Home शहरं नाशिक Nashik News : दोन बड्या हॉस्पिटल्सना नोटिसा - notice to two large...

Nashik News : दोन बड्या हॉस्पिटल्सना नोटिसा – notice to two large hospitals


म. टा. खास प्रतिनिधी, नाशिक

शहरातील खासगी हॉस्पिटल्सकडून करोनाबाधित रुग्णांची आर्थिक लूट होत असल्याची तक्रार शिवसेनेकडून पुराव्यानिशी आल्यानंतर महापालिका प्रशासन अखेर कारवाईसाठी उशिरा का होईना जागे झाले आहे. यापूर्वी दाखल असलेल्या तीन तक्रारी आणि शुक्रवारी दाखल दोन नवीन तक्रारींच्या आधारे शहरातील दोन नामांकित कॉर्पोरेट हॉस्पिटल्सना नोटिसा बजावण्यात आल्या आहेत. याबाबत स्थापन केलेल्या चौकशी समितीने या दोन हॉस्पिटल्सना नोटिसा देण्यासोबतच शहरातील खासगी हॉस्पिटल्सची तपासणी सुरू केली असून, प्रत्येक रुग्णालयाकडून पाच बिले मागविण्यात आली आहेत.

शहरातील काही बड्या कॉर्पोरेट रुग्णालयांमध्ये रुग्णांकडून उपचारांसाठी १२ ते १६ लाख रुपये उकळले जात असल्याची तक्रार बोरस्ते यांनी पुराव्यानिशी केली आहे. शुक्रवारी मनोज लुंकड यांनी महापालिकेकडे तक्रार करून अशोका मेडिकेअर हॉस्पिटलने करोनाबाधित रुग्णाकडून ११ लाख ९१ हजार रुपयांचे बिल घेतल्याचा दावा केला आहे, तर माणिक राजाराम तिडके यांनीसुद्धा अशोका मेडिकेअर रुग्णालयाने साडेसात लाख रुपये बिल घेतल्याचा आरोप महापालिकेच्या तक्रार निवारण समितीकडे बिलांनिशी केला आहे. यासोबत जादा बिलांसंदर्भात बी. जी. सोनकांबळे यांच्या तक्रार निवारण समितीकडे यापूर्वी तीन तक्रारी प्राप्त झाल्या होत्या. त्यामुळे महापालिकेकडे जवळपास पाच तक्रारी प्राप्त झाल्या आहेत. संबंधित खासगी रुग्णालयांना पाठीशी घालण्याचे धोरण महापालिकेचे अधिकारी राबवित असल्याने या अधिकाऱ्यांनी संबंधित रुग्णालयांशी हातमिळवणी तर केली नाही ना, असा आरोप बोरस्तेंनी केला होता. त्यानंतर महापालिका प्रशासन जागे झाले आहे. महापालिकेच्या तक्रार निवारण समितीने यापूर्वी प्राप्त तीन तक्रारींच्या आधारे इंदिरानगर येथील एक आणि भाभानगर येथील एक अशा दोन नामांकित हॉस्पिटल्सना नोटिसा बजावल्याची माहिती सहाय्यक वैद्यकीय अधिकारी डॉ. प्रशांत शेटे यांनी दिली. त्यामुळे हॉस्पिटल्सच्या प्रशासनात खळबळ उडाली आहे.

हॉस्पिटल्सच्या तपासणीस प्रारंभ

खासगी रुग्णालयांबाबत जादा बिलाच्या तक्रारी प्राप्त होण्यास सुरुवात होताच महापालिकेच्या वैद्यकीय विभागाने खासगी हॉस्पिटल्सची तपासणी सुरू केली आहे. ज्या हॉस्पिटल्समध्ये करोना रुग्ण दाखल आहेत त्या रुग्णालयांकडून पाच बिले वैद्यकीय विभागाला सादर करण्याचे निर्देश देण्यात आले आहेत. या पाच बिलांची छाननी केली जाणार असून, रुग्णालयाने जादा बिल घेतल्याचे समोर आल्यास त्यांच्यावर कारवाई केली जाणार असल्याचे वैद्यकीय विभागाने स्पष्ट केले आहे.

महापालिकेकडे प्राप्त तक्रारींच्या अनुषंगाने केलेल्या तपासणीत इंदिरानगर आणि भाभानगर येथील नामांकित खासगी रुग्णालयांनी शासन निर्देशित दरांपेक्षा अधिक दर आकारल्याचे समोर आले आहे. सदर रुग्णालयांना नोटिसा बजावण्यात आल्या असून, रुग्णालयांकडून प्राप्त होणाऱ्या खुलाशांनंतर दोषी आढळल्यास संबंधित रुग्णालयांवर गुन्हा दाखल करण्याची कारवाई केली जाईल

-राधाकृष्ण गमे, आयुक्त, महापालिका

महापालिकेने आधीच खासगी हॉस्पिटल्सबाबत कारवाई केली असती, तर अनेक नागरिक तक्रारीसाठी पुढे आले असते. नागरिकांनी थेट नगरविकासमंत्री एकनाथ शिंदेंकडे तक्रार केल्यानंतर प्रशासनाला जाग आली आहे. या हॉस्पिटल्सवर कठोर कारवाई व्हावी.

-अजय बोरस्ते, विरोधी पक्षनेते



Source link

LEAVE A REPLY

Please enter your comment!
Please enter your name here

Most Popular

L&T Construction Awarded Mega Contract : बुलेट ट्रेन प्रकल्प सुस्साट; ‘लार्सन अँड टुब्रो’ला मिळाले कंत्राट – l&t construction awarded mega contract to build india’s...

मुंबई : 'एल अँड टी'च्या बांधकाम विभागाने भारतातील आपल्या हेवी सिव्हिल इन्फ्रास्ट्रक्चर व्यवसायासाठी नॅशनल हाय- स्पीड रेल कॉर्पोरेशन लिमिटेडसाठी (एनएचआरसीएल) मोठे कंत्राट मिळवले...

…चहावाला निघाला सट्ट्याचा ‘बुकी’

म. टा. प्रतिनिधी, दुबई येथे सुरू असलेल्या '' सामन्यावर सट्टा लावणाऱ्या ''ला सिडको पोलिसांनी ताब्यात घेतले. त्याचे नाव सत्यनारायण मुंदडा (४०, रा. सिडको)...

Suryakumar Yadav: IPL 2020: सूर्यकुमारला मिळू शकते का भारतीय संघात स्थान? पाहा प्रशिक्षक रवी शास्त्री काय म्हणाले… – ipl 2020: indian head coach ravi...

आबुधाबी: मुंबई इंडियन्सचा सूर्यकुमार यादव हा चांगल्या फॉर्मात आहे. गेल्या २-३ आयपीएलपासून सूर्यकुमार सातत्याने चांगली फलंदाजी करताना दिसत आहे. त्यामुळे यावेळी जेव्हा ऑस्ट्रेलियाविरुद्धच्या...

Recent Comments