Home शहरं नागपूर Nagpur News : हजारो नागपूरकर वारकऱ्यांनी टिकवली परंपरा - thousands of nagpur...

Nagpur News : हजारो नागपूरकर वारकऱ्यांनी टिकवली परंपरा – thousands of nagpur warkaris have maintained the tradition


पंढरीची आस

म.टा. प्रतिनिधी, नागपूर

पंढरीची आषाढी वारी म्हणजे वारकरी संप्रदायाचा सुखसोहळाच असतो. सावळ्या विठूरायाच्या दर्शनाने सर्व चिंता हरल्याचा आनंद वारकऱ्यांना मिळत असतो. या आनंदासाठीच तो अनेक सुखदु:खाचे डोंगर पार करत मैलोनमैल पायपीट करीत असतो. हीच परंपरा शेकडो नागपूरकरांनीही आजही टिकविली आहे. यंदा करोना लॉकडाउनमुळे वारीला जाता आले नसले तरी आठवणींची ‘पावली’ मात्र वारकऱ्यांच्या मनात आहे.

आळंदी येथून माउलीची पालखी आणि देहू येथील संत तुकारामांची पालखी आषाढी वारीनिमित्त पंढरपूरला प्रस्थान ठेवते. पांडुरंगाच्या भक्तीपासून नागपूरकरही दूर राहिले नाही. कधीही वारी चुकवू न देता नियमित वारीला जाणाऱ्या कुटुंबांची परंपराच इथे तयार झाली. गोविंद महाराज कन्हेरे यांनी पंढरपूरची पायी वारी सुमारे ७० वर्षांपूर्वी सुरू केली. मुक्ताबाईच्या शांतिनगर भागातून ही दिंडी निघायची. हाच भाग आज प्रेमनगर म्हणून ओळखला जातो. गरिबांना घेऊन गोविंद महाराज वारीला निघत होते. पहिला मुक्काम भंडारा मार्गावरील हरिहर मंदिरात होत असे. कॉटन मार्केट येथील खंडोबा मंदिर, वाडी येथे मुक्काम करत वारकरी पंढरीच्या वाटेवर निघायचे. हीच परंपरा आजही कायम असल्याचे ज्येष्ठ भागवतकार श्रीराम जोशी सांगतात. यंदा करोनामुळे वारीला जाता आले नसल्याची खंत वारकऱ्यांमध्ये आहे.

पंढरपुरात नागपूरकरांचा मठ

गोविंद महाराज कन्हेरे यांनी पंढरपूर येथे मठ तयार केला. गरीब वारकऱ्यांच्या राहण्याची व्यवस्था येथे केली जाते. ८० खोल्यांची व्यवस्था असलेला हा मठ नागपूरकरांचा मठ म्हणूनच ओळखला जातो. धर्मशाळेचे काम त्यांचे शिष्य सीताराम तळेकर सांभाळतात. गोविंद महाराज यांचा गौरवग्रंथही काढण्यात आला होता. आजही गोविंद महाराज यांच्या कुटुंबीयांनी ही परंपरा टिकवून ठेवली असल्याचे जोशी यांनी सांगितले.

दरवर्षी जातात १० हजार वारकरी

नागपुरातून दरवर्षी १० हजार वारकरी वारीला जातात. विदर्भातूनही वेगवेगळ्या दिंड्या निघून कुणी माउलीच्या पालखीसोबत तर कुणी तुकोबाच्या पालखीसोबत जातात. विदर्भातूनही वेगवेगळ्या जिल्ह्यातून दिंड्या निघत असतात. शेगाव येथील दिंडी स्वतंत्र निघून पंढरीला जाते. नागपुरातील कोलबा स्वामी, गोविंदमहाराज कन्हेरे, पिंपळकर महाराज, अमृत महाराज, सावजी महाराज यांनी वारीची परंपरा टिकून ठेवली. नागपुरातील डॉ. जानबा मस्के यांचे कुटुंबीय गेल्या ३२ वर्षांपासून पंढरपूरची वारी करीत आहेत. श्रीरंग महाराज गुरव यांच्या दिंडीत सहभागी होत असल्याचे ब्रह्मानंद मस्के यांनी सांगितले. श्रीराम ढोले यांचे कुटुंबीयही गेल्या २५ वर्षांपासून पंढरपूरची वारी करीत आहेत. ताजुद्दीन बाबा यांचीही दिंडी पंढरपूरला जाते. सच्चिदानंद महाराज यांनी ही दिंडी सुरू केली. प्रत्येक दिंडीत ३०० ते ४०० वारकरी असतात, असे जोशी यांनी सांगितले. ज्यांना पंढरपूरला जाता आले नाही ते प्रती पंढरपूर असलेल्या धापेवाडा येथे जातात.



Source link

LEAVE A REPLY

Please enter your comment!
Please enter your name here

Most Popular

Raosaheb Danve: प्रकल्प संचालकांना पाच हजार रुपये दंड – aurangabad municipality civic chief astik kumar pandey fined 5000 rupees to project director of rural...

म. टा. प्रतिनिधी, औरंगाबाददिशा समितीच्या बैठकीसाठी उपस्थित असलेल्या मान्यवरांसाठी प्लास्टिकच्या आवरणात गुंडाळून पुस्तके आणल्यामुळे ग्रामीण विकास यंत्रणेच्या प्रकल्प संचालकांना महापालिकेचे प्रशासक आस्तिककुमार पांडेय...

CSK: चेन्नई एक्स्प्रेस नव्हे ही तर मालगाडी; भारतीय क्रिकेटपटूची टीका – aakash chopra says chennai express now became goods train

नवी दिल्ली:IPL 2020 आयपीएलच्या १२ हंगामात सर्वात सातत्यापूर्ण कामगिरी करणारा संघ म्हणून चेन्नई सुपर किंग्जकडे (Chennai Super kings) पाहिजे जाते. पण या वर्षी...

कोल्हापूर: शिवाजी विद्यापीठाच्या परीक्षा दुसऱ्यांदा लांबणीवर

म. टा. प्रतिनिधी, कोल्हापूर कोल्हापूर जिल्ह्यात पुन्हा सुरू झालेल्या परतीच्या पावसाने शिवाजी विद्यापीठाच्या परीक्षांना दुसऱ्यांदा दणका दिला आहे. या पावसामुळे विद्यापीठाने उद्या पासून सुरू...

Recent Comments