Home मुंबई नवी मुंबई navi mumbai News : नांदेड जिल्ह्यात पावसाची हजेरी - presence of rains...

navi mumbai News : नांदेड जिल्ह्यात पावसाची हजेरी – presence of rains in nanded district


मुक्रमाबाद परिसरात अतिवृष्टीची नोंद

नांदेड : जिल्ह्याच्या वेगवेगळ्या भागात गेल्या २४ तासांत झालेल्या पावसाने बळीराजा सुखावला. मुखेड तालुक्यातील मुक्रमाबाद परिसरात अतिवृष्टीची नोंद झाली.

जिल्ह्यात गेल्या दोन दिवसांपासून वेगवेगळ्या भागात कमीअधिक प्रमाणात पाऊस सुरू आहे. यंदा समाधानकारक पाऊस पडेल असा अंदाज हवामान खात्याने व्यक्त केल्यानंतर करोनाचा प्रादूर्भाव असतानाही शेतकऱ्यांनी खरीपाची पेरणी करण्यासाठी तयारी केली होती. गेल्या चार वर्षांपासून हुलकावणी देणाऱ्या पावसाने यंदा वेळेवर हजेरी लावल्याने शेतकऱ्यांमध्ये समाधानाचे वातावरण आहे. मंगळवारी मध्यरात्री सुरू झालेला पाऊस आजही काही प्रमाणात बरसला. नांदेड शहरात सकाळी सूर्यदर्शन घडलेच नाही. मध्यरात्री वादळ वाऱ्यासह झालेल्या पावसाने जनजीवन विस्कळीत झालेले असताना आजही दिवसभर पावसाच्या सरी बरसल्या. दुपारनंतर पावसाने विश्रांती घेतली.

दोन दिवसांपासून सुरू असलेल्या पावसाने सखल भागात पाणीच पाणी झाले असून महापालिकेच्या मान्सूनपूर्व कामाचे पितळ उघडे पडले आहे. शहरातल्या नागसेननगर, प्रभातनगर, दत्तनगर, परशुराम चौक, महावीर चौक आदी भागात पाणी साचल्याने वाहनचालकांना मोठी कसरत करावी लागली. जिल्ह्यात हदगाव, लोहा, कंधारसह अनेक ठिकाणी दमदार पाऊस झाला. जूनचा पहिला आठवडा कोरडा गेल्यानंतर मृग नक्षत्रात झालेल्या पावसाने शेतकऱ्यांना दिलासा मिळाला असून अनेक ठिकाणी पेरणीच्या कामाला प्रारंभ झाला आहे.

शेतकऱ्यांनी पेरणी करू नये

मुखेड तालुक्यातील मुक्रमाबाद मंडळात ८५ मिलिमीटर पाऊस पडल्याने येथे अतिवृष्टीची नोंद झाली आहे. बहुतांश तालुक्यात समाधानकारक पाऊस पडला असला तरी शेतकऱ्यांनी पेरणीला घाई करू नये, असे आवाहन कृषी विभागाने केले आहे. जोपर्यंत १०० मिलिमीटरपेक्षा जास्त पावसाची नोंद होणार नाही, तोपर्यंत शेतकऱ्यांनी पेरणी करू नये, असे आवाहन करण्यात आले आहे.

फोटो ओळी..

जालना शहरात बुधवारी दमदार पावसाने हजेरी लावल्याने रस्त्यावर पाणी साचले होते.



Source link

LEAVE A REPLY

Please enter your comment!
Please enter your name here

Most Popular

coronavirus updates: US, फ्रान्समध्ये करोनाचा कहर: आतापर्यंतचे एका दिवसातील सर्वाधिक रुग्ण – coronavirus updates us and france reports highest coronavirus cases daily figure since...

वॉशिंग्टन/पॅरिस/लंडन: करोनावर नियंत्रण मिळवत असल्याचा दावा अमेरिकेचे राष्ट्राध्यक्ष डोनाल्ड ट्रम्प करत असले तरी दुसरीकडे परिस्थिती बिघडत असल्याचे चित्र आहे. अमेरिकेत एकाच दिवसांत जवळपास...

aurangabad recovery rate: रुग्ण बरे होण्याचे प्रमाण पोचले ९१ टक्क्यांवर – aurangabad corona update : corona patient’s recovery rate reached 91 percent

म. टा. प्रतिनिधी, औरंगाबादऔरंगाबाद शहरात करोना संसर्ग झालेले रुग्ण बरे होण्याचे प्रमाण आता ९१ टक्क्यांवर येऊन पोचले आहे. २५ हजार ४१ रुग्णांपैकी २२...

Recent Comments