Home मुंबई नवी मुंबई navi mumbai News : महापालिका शाळेचाही ऑनलाइन वर्ग! - online class of...

navi mumbai News : महापालिका शाळेचाही ऑनलाइन वर्ग! – online class of municipal school too!


५० टक्के मुलांकडे इंटरनेट, मोबाइल, कम्प्युटर नसल्याने अडचण

मुलांपर्यंत पोहोचण्यासाठी पालिकेकडून नियोजनास सुरुवात

म. टा. वृत्तसेवा, नवी मुंबई

नवी मुंबई भाग रेड झोनमध्ये येत असल्याने येथील शाळा सध्या सुरू करणे कठीण असल्याने १५ जूनपासून विविध मार्गाने शिक्षण सुरू करण्याचा निर्णय अनेक खासगी शाळांनी घेतला आहे. त्याच पार्श्वभूमीवर नवी मुंबईतील पालिका शाळेत शिक्षण घेणाऱ्या विद्यार्थ्यांचेही व्हर्च्युअल क्लास सुरू करण्याचा निर्णय पालिका आयुक्तांनी घेतला आहे. तशा सूचना शिक्षण अधिकाऱ्यांना दिल्या आहेत. मात्र, त्यासाठी आवश्यक कम्प्युटर, मोबाइल, इंटरनेटची सुविधा उपलब्ध करून देण्याचे आव्हान प्रशासनासमोर आहे.

नवी मुंबईत महापालिकेच्या पालिका हद्दीत ४५ शाळा आहेत. या शाळेत ५० हजारांच्या आसपास विद्यार्थी शिक्षण घेत आहेत. पालिकेच्या वतीने या सर्व विद्यार्थ्यांना मोफत शिक्षण दिले जाते. मोफत शिक्षणाबरोबरच त्यांच्या शिक्षणासाठी लागणारे साहित्यही उपलब्ध करून दिले जाते. त्यामुळे अनेक अल्प उत्त्पन्न गटातील, मध्यम वर्गातील पाल्यांची मुले या शाळांमध्ये शिक्षण घेत आहेत. आता पालिकेने सीबीएसईच्या शाळाही सुरू केल्या आहेत. यावर्षी या शाळेचे वर्गही वाढवण्यात येणार आहेत. मात्र, करोना संसर्ग आणि लॉकडाउनमुळे शाळांचे वर्ग सध्या रिकामे असून मुलांचे शैक्षणिक भवितव्य अधांतरी आहे. त्यामुळे विद्यार्थ्यांचे शैक्षणिक नुकसान टाळण्यासाठी व्हर्च्युअल क्लासच्या माध्यमातून या वर्षीचे वर्ग सुरू करण्याचा निर्णय महानगरपालिकेच्या वतीने घेण्यात आला आहे.

याबाबत पालिका आयुक्त अण्णासाहेब मिसाळ, शिक्षण विभाग उपायुक्त नितीन काळे यांच्यासमोर एक बैठक पार पडली असून त्यातील निर्णयानुसार नियोजन करण्यात येत आहे. सध्या शहरातील सर्वच खासगी शाळांनी ऑनलाइन शिक्षण सुरू करण्याची तयारी केली आहे. त्याच पद्धतीने पालिका शाळाही सुरू करण्याच्या हालचाली शिक्षण विभागाने सुरू केल्या आहेत. पाठ्यक्रमाचा एक व्हिडीओ तयार करून तो मुलांना पाठवून त्याद्वारे मुलांना शिकवण्याचा प्रयत्न करण्यात येणार आहे. हा व्हिडीओ कसा तयार करायचा, त्यातून विद्यार्थ्यांचा अभ्यास कसा घ्यायचा, याबाबत शिक्षण विभाग काम करत आहे. पालिका शाळेतील ५० टक्के विद्यार्थ्यांकडे अँड्रॉइड फोन, लॅपटॉप, कम्प्युटर नाहीत. मग अशा विद्यार्थ्यांपर्यंत कसे पोहोचता येईल याबाबत विचार केला जात आहे. विद्यार्थ्यांचे शैक्षणिक नुकसान होणार नाही, याची काळजी घेतली जात आहे.

सर्व विद्यार्थ्यांना या नवीन पद्धतीने शिक्षण कसे देता येईल, याबाबत आम्ही विचार करत आहोत. त्या दृष्टीने कामाला सुरुवात केली आहे. नवी मुंबई रेड झोनमध्ये असल्याने १५ जूनपासून शाळा सुरू करता येणार नाही. मात्र शिक्षण सुरू होऊ शकते. त्यासाठी वेगवेगळे पर्याय आजमावले जात आहेत. व्हर्च्युअल क्लासच्या माध्यमातून आम्ही शिक्षण सुरू करण्याच्या प्रयत्नांत आहोत.

-नितीन काळे, उपायुक्त, शिक्षण विभाग



Source link

LEAVE A REPLY

Please enter your comment!
Please enter your name here

Most Popular

gujarat coronavirus: एक अॅम्ब्युलन्स अन् चार मृतदेह… गांधीनगरमध्ये करोनाने होणारे मृत्यू लपवले जाताहेत? – gujarat coronavirus dead bodies in ambulance photo viral nitin patil...

अहमदाबादः गुजरातची राजधानी गांधीनगरमध्ये ( gujarat coronavirus ) सध्या एक फोटो सोशल मीडियावर व्हायरल ( viral photo ) होतोय. या व्हायरल फोटोत एका...

Recent Comments