Home मुंबई नवी मुंबई navi mumbai News : ‘खडसेंना डावलण्याचा प्लॅन दिल्ली नेतृत्वाचा’ - delhi leadership...

navi mumbai News : ‘खडसेंना डावलण्याचा प्लॅन दिल्ली नेतृत्वाचा’ – delhi leadership plans to oust khadse


म. टा. प्रतिनिधी, पुणे

‘ज्येष्ठ नेते एकनाथ खडसे यांना भारतीय जनता पक्षाने सन्मानाची वागणूक दिली नाही. प्रभावी लोकनेता आणि पर्यायी नेतृत्व असल्यानेच खडसेंना लक्ष्य करण्यात आले आहे. आपल्या नेतृत्वाला अडचण होईल, म्हणून त्यांना बाजूला सारण्याचा ‘प्लॅन’ भाजपच्या दिल्ली नेतृत्वाने केला. त्यांचा वरदहस्त असल्याशिवाय राज्यातील भाजप नेतृत्वामध्ये खडसेंना डावलण्याची ताकद नाही,’ अशा शब्दांत काँग्रेसचे ज्येष्ठ नेते पृथ्वीराज चव्हाण यांनी खडसे यांच्या नाराजीनाट्यावरून भाजपश्रेष्ठींवर निशाणा साधला. खडसेंसारखा लोकनेता काँग्रेसमध्ये आला, तर त्याचा पक्षासाठी फायदा होईल, असेही ते म्हणाले.

विधानसभेपाठोपाठ विधान परिषदेची उमेदवारी नाकारल्याने एकनाथ खडसे यांनी संतापून राज्यातील भाजप नेत्यांवर टीकास्त्र सोडले होते. त्यावरून खडसे आणि भाजप प्रदेशाध्यक्ष चंद्रकांत पाटील यांच्यामध्ये बराच कलगीतुराही रंगला होता. त्या वेळी खडसे यांनी काँग्रेसकडून विधान परिषद निवडणुकीसाठी सहाव्या जागेची ऑफर होती, असा गौप्यस्फोट केला होता. त्यावर खडसे काँग्रेसची विचारधारा स्वीकारत असतील; तर त्यांचे निश्चित स्वागत करू, अशी प्रतिक्रिया काँग्रेसचे प्रदेशाध्यक्ष बाळासाहेब थोरात यांनी दिली होती. या घडामोडींच्या पार्श्वभूमीवर पुणे श्रमिक पत्रकार संघातर्फे आयोजित वार्तालाप कार्यक्रमात पृथ्वीराज चव्हाण बोलत होते.

‘राज्यात भाजप शून्यातून उभा करण्याचे काम एकनाथ खडसे, गोपीनाथ मुंडे यांच्यासारख्या लोकनेत्यांनी केले आहे. असा नेता काँग्रेसमध्ये आला तर त्याचा पक्षासाठी फायदा होईल. भाजपने त्यांना सन्मानाची वागणूक दिली नाही. प्रभावी नेता, पर्यायी नेतृत्व म्हणूनच त्यांना लक्ष्य करण्यात आले. पाच वर्षे मंत्रिपदासाठी झुलवत ठेवण्यात आले. आपल्या नेतृत्वाला अडचण होईल, म्हणून खडसेंना डावलण्याचे नियोजन भाजपच्या दिल्ली नेतृत्वाचे असून, राज्यातील भाजप नेत्यांमध्ये ती ताकद नाही. भाजपच्या दिल्ली नेतृत्वाचा वरदहस्त असल्याशिवाय खडसेंसारख्या नेतृत्वाला बाजूला ठेवणे शक्य नाही,’ अशी टिप्पणी त्यांनी केली. मात्र, काँग्रेसने खडसेंना विधान परिषदेसाठी सहाव्या जागेची ऑफर दिली होती का, या प्रश्नाचे उत्तर त्यांनी टाळले.

……

‘सोने कर्जरूपाने घेण्याची योजना वाजपेयींच्या काळतही’

सर्व धार्मिक संस्थांकडील सोने कर्ज स्वरूपात घेऊन करोनामुळे उद्भवलेल्या आर्थिक संकटाचा सामना करावा, या पृथ्वीराज चव्हाणांच्या विधानावरून देशभरात गदारोळ सुरू आहे. या विधानामागची भूमिका स्पष्ट करताना पृथ्वीराज चव्हाण यांनी दिवंगत पंतप्रधान अटलबिहारी वाजपेयी आणि मोदी सरकारच्या कार्यकाळातही अशा योजना राबविण्यात आल्याचे दाखले दिले. ‘पोखरण अणुचाचणीनंतर आर्थिक निर्बंधांना सामोरे जाताना वाजपेयी सरकारने १९९९ मध्ये सोने अनामत योजना (गोल्ड डिपॉझिट स्कीम) सुरू केली होती. त्यानंतर पंतप्रधान नरेंद्र मोदी आणि तत्कालीन अर्थमंत्री अरुण जेटली यांनीही २०१५ मध्ये हीच योजना राबवून धार्मिक संस्थांचे सोने स्वीकारले होते. आतापर्यंत या योजनेअंतर्गत साडेवीस टन सोने सरकारने गोळा केले आहे. त्यामुळे माझी मागणी वेगळी नसून, करोना संकटाला सामोरे जाताना सोन्याचे योग्य नियोजन व विनिमयन गरजेचे आहे,’ असेही त्यांनी नमूद केले.

….



Source link

LEAVE A REPLY

Please enter your comment!
Please enter your name here

Most Popular

Pune Crime: अमोल कोल्हेंच्या नावाने बिल्डरकडे मागितले पैसे; पुढे काय घडले पाहा – money demanded from builder in the name of amol kolhe

पुणे:लॉकडाऊन काळात एका बिल्डरला खासदार अमोल कोल्हे बोलत असल्याची बतावणी करून फसविण्याचा प्रयत्न करणाऱ्याला खंडणी विरोधी पथकाने अटक केली आहे. त्याच्या विरोधात वानवडी...

Prakash Javadekar: जावडेकरांचा राहुल गांधींवर पलटवार; म्हणाले, ‘काँग्रेसने शेतकऱ्यांना जाणीवपूर्वक चिथावले’ – rahul gandhi wasn’t only supporting protest but also instigating says union min...

नवी दिल्ली: दिल्लीतील शेतकर्‍यांच्या हिंसाचाराचा ( tractor rally violence ) ठपका कॉंग्रेसने सरकार आणि पोलिसांवर ठेवला असतानाच कॉंग्रेसच्या नेत्यांनी केलेल्या ट्विटला भाजपने शेतकरी...

Recent Comments