Home मुंबई नवी मुंबई navi mumbai News : पनवेलमध्ये करोनाचे मृत्यू नियंत्रणात - corona's death under...

navi mumbai News : पनवेलमध्ये करोनाचे मृत्यू नियंत्रणात – corona’s death under control in panvel


महापालिकेचा दावा, इतर आजार असल्याने जीव गमावल्याचे कारण

कुणाल लोंढे, पनवेल

पनवेल महापालिका क्षेत्रात करोनामुळे झालेले मृत्यू केवळ करोनाची लागण झाली म्हणून नाही, असा दावा प्रशासनाने केला आहे. पनवेलमध्ये आजवर ३६ जणांचा मृत्यू झाला असून त्यातील दोन रुग्णांना उपचार उशिरा मिळाल्यामुळे मृत्यू झाला.

मार्च महिन्यात पनवेल महापालिका क्षेत्रात कामोठ्यात करोनाचा पहिला रुग्ण आढळला. त्यानंतर दिवसेंदिवस करोना रुग्णांची संख्या वाढत गेली. रायगड जिल्ह्यातील एकमेव महापालिका आणि शहरीकरण झालेल्या पनवेल तालुक्यात जिल्ह्याच्या इतर तालुक्यांच्या तुलनेत सर्वाधिक रुग्ण आढळल्यामुळे तालुका रेडझोन घोषित करण्यात आला. महापालिका क्षेत्रात कामोठ्यात सर्वाधिक रुग्ण आढळल्यामुळे कामोठे शहरही प्रतिबंधित क्षेत्र म्हणून घोषित करण्यात आले होते. महापालिका क्षेत्रात आजवर ८४३ जणांना करोनाची लागण झाली. तर त्यापैकी ५४१ जण करोनातून बरे झाले आहेत. सध्या २४० रुग्ण करोनावर उपचार घेत आहेत. तर ३६ जणांचा मृत्यू झाला. पनवेलमध्ये मृत्यूचा टक्का ४ ते साडेचार टक्के इतकाच आहे. ४ टक्के मृत्यू झालेल्या रुग्णांमध्ये फक्त करोनाने मृत्यू झालेल्या रुग्णांचे प्रमाण तर नसल्यासारखेच आहे. ३६ रुग्णांपैकी बहुतांश रुग्णांना हृदयविकार, मधुमेह, रक्तदाब, कॅन्सर, वयोवृद्ध नागरिक आणि मूळातच शारीरिक अशक्तपणा असलेल्या रुग्णांचा समावेश आहे. यांसारखे आजार असलेल्या रुग्णांवर करोनासाठी देण्यात आलेल्या आजारांनी परिणाम होत नसून रुग्ण बरे होत नाहीत. इतर रुग्णांना मात्र करोनाच्या औषधाचा परिणाम तातडीने होत असून ५ दिवसांच्या औषधांमध्ये रुग्ण ठणठणीत बरा होत असल्याचे आजवरच्या पाहणीत दिसले आहे.

पनवेल उपजिल्हा रुग्णालयात आजवर ३ रुग्ण दगावले असून या तिन्हीही रुग्णांना मधुमेहाचा तीव्र त्रास, रक्तदाब आणि कॅन्सरचा आजार होता, अशी माहिती उपजिल्हा रुग्णालयाचे वैद्यकीय अधीक्षक डॉ. नागनाथ यम्पल्ले यांनी सांगितले. महापालिका क्षेत्रातील इतर मृत्यू विविध खासगी रुग्णालयात, कोविड केअर सेंटरमध्ये झाले असून पूर्वीपासून उपचार सुरू असलेले हे रुग्ण आहेत, अशी माहिती महापालिकेने वेळोवेळी दिली आहे.

उशीर झाल्यामुळे मृत्यू

पनवेल महापालिका क्षेत्रात करोना झालेल्या दोन रुग्णांना इतर कोणताही त्रास नव्हता. करोना झाल्यामुळे त्यांचा मृत्यू झाला. यांच्या मृत्यूला त्यांनी उपचारासाठी केलेला विलंब हे कारण देण्यात आले आहे. दोघांना रोनाची लक्षणे आढळूनही परस्पर घरच्या घरी उपचार घेण्याचा प्रयत्न केला. परिणामी उपचार घेण्यास अधिक उशीर झाल्यामुळे या दोघांचा मृत्यू झाला, असे मत पनवेल महापालिकेचे आयुक्त सुधाकर देशमुख यांनी सांगितले.

महापालिका क्षेत्रात करोनामुळे मृत्यू झाल्याचे प्रमाण जास्त नाही. रुग्णांना इतर आजार असल्यामुळे त्यांचा मृत्यू झाला आहे. दोन ते तीन जणांना उपचार घेण्यास उशीर झाल्यामुळे त्यांचा मृत्यू झाला आहे. त्यामुळे केवळ करोनामुळे मृत्यू होत नाहीत. पनवेलमध्ये मृत्यूचे प्रमाण फार कमी असून अजूनही कमी होईल, असा विश्वास आहे.

सुधाकर देशमुख, आयुक्त



Source link

LEAVE A REPLY

Please enter your comment!
Please enter your name here

Most Popular

sujay vikhe patil: ‘शरद पवारांवर विश्वास ठेवायचा की मोदींवर? हे जनतेनेच ठरवावे’ – bjp mp sujay vikhe clears stand on k k range issue

अहमदनगर: ‘के के रेंज प्रश्नासंदर्भात आम्ही जी भूमिका तत्कालीन दौऱ्यात मांडली त्यावर आजही ठाम आहोत. त्या भूमिकेत कोणताही बदल नाही. त्यामुळे आता शरद...

sujay vikhe patil: ‘मी भाजपमध्ये नवीन आहे; खडसेंबद्दल काय बोलणार?’ – how can i comment on eknath khadse, says bjp mp sujay vikhe patil

अहमदनगर: 'भारतीय जनता पक्षात मी नवीन आहे. मला एकच वर्ष झालं आहे. त्यामुळं ४० वर्षे पक्षात असलेल्या व्यक्तीवर मी टीकाटिप्पणी काय करणार,' अशी...

Recent Comments