Home शहरं नागपूर Nagpur News: १२ खासगी रुग्णालये सज्ज - 12 private hospitals equipped

Nagpur News: १२ खासगी रुग्णालये सज्ज – 12 private hospitals equipped


मनपातर्फे व्यवस्थापनांना पत्र; आजपासून खाटा तयार ठेवण्याचे निर्देश

म. टा. विशेष प्रतिनिधी, नागपूर

शहरात करोनाबाधितांची वाढती संख्या लक्षात घेता खासगी रुग्णालयांची मदत घेण्यात येणार आहे. शहरातील अशा १२ खासगी रुग्णालयांना त्याबाबतचे पत्र मनपातर्फे देण्यात आले आहे. आज, रविवारपर्यंत या रुग्णालयांनी अशा बाधितांवर उपचारासाठी बेड तयार ठेवावेत, असे निर्देश महापालिकेने दिले आहेत.

शहरातील करोनाबाधितांचा आकडा शंभरीपार झाला आहे. सध्या क्वारन्टाइन असलेल्यांमधूनही पॉझिटिव्ह रुग्ण वाढत असल्याने पुढील व्यवस्था म्हणून या रुग्णालयांची मदत घेतली जाणार आहे. या सर्व रुग्णालयांत बाधितांवर उपचारासाठी शंभराहून अधिक खाटांची व्यवस्था असेल. या रुग्णालयांत आयसीयू, ऑक्सिजन, व्हेन्टिलेटर आदीही सुविधा आहेत. तसेच येथील तज्ज्ञ डॉक्टर्स व पारिचारिकांचीही सेवा उपलब्ध होईल. या रुग्णालयांमध्ये सीताबर्डीतील लता मंगेशकर रुग्णालय, वर्धमाननगर येथील श्री राधाकृष्ण हॉस्पिटल अॅण्ड रिसर्च इन्स्टिट्युट, धंतोलीतील अवंती इन्स्टिट्युट ऑफ कॉर्डिओलॉजी, खामला मार्गावरील ऑरेंजसिटी हॉस्पिटल अॅण्ड रिसर्च इन्स्टिट्युट, शंकरनगर चौकातील वोक्हार्ट हॉस्पिटल, रामदासपेठेतील गंगा केअर हॉस्पिटल, मानकापूर येथील कुणाल हॉस्पिटल, मानकापूर येथीलच अॅलेक्सिस हॉस्पिटल, विदर्भ संस्था वैद्यकीय विज्ञान संस्था (व्हीआयएएमएस), जगनाडे चौकातील सेव्हन स्टार हॉस्पिटल, पुनापूर येथील श्री भवानी मल्टिस्पेशालीटी हॉस्पिटल अॅण्ड रिसर्च, कस्तूरचंद पार्क येथील किंग्जवे हॉस्पिटल आदींचा समावेश आहे. या १२ खासगीखेरीज इतर ४२ रुग्णालयांचीही यादी तयार करण्यात येत आहे. तेथेही ५० ते १०० खाटांची व्यवस्था करण्यात येणार आहे.

हिंगण्यात १,३२० खाटा

नागपूर : करोनाच्या पार्श्वभूमीवर उपचारासाठी ऑक्सिजन तसेच व्हेंटिलेटरची सुविधा असलेल्या रुग्णालयात सरासरी १ हजार ३२० खाटा असलेले कोव्हिड हेल्थ सेंटर सुरू करण्याच्या दृष्टीने नियोजन करण्यात आल्याची माहिती जिल्हाधिकारी रवींद्र ठाकरे यांनी दिली. केंद्रीय राखीव दलाचे (सीआरपीएफ) रुग्णालय, लता मंगेशकर हॉस्पिटल व शालिनीताई मेघे मेडिकल रुग्णालयाची जिल्हाधिकाऱ्यांनी पाहणी केली. कोव्हिड हेल्थ सेंटरसाठी ऑक्सिजनची सुविधा असलेल्या लता मंगेशकर हॉस्पिटल व शालिनीताई मेडिकल कॉलेज हॉस्पिटल येथे प्रत्येकी ६०० खाटा तसेच सीआरपीएफ येथे १२० खाटा उपलब्ध आहेत, तसेच ५० ते ६० व्हेंटिलेटरची सुविधाही उपलब्ध होऊ शकते, असे ठाकरे यांनी सांगितले.





Source link

LEAVE A REPLY

Please enter your comment!
Please enter your name here

Most Popular

ind vs aus first ODI: टीम इंडियासाठी अलर्ट; पहिल्या वनडेत ऑस्ट्रेलियाचे पारडे जड, जाणून घ्या कारण – ind vs aus first odi australia can...

नवी दिल्ली: भारतीय संघ आठ महिन्यांच्या मोठ्या कालावधीनंतर आंतरराष्ट्रीय सामना खेळणार आहे. उद्यापासून म्हणजेच २७ नोव्हेंबरपासून भारताचा ऑस्ट्रेलिया दौरा सुरू आहे. भारताच्या दौऱ्याची...

gujarat coronavirus: एक अॅम्ब्युलन्स अन् चार मृतदेह… गांधीनगरमध्ये करोनाने होणारे मृत्यू लपवले जाताहेत? – gujarat coronavirus dead bodies in ambulance photo viral nitin patil...

अहमदाबादः गुजरातची राजधानी गांधीनगरमध्ये ( gujarat coronavirus ) सध्या एक फोटो सोशल मीडियावर व्हायरल ( viral photo ) होतोय. या व्हायरल फोटोत एका...

Recent Comments