Home देश पैसा पैसा Petrol price today: सलग १४ दिवस दरवाढ ; पेट्रोल -डिझेल १० टक्क्यांनी...

Petrol price today: सलग १४ दिवस दरवाढ ; पेट्रोल -डिझेल १० टक्क्यांनी महागले – petrol diesel hike in 14th consecutive day


मुंबई : पेट्रोलियम कंपन्यांनी शनिवारी घेतलेल्या इंधन दर आढाव्यानंतर देशनभरातील प्रमुख शहरांमध्ये पेट्रोल ५१ ते ५३ पैसे आणि डिझेल ६१ ते ६३ पैशांनी महागले आहे. इंडियन ऑइलच्या आकडेवारीनुसार आज मुंबईत पेट्रोल ४९ पैशांनी वाढले आहे. पेट्रोलचा भाव ८५.७० रुपये झाला आहे. डिझेलच्या दरात ५८ पैशांची वाढ झाली असून डिझेलसाठी आज ग्राहकांना ७६.११ रुपये मोजावे लागतील.

दिल्लीत आजचा पेट्रोलचा भाव ७८.८८ रुपयांवर गेला आहे. शुक्रवारी तो ७८.३७ रुपये होता. डिझेलमध्ये ६१ पैशांची वाढ झाली असून तो ७७.०६ रुपये झाला आहे. मागील १४ दिवसात दिल्लीत पेट्रोल ७.६० रुपयांनी आणि डिझेल ८.२८ रुपयांनी वाढले आहे. या दरवाढीने ग्राहकांमध्ये संताप व्यक्त करण्यात येत आहे. डिझेलमधील दरवाढीने माल वाहतुकीचा खर्च वाढणार असून महागाईचा भडका उडेल, अशी शक्यता जाणकारांनी व्यक्त केली आहे.

ATM मधून पाच हजारहून अधिक रुपये काढल्यास लागणार शुल्क!
कोलकात्यात आज पेट्रोल ८०.६२ रुपये झाले आहे. त्यात आज ४९ पैशांची वाढ झाली. डिझेलमध्ये ५४ पैशांची वाढ झाली असून डिझेलचा भाव ७३.०७ रुपये झाला आहे. चेन्नईत पेट्रोल ८२ रुपयांवर गेले आहे. चेन्नईत आज पेट्रोलचा दर प्रती लीटर ८२.२७ रुपये झाला. डिझेलचा भाव ७५.२९ रुपये झाला.

भारतात इंधन मागणीच्या पूर्ततेसाठी सरकार ८० टक्के कच्चा तेलाची आयात करते. यामुळे जागतिक बाजारातील कच्चा तेलाचे भाव, रुपया आणि डॉलरमधील विनिमय दर आदी गोष्टी महत्वाच्या ठरतात. शुक्रवारी चलन बाजारात डॉलरच्या तुलनेत रुपया ६ पैशानी घसरला आणि ७६.२० वर बंद झाला. जागतिक बाजारात शुक्रवारी कच्चा तेलाचे भाव प्रती बॅरल ३९.३५ डॉलर होते.

अंबानींची वचनपूर्ती ; ‘रिलायन्स’वरील कर्जाबाबत केली मोठी घोषणा
केंद्र सरकारने मे महिन्यात पेट्रोल आणि डिझेलवर रोड सेससह एक्साइज ड्युटी अनुक्रमे १० आणि १३ रुपये प्रति लिटर वाढवली, तर पेट्रोल-डिझेलवर रोड सेस ८ रुपये आणि अबकारी कर दोन व पाच रुपयांनी वाढवला आहे. राज्य सरकारने या महिन्याच्या सुरुवातीला पेट्रोल आणि डिझेलवर व्हॅटवरील अधिभार म्हणून प्रत्येकी २ रुपये वाढवले होते.

करोनाची साथ रोखण्यासाठी देशभरात लॉकडाउन जाहीर करण्यात आला होता. त्यानुसार पेट्रोलियम कंपन्यांनी दररोजचा इंधन आढावा बंद स्थगित केला होता. तब्बल ८३ दिवसांनंतर रविवारी ७ जून रोजी प्रमुख शहरांमध्ये पेट्रोल आणि डिझेलच्या किमतीत वाढ केली होती. मागील दोन महिने कठोर टाळेबंदीने रस्ते वाहतुकीवर निर्बंध होते. यामुळे एप्रिल आणि मे या दोन महिन्यात पेट्रोल आणि डिझेल विक्रीत मोठी घसरण झाली होती. याच दरम्यान आंतरराष्ट्रीय बाजारात कच्च्या तेलाच्या किमतींनी उणे स्तर गाठला होता. त्यामुळे कमॉडिटी बाजारात खळबळ उडाली होती. तेलाची साठवणूक परवडत नसल्याने तेलाच्या किमती गडगडल्या होत्या.



Source link

LEAVE A REPLY

Please enter your comment!
Please enter your name here

Most Popular

अभिषेक बच्चन: Video: जेव्हा जया बच्चन यांनी सर्वांसमोर करिश्मा कपूरला ‘सून’ म्हणून हाक मारली होती – jaya bachchan called karisma kapoor daughter in law...

मुंबई-अभिषेक बच्चन आणि करिश्मा कपूर यांची लव्ह स्टोरी अनेक वर्ष चर्चेचा विषय होती. दोघांचा साखरपुडा झाल्याचंही म्हटलं गेलं होतं. मात्र नंतर काही कारणांमुळे...

Indian Language on voting postal voting: US Election व्वा! अमेरिका निवडणूक मतपत्रिकेवर पाच भारतीय भाषा – us presidential election 2020 indian language appears on...

वॉशिंग्टन: अमेरिकेच्या राष्ट्राध्यक्षपदाच्या निवडणुकीसाठी काही दिवसच राहिले आहेत. प्रत्यक्ष मतदान तीन नोव्हेंबर रोजी होणार असले तरी पोस्टल मतदानाला सुरुवात झाली आहे. यंदाच्या निवडणुकीतही...

swine flue cases: करोना सज्जतेत डेंग्यू नियंत्रणात – dengue, malaria and cholera diseases are reduces due to cleanness awareness in nashik

म. टा. खास प्रतिनिधी, नाशिककरोनामुळे यंदा नागरिकांमध्ये स्वच्छतेबाबत जनजागृती झाल्यामुळे डेंग्यू, मलेरिया, कॉलरा यांसारख्या आजारांचा प्रादुर्भावदेखील मोठ्या प्रमाणावर कमी झाला आहे.दर वर्षी पावसाळ्यात...

Recent Comments