Home शहरं नाशिक Nashik News : शहरातील मृतसंख्या पोहोचली शंभरीजवळ - the death toll in...

Nashik News : शहरातील मृतसंख्या पोहोचली शंभरीजवळ – the death toll in the city reached nearly a hundred


म. टा. खास प्रतिनिधी, नाशिक

शहरातील करोनाबाधितांची संख्या सतराशेच्या जवळ पोहोचली असतानाच मृतांचा आकडाही आता शंभरीच्या टप्प्यात आला आहे. शहरात करोनाबाधित रुग्णांचा वाढता आकडा चिंतेचा विषय असताना शुक्रवारी एकाच दिवशी तब्बल दहा रुग्णांचा मृत्यू झाल्याने खळबळ उडाली.

शहरातील करोनाबळींचा आकडा ९१ पर्यंत पोहोचला असून, करोनाबाधितांचा आकडा एक हजार ६९६ पर्यंत पोहोचला आहे. धक्कादायक म्हणजे गेल्या दहा दिवसांतच शहरात करोनामुळे ५० बळी नोंदविले गेल्याने नागरिकांसह प्रशासकीय यंत्रणाही हादरली आहे. नाशिक शहरात करोनाबाधितांच्या संख्येसोबतच आता करोनाबळीचा आकडादेखील दिवसेंदिवस वाढत चालला आहे. शहरात गेल्या २५ दिवसांत तब्बल दीड हजार रुग्ण वाढल्याने शहरात आता समूह संसर्गाचा धोका निर्माण झाला आहे. गेल्या चार दिवसांपासून शहरातील करोनाबाधितांचा आकडा आता शंभरी पार करीत आहेत. गुरुवारी दिवसभरात १३१ रुग्ण वाढले असतानाच शुक्रवारी दिवसभरात ९१ रुग्णांची वाढ झाली. त्यामुळे शहरातील करोनाबाधित रुग्णांचा आकडा एक हजार ६९६ पर्यंत पोहोचला आहे. धक्कादायक म्हणजे शुक्रवारी शहरात दहा जणांचा करोनामुळे मृत्यू झाला आहे.

कोकणी दरबारजवळ, नाशिक येथील ८० वर्षीय वृद्ध, काझीची गढी, कुंभारवाडा येथील ४० वर्षीय महिला, नाशिकरोड येथील म्हसोबानगर, गिते मळा येथील ६५ वर्षीय वृद्ध पुरुष, शिंगाडा तलाव येथील माहेश्वरी अपार्टमेंट, जैन मंदिराजवळील ५६ वर्षीय वृद्ध पुरुष, गंजमाळ येथील ४४ वर्षीय पुरुष, आडगाव येथील ८५ वर्षीय वृद्ध, मखमलाबादरोड येथील जाधव कॉलनीतील ६६ वर्षीय वृद्ध पुरुष, दूध बाजार येथील ७५ वर्षीय वृद्ध, सारडा सर्कल येथील ५२ वर्षीय महिला, रविवार कारंजा येथील ३० वर्षीय पुरुष अशा दहा व्यक्तींचा मृत्यू झाला. १६ जून रोजी शहरात अवघे ४० करोनाबळी होते. परंतु, गेल्या दहा दिवसांत तब्बल ५१ करोनाबळींची नोंद झाल्याने शहरातील धोका अधिकच वाढला आहे.



Source link

LEAVE A REPLY

Please enter your comment!
Please enter your name here

Most Popular

BJP: बेस्ट खासगीकरणाविरोधात भाजप आक्रमक – bjp has apposed privatization of best buses and conductor jobs recruitment on contract basis

म. टा. विशेष प्रतिनिधी, मुंबई बेस्ट उपक्रमात ४०० बस भाडेतत्त्वावर आणि कंडक्टर कंत्राटी घेण्याच्या निर्णयाविरोधात भाजपने आक्रमक भूमिका घेतली आहे. बेस्टच्या खासगीकरणाच्या डावात...

Recent Comments