Home देश PM Modi quit Weibo: चिनी अॅपवर डिजिटल स्ट्राइक; PM मोदींचा दणका, weibo...

PM Modi quit Weibo: चिनी अॅपवर डिजिटल स्ट्राइक; PM मोदींचा दणका, weibo अॅपला सोडचिठ्ठी – pm modi decides to quit chinese micro-blogging platform weibo


नवी दिल्लीः भारत सरकारने ५९ चिनी अॅपवर बंदी घातली. यापैकी एक असलेल्या Weibo वर पंतप्रधान मोदींचेही अकाउंट होते. सरकारने चिनी अॅपवर बंदी केल्यानंतर पंतप्रधान मोदींनी Weibo अॅपला सोडले. एवढचं नव्हे तर आधीच्या पोस्टही डिलिट केल्या गेल्या. बुधवारी हे निदर्शनास आले. भारताने अॅपवर बंदी घातल्याने प्रत्युत्तरात Weibo ने मोदींचे अकाउंट बंद केले की काय असा अंदाज व्यक्त केला जात होता. पण त्यात तथ्य नसल्याचं समोर आलंय. चिनी अॅपवर बंदी घातल्यानंतर पंतप्रधान मोदींनी निर्णय घेत Weibo ला सोडचिठ्ठी दिली. यानंतर त्यांचे अकाउंट डिलिट करण्याची प्रक्रिया सुरू झाली. व्हीआयपी अकाउंटसाठी Weibo सोडणं ही जटील प्रक्रिया आहे. यामुळे अकाउंट डिलिट करण्यासाठी अधिकृतपणे पूर्ण प्रक्रिया सुरू केली गेलीय.

११३ पोस्ट झाल्या होत्या डिलिट

अकाउंट डिलिट करण्यासाठी Weibo कडून परवानगी देण्यात दिरंगाई केली गेली. पंतप्रधान मोदींच्या अकाउंटवर एकूण ११५ पोस्ट होत्या. यामुळे या सर्व पोस्ट म्यान्युअली डिलिट करण्यात आल्या. सर्व प्रयत्नानंतर ११३ पोस्ट डिलिट झाल्या. दोन पोस्ट अजूनही बाकी आहेत. ज्यात चीनचे अध्यक्ष शी जीनपिंग यांच्यासोबत पीएम मोदींचे फोटो होते. Weibo वरून चीनच्या अध्यक्षांचा फोटो हटवणं अवघड आहे. अखेर मोठ्या प्रयत्नानंतर त्या पोस्टही हटवल्या गेल्या. आता पंतप्रधान मोदींच्या Weibo अकाउंटवर काहीच नाहीए. आपल्या पोस्ट डिलिट करण्यास सुरुवात केली त्यावेळी पंतप्रधान मोदींचे २४४०० फॉलोअर्स होते.

चीनच्या कुरापतींमुळे अॅपवर बंदी

काही दिवसांपूर्वीच चीनमधील लोकप्रिय अॅप WeChatने भारतीय दुतावासाच्या अधिकृत अकाउंटवरून तीन भारतीय पोस्ट डिलिट केल्या होत्या. त्या पैकी एक पंतप्रधान मोदींचं वक्तव्य असलेली पोस्ट होती. चीनच्या कुरापतींमुळे आणि चिनी अॅपबाबत सुरक्षा आणि प्रायव्हसीसंबंधी चिंतामुळे भारत सरकारने TikTok, Weibo, Helo, WeChat अशा ५९ अॅपवर बंदी घातली. आता ही अॅप गुगल प्ले स्टोअर आणि अॅपल प्ले स्टोअरवरून हटवण्यात आली आहेत.

भारत-चीन तणाव; संरक्षणमंत्र्यांसह लष्कर प्रमुख शुक्रवारी लडाखला जाणार

अॅप बंदीनंतर चीनला आणखी एक झटका, महामार्ग प्रकल्पांमध्येही बंदी घालणार

चीनमुळे LACवर तणावाची स्थिती

पूर्व लडाखमध्ये भारत-चीनमध्ये प्रत्यक्ष ताबा रेषेवर (LAC) दोन महिन्यांपासून तणाव आहे. या तणावातून गलवान खोऱ्यात भारत आणि चिनी सैनिकांमध्ये १५ जूनच्या रात्री रक्तरंजित संघर्ष झाला. यात भारताचे २० जवान शहीद झाले. यानंतर पूर्व लडाखमध्ये पँगाँग सरोवर आणि डेपसांग प्लेन्स भागात चिनी सैनिकांती उपस्थिती आहे. सीमेवरील तणाव कमी करण्यासाठी दोन्ही देशात लष्करी पातळीवर चर्चा सुरू आहे. पण त्यात अद्याप कुठलाही तोडगा निघालेला नाही.



Source link

LEAVE A REPLY

Please enter your comment!
Please enter your name here

Most Popular

Jacinda Ardern: न्यूझीलंडच्या पंतप्रधान जसिंडा अर्डर्न : सहृदय आणि कणखर – pragati bankhele article on new zealand prime minister jacinda ardern

प्रगती बाणखेलेYou can carve your own path, be your own kind of leader.We do need to create a new generation of leadership.नव्या पिढीतलं...

Recent Comments