Home मुंबई नवी मुंबई navi mumbai News : राज्यात रविवारी ३ हजार ४१ नवे रुग्ण -...

navi mumbai News : राज्यात रविवारी ३ हजार ४१ नवे रुग्ण – 3 thousand 41 new patients in the state on sunday


म. टा. प्रतिनिधी, मुंबई

राज्यात रविवारी ३ हजार ४१ करोनाबाधित नवीन रुग्णांची नोंद झाली. त्यामुळे राज्यातील एकूण करोनाबाधितांचा आकडा ५० हजार २३१ इतका झाला आहे. तसेच गेल्या २४ तासांत राज्यात ५८ करोनाबाधितांचा मृत्यू झाला असून, त्यात मुंबईतील ३९ जणांचा समावेश आहे. त्याशिवाय पुणे शहर आणि सोलापूरमध्ये प्रत्येकी सहा, औरंगाबाद शहरात चार, ठाणे शहर, मिरा-भाईंदर आणि लातूरमध्ये प्रत्येकी एका रुग्णाचा मृत्यू झाला आहे. यामुळे राज्यातील एकूण करोनाबळींची संख्या १ हजार ६३५ इतकी झाली आहे. रविवारी देशात ६,७६७ इतक्या उच्चांकी नव्या रुग्णांची नोंद झाली. त्यामुळे, देशातील करोनाबाधितांची एकूण संख्या १ लाख ३१ हजार ८६८ वर पोहोचली आहे.

राज्यात रविवारी १ हजार १९६ रुग्ण बरे होऊन घरी गेले असून, आजपर्यंत एकूण १४ हजार ६०० रुग्ण बरे झाले आहेत. राज्यातील एकूण रुग्णसंख्या ५० हजार २३१ इतकी असली तरी राज्यातील अॅक्टिव्ह रुग्णांची संख्या ३३ हजार ९८८ इतकी आहे. मुंबई महापालिकेच्या हद्दीतील रुग्णांची एकूण संख्या ३० हजार ५४२ झाली असून, मुंबईतील करोनाबळींची संख्या ९८८ इतकी आहे. पुणे महापालिकेच्या हद्दीतील एकूण रुग्णसंख्या ५ हजार ७५ असून, पुण्यात करोनाबळींची एकूण संख्या २५१ इतकी असल्याचे आरोग्यमंत्री राजेश टोपे यांनी सांगितले.

आजपर्यंत पाठविण्यात आलेल्या ३ लाख ६२ हजार ८६२ नमुन्यांपैकी ३ लाख १२ हजार ६३१ जणांचे प्रयोगशाळा नमुने करोना करिता निगेटिव्ह आले आहेत, तर ५० हजार २३१ जणांचे नमुने पॉझिटिव्ह आले आहेत. सध्या राज्यात ४ लाख ९९ हजार ३८७ लोक गृह विलगीकरणामध्ये असून, ३५ हजार १०७ लोक संस्थात्मक विलगीकरणामध्ये आहेत. राज्यात सध्या २ हजार २८३ प्रतिबंधित क्षेत्रे क्रियाशील असून, रविवारी एकूण १६ हजार ९१३ सर्वेक्षण पथकांनी काम केले असून, त्यांनी ६६.६० लाख लोकसंख्येचे सर्वेक्षण केले आहे, अशी माहिती टोपे यांनी दिली.

रविवारी नोंद झालेल्या ५८ मृत्यूंपैकी ३४ पुरुष, तर २४ महिला आहेत. यात ६० वर्षे किंवा त्यावरील वयोगटातील ३० रुग्ण आहेत. ४० ते ५९ वयोगटातील २७ रुग्ण आहेत आणि ४० वर्षांखालील एक रुग्ण आहे. या ५८ रुग्णांपैकी ४० जणांमध्ये मधुमेह, उच्च रक्तदाब अशा स्वरुपाचे अतिजोखमीचे आजार आढळले आहेत. राज्यात सध्या ३३ हजार ९८८ रुग्णांवर उपचार सुरू आहेत. रविवारी नोंद झालेल्या एकूण मृत्यूंपैकी ३८ मृत्यू हे मागील २४ तासांतील आहेत, तर उर्वरित मृत्यू हे २३ एप्रिल ते २० मे या कालावधीतील आहेत, असे टोपे म्हणाले.



Source link

LEAVE A REPLY

Please enter your comment!
Please enter your name here

Most Popular

aurangabad district planning committee: शासनाचा आर्थिक गाडा रुळावर – remaining funds have been provided to district planning committee by government

म. टा. प्रतिनिधी, औरंगाबादजिल्हा नियोजन समितीचे कामकाज इंटिग्रेटेड, प्लानिंग ऑफिस ऑपरेशन सिस्टीमद्वारे (आयपीएएस) करावयाचे होते, मात्र मराठवाड्यातील औरंगाबाद, नांदेड व बीड जिल्ह्यांनी या...

Akshar Patel Not Played Single Test Match For India But Get Chance In Team Against England – IND vs ENG : एकही कसोटी सामना...

नवी दिल्ली, IND vs ENG : ऑस्ट्रेलियानंतर आता भारतीय संघ इंग्लंडच्या संघाशी दोन हात करणार आहे. काही दिवसांपूर्वी इंग्लंडविरुद्धच्या कसोटी मालिकेसाठी भारतीय संघाची...

सुशांतसिंह राजपूत बर्थडे: सुशांतसिंह राजपूतच्या बर्थडेला बहिणीने लिहीलं भावुक पत्र, शेअर केले Unseen Photos – sushant singh rajput sister shweta singh kirti posts photos...

मुंबई- सुशांतसिंह राजपूत याच्या वाढदिवसानिमित्त जगभरातील चाहते सोशल मीडियावर आपल्या भावना शेअर करत आहेत. कालपासूनच ट्विटरवर त्याचा नावाचा ट्रेण्ड पाहायला मिळत आहेत. सुशांतच्या...

Recent Comments