमित शहा हे बीसीसीआय चालवत...

Katrina Kaif Covid-19 Test Before Shoot Watch Video – कतरिना कैफने शेअर केली तिची करोना टेस्ट, लवकर सुरू करणार शूटिंग

मुंबई- करोना व्हायरसचा वाढा प्रादुर्भाव रोखण्यासाठी सरकारने सुरुवातीच्या काळात जगभरात लॉकडाउन करण्यात आलं. सिनेसृष्टीतही यातून सुटली नाही. अनेक निर्बंधासह शूटिंगचं काम तातडीने बंद...

Recent Comments