Home मुंबई नवी मुंबई navi mumbai News: नवी मुंबईतील रुग्णांत पाचने वाढ - five increase in...

navi mumbai News: नवी मुंबईतील रुग्णांत पाचने वाढ – five increase in patients in navi mumbai


नवी मुंबईत शनिवारी करोनाचे नवीन पाच रुग्ण आढळून आल्याने बाधितांची एकूण संख्या १०८ झाली आहे…

Updated:

MT

म. टा. वृत्तसेवा, नवी मुंबई : नवी मुंबईत शनिवारी करोनाचे नवीन पाच रुग्ण आढळून आल्याने बाधितांची एकूण संख्या १०८ झाली आहे. शनिवारी महापालिकेस प्राप्त झालेल्या प्रलंबित २१ करोना अहवालांपैकी १६ निगेटिव्ह आले असून पाच पॉझिटिव्ह आले आहेत. त्यामुळे नवी मुंबईतील करोनाबाधित रुग्णांची एकूण संख्या १०८ झाली आहे.

कोपरखैरणे सेक्टर ८ येथे यापूर्वी आढळून आलेल्या एका करोना पॉझिटिव्ह महिलेच्या २३ वर्षीय मुलीचे अहवाल पॉझिटिव्ह आले आहेत. तर वाशी सेक्टर १ येथे राहणाऱ्या एका खासगी नर्सचे काम करणाऱ्या ३७ वर्षीय महिलेचे अहवालही पॉझिटिव्ह आले आहेत. सदर महिला दररोज चेंबूर मुंबई येथे दोन रुग्णांच्या घरी नर्सिंग सेवा देत होती. गत २२ एप्रिल रोजी या महिलेला तापाची लक्षणे दिसून आल्याने वाशी रुग्णालयात तिचे घेतलेल्या स्वॅब नमुन्यांचे अहवाल पॉझिटिव्ह आले आहेत. याशिवाय इंदिरानगर तुर्भे येथे ४२ वर्षे व्यक्तीची करोना चाचणी पॉझिटिव्ह आली असून सदर व्यक्ती तुर्भे येथील बीएएसएफ कंपनीत लेबर कॉन्टॅक्टरचे काम करत आहे.

त्याचबरोबर सेक्टर २३ कोपर खैरणे येथील एका ६३ वर्षीय व्यक्तीला करोनाची लागण झाली असून त्यांचे अहवाल पॉझिटिव्ह आले आहेत. सदर व्यक्ती कोपरखैरणे सेक्टर २२ येथे कांदे-बटाटे विक्रीचा व्यवसाय करीत होती. त्यांची बदलापूरला राहत असलेली मुलगी जे. जे. हॉस्पिटल येथे नर्स असून गत २० मार्च ते १४ एप्रिल या कालावधीत ती कोपरखैरणे येथे आपल्या माहेरी राहायला होती. गत १७ एप्रिल रोजी त्यांना ताप आल्यानंतर नागरी आरोग्य केंद्रामार्फत ऐरोली रुग्णालयात त्यांची स्वॅब तपासणी केली असता अहवाल पॉझिटिव्ह आला आहे. तर घणसोली येथील खंडोबा मंदिराजवळील एका ३७ वर्षीय व्यक्‍तीचे अहवालही पॉझिटिव्ह आले आहेत.

दरम्यान, नवी मुंबईत चाचणी केलेल्या नागरिकांची संख्या १,८१२ झाली असून त्यापैकी पॉझिटिव्ह १०८ तर निगेटिव्ह १,११६ रुग्ण आढळले आहेत. तर ५८८ रुग्णांचा तपासणी अहवाल प्रलंबित आहे.

 

तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅपडाउनलोड करा आणि रिपोर्ट्स पाठवा





Source link

LEAVE A REPLY

Please enter your comment!
Please enter your name here

Most Popular

cm uddhav thackeray: चैत्यभूमीला घरातूनच अभिवादन करा – cm uddhav thackeray has appealed give tribute to dr babasaheb ambedkar on 6 december from home

म. टा. विशेष प्रतिनिधी, मुंबईमहापरिनिर्वाण दिन हा भारतरत्न डॉ. बाबासाहेब आंबेडकर यांना अभिवादन करण्याचा दिवस आहे. या अभिवादनासाठी ज्या-ज्या गोष्टी करायच्या, त्या सर्व...

Recent Comments