Home शहरं नागपूर Nagpur News : शुभ बोला…; येणारे दिवस भारताचेच! - say goodbye…; the...

Nagpur News : शुभ बोला…; येणारे दिवस भारताचेच! – say goodbye…; the coming days belong to india!


नितीन गडकरी यांचा विश्वास

म.टा. प्रतिनिधी, नागपूर

‘शुभ बोला, असे माझी आई नेहमी सांगायची. तोच मंत्र स्वीकारून अशुभावर मात करायला हवी. थिंक फॉर द बेस्ट, प्रीपेअर्ड फॉर द वर्स्ट. करोना हे निमित्त आहे. आपत्तीला इष्टापत्ती बनविण्याची तयारी ठेवली तर भारत हा भविष्यातील ऑटोमोबाइल क्षेत्राचा हब बनेल’, असा विश्वास केंद्रीय रस्ते वाहतूक मंत्री नितीन गडकरी यांनी व्यक्त केला. निवडक संपादकांसोबत व्हिडीओ कॉन्फरन्सद्वारे त्यांनी रविवारी संवाद साधला. तातडीने पिक पॅटर्न बदलण्याच्या आवश्यकतेवरही यावेळी त्यांनी भर दिला.

लॉकडाउनमधून अंशत: सूट द्यावी लागेल. उद्योगाच्या मागे उभे रहावे लागेल. उदबत्त्यांच्या काड्यांपासून चमच्यांपर्यंत आपण सारेच चीनकडून घ्यायचो. आपल्याकडे चमच्यांची कमतरता आहे काय? चीनबद्दलची जगभरातील गुंतवणूकदार नाराज आहेत. त्यांना आपल्याकडे सकारात्मकतेने वळवावे लागेल. त्यासाठी आत्मविश्वास हवा. भारतीय उद्योगांना पाठिंबा द्यावा लागेल. मर्सिडीजपासून बजाजपर्यंतच्या नावाजलेल्या प्रकल्पांसह ऑटोमोबाइल उद्योगांना हात दिला तर चांगला बदल घडेल. आपण आर्थिक संकटावरही मात करू, असे गडकरी म्हणाले.

विदर्भानेही बदलायला हवे. गहू, तांदूळ सोडून सूर्यफूल, मका, करडई, सोयाबीनकडे वळायला हवे. बल्लारपूर पेपर मिलला हजारो टन बांबू लागतो. चंद्रपूर, गडचिरोलीतील शेतकऱ्यांना बांबूच्या लागवडीकडे वळवा, अशी सूचना मी सुधीर मुनगंटीवारांना केली आहे. परवा विजय वडेट्टीवार भेटले. २८ लाख टन धानाची खरेदी एकट्या गडचिरोलीत झाल्याचे ते बोलले. साखर आपल्याकडे भरपूर आहे. आता इथेनॉलकडे शेतकऱ्यांना वळवले तर संपन्नता येईल. वर्धा जिल्ह्यातील सिंदीरेल्वेला ब्रॉडगेज निर्मिती होणार आहे. मेट्रोचे जाळे नागपूर बाहेरही पसरणार आहे. त्यामुळे घाबरू नका. विकासाबद्दल निश्चिंत रहा, असा दावाही त्यांनी केला.

आपल्याकडे करोनासोबत लढताना पीपीई किट्सची कमतरता आहे. १२०० रुपयांना मिळणारी किट अवघ्या सहाशे रुपयांत आपण बुटीबोरी, हिंगणा एमआयडीसीत तयार करीत आहोत. लाखभर किट्स देऊ, असे मी मुख्यमंत्री उद्धव ठाकरे यांना सांगितले आहे. सगळेजण तयार आहेत. सत्यनारायण नुवाल यांच्या सहाय्याने आपण सॅनिटायजर्सची व्यवस्था केलीय. मनोबल ढळले नाही तर सगळे व्यवस्थित होईल, असे गडकरी म्हणाले.

प्राणायाम आणि खाद्यपदार्थही…

लॉकडाउनमुळे नागपुरात अडकलो असलो तरी व्हिडिओ कॉन्फरन्सद्वारे देशविदेशात माझा रोज संवाद सुरू आहे. सकाळी दोन तास पंचकर्म करतो. त्यानंतर अॅक्युप्रेशर थेरपी चालते. घरातच २० चकरा मारतो. त्यानंतर प्राणायाम करतो. खाद्यप्रयोगही सुरू आहेत. फिलिपाइन्स, हाँगकाँगमधील खाद्यपदार्थ अक्षरश: गूगलवर जाऊन मी शोधतो. वेगवेगळा आस्वाद सुरू आहे. संगीत ऐकतो. गाणेसुद्धा गातो. कुटुंबीयांसोबत वेळ घालवायला मिळतोय याचा आनंद आहे, असेही गडकरी यांनी सांगितले.

दत्ताजींची आठवण …

अभाविपमध्ये असताना दत्ताजी डिडोळकर यांनी आम्हाला घडविले. शेर्पा तेनसिंगची गोष्ट ते नेहमी सांगायचे. एव्हरेस्ट चढताना शेर्पाचे चारपाच साथीदार हातात हात धरून परस्परांना धीर द्यायचे. संकटांना अंगावर घ्यायचे. हात सुटू द्यायचे नाहीत. शिखरावर झेंडा तेनसिंगने गाडला, मात्र त्यामागे साथीदारांचे प्रयत्न होते हे तो विसरला नाही. सध्याच्या संकटाच्या काळात सांभाळून घ्या. काहीही झाले तरी एकमेकांचे हात तेवढे सुटू देऊ नका, असे आवाहन गडकरी यांनी केले.



Source link

LEAVE A REPLY

Please enter your comment!
Please enter your name here

Most Popular

Kangana Ranaut: kangana ranaut : शिवसेना नेत्यांकडून जिवाला धोका, कंगनाची सुप्रीम कोर्टात धाव – kangana ranaut in supreme court seeking transfer criminal cases

नवी दिल्लीः मुंबईत दाखल झालेल्या तीन गुन्ह्यांप्रकरणी अभिनेत्री कंगना राणावत ( kangana ranaut ) आणि तिची बहीण रंगोली चंदेल यांनी आता सुप्रीम कोर्टात...

nashik onion growers: कुठे घसरला, तर कुठे वधारला – onion price decline in pimpalgaon, lasalgaon and onlion price increased in manmad and nandgaon

टीम मटागेल्या आठ दिवसांपासून जिल्ह्यात कांदादराबाबत चढउतार अनुभवास येत आहेत. सोमवारी पिंपळगाव, लासलगावात कांदादरात ३०० रुपयांची घसरण झाली तर, येवला मनमाड, नांदगावात मात्र...

शेकडो संस्था सभासदत्वाविना

म. टा. प्रतिनिधी, औरंगाबाद जिल्हा मध्यवर्ती सहकारी बँकेत गेल्या पंचवीस वर्षांपासून आलटून पालटून काही अंशी बिनविरोध करून तेच तेच संचालक आजपर्यंत कायम असून,...

Recent Comments