Home महाराष्ट्र Police Deaths due to Covid 19: करोनाचे बळी ठरलेल्या पोलिसांना ‘हा’ सन्मान...

Police Deaths due to Covid 19: करोनाचे बळी ठरलेल्या पोलिसांना ‘हा’ सन्मान दूरच – police died of covid 19 may miss the honour on this 21st october


विजयसिंह होलम । अहमदनगर

करोनाचा मुकाबला करण्यासाठी रस्त्यावर उतरल्याने स्वत:च बळी पडलेल्या पोलिसांना सध्या ‘करोना योद्धा’ म्हटले जात आहे. मात्र, २१ ऑक्टोबरला पोलिस स्मृतीदिनी होणाऱ्या सन्मानापासून हे योद्धे वंचित राहण्याची शक्यता आहे. या दिवशी मानवंदना द्यायच्या यादीत करोनामुळे मृत्यू झालेल्या पोलिसांची नावे समाविष्ट करायची की नाही, यासंबंधी अद्याप निर्णय झालेला नाही. यादीसाठी माहिती संकलित करण्याचे काम सुरू झाले असून त्यामध्ये करोना बळींचा स्पष्ट उल्लेख नसल्याने हा संभ्रम निर्माण झाला आहे.

वाचा: तीन भाऊ झाले होते तालुक्याची डोकेदुखी; पोलिसांनी दिला असा दणका

दरवर्षी २१ ऑक्टोबरला पोलिस स्मृतीदिन साजरा केला जातो. २१ ऑक्टोबर १९५९ रोजी लडाख येथे चीनी सौनिकांसोबत लढताना केंद्रीय राखीव पोलिस दलातील दहा जवान हुतात्मा झाले होते. तेव्हापासून २१ ऑक्टोबर हा पोलिस स्मृती दिन म्हणून पाळला जातो. या दिवशी मागील वर्षभरात देशभरात हुतात्मा झालेल्या पोलिसांना मानवंदना दिली जाते. यावर्षीही यासाठी माहिती संकलन सुरू झाले आहे. दरवर्षीप्रमाणेच यासाठी माहिती मागविण्यात आली आहे. केंद्रीय गृहमंत्रालयाकडून आलेल्या सूचनांनुसार राज्याचा गृहविभाग ही माहिती पाठवत असतो. कर्तव्यावर असताना मृत्यूला समोरे गेलेल्या पोलिसांची माहिती मागविण्यात आली आहे. यामध्ये नैसर्गिक अपत्ती, हिंसक जमाव काबूत आणताना, एखाद्या गुन्हेगारास पकडताना मृत्यू आलेल्या पोलिसांची यादी करण्यात येत आहे. जे पोलिस कर्तव्यावर असताना नैसर्गिकरित्या मृत्यू पावले आहेत, हदयरोग, क्षयरोग, कर्करोग इतर आजारांनी मृत्यू झाले, त्यांचा यामध्ये समावेश होणार नाही. यामुळे करोनामुळे झालेले मृत्यू यासाठी ग्राह्य धरायचे का, यासंबंधी संभ्रम आहे. करोना ही एक नैसर्गिक अपत्ती मानली तर या अपत्तीत कर्तव्य बजावताना झालेला हा मृत्यू असल्याने तो समिविष्ट केला जावा, अशी अपेक्षा आहे. यासंबंधी केंद्र आणि राज्य सरकारकडून अधिक स्पष्टीकरणाची अपेक्षा असल्याचे एका वरिष्ठ पोलिस अधिकाऱ्याने सांगितले.

सध्या माहिती संकलनासाठी केंद्र व राज्य सरकारच्या गृहविभागाकडून जे परिपत्रक आले आहे, त्यात यासंबंधी स्पष्टता नाही. त्यामुळे करोनाचे मृत्यू यात नोंदविण्यास अडचण येऊ शकते. या यादीत समाविष्ट करणे म्हणजे त्यांना शहिदाचा दर्जा दिला जातो. असा दर्जा देताना त्यांच्या कुटुंबीयाना बरेच आर्थिक फायदे आणि सवलतीही द्याव्या लागतात. आतापर्यंत अन्य नैसर्गिक अपत्ती किंवा चकमकीच होत होत्या. करोना ही अपत्ती प्रथमच आली आहे. त्यामुळे निर्णय घेण्यास विलंब लागण्याची शक्यता आहे, असे सांगण्यात येते.

…मग २० सैनिकांच्या बलिदानाची जबाबदारी कोणाची; आव्हाडांचा सवाल

पोलिसांना करोनाचा संसर्ग आणि मृत्यू होण्याचे प्रमाण राज्यात अधिक आहे. सुमारे तीन हजार पोलिसांना लागण झाली तर आतापर्यंत ४० हून अधिक मृत्यू झाले आहेत. याचे प्रमाण मुंबईत अधिक आहे. राज्य सरकारने या पोलिसांसाठी पूर्वीच काही घोषणाही केल्या आहेत. कर्तव्यावर असताना करोनामु‌ळे मृत्यू झालेल्या पोलिसांच्या कुटुंबियांना नुकसानभरपाई म्हणून पन्नास लाख रुपये आणि कुटुंबातील एकाला नोकरी देण्याची घोषणा गृहमंत्री अनिल देशमुख यांनी पूर्वीच केली आहे.

‘करोना योद्धा’ म्हणून या पोलिसांना जनतेकडूनही सन्मान मिळत आहे. मात्र, आता प्रतीक्षा आहे ती पोलिस स्मृतीदिनी देशभर मानवंदना मिळण्याची.



Source link

LEAVE A REPLY

Please enter your comment!
Please enter your name here

Most Popular

new parliament building: हा आमुचा मार्ग बिनभुयाराचा… – jata jata by chakor : new parliament building features underground tunnels in building for pm and...

अरेरे! काय हे आमचे नशीब! काय हा दैवदुर्विलास! (या शब्दाचा अर्थ काय ते आम्हाला अद्यापि कळलेले नाही. शाळेत शिकलेले मोजके शब्द स्मरणात राहिले....

raj thackeray: राज ठाकरे ‘नाणार’ प्रकल्पाच्या बाजूने; स्थानिक म्हणतात… – nanar refinery opposing leaders reaction after raj thackeray writes open letter to cm thackeray...

म. टा. विशेष प्रतिनिधी, मुंबईनाणार रिफायनरीला स्थानिक दलाल, गुजराती-मारवाडी गुंतवणूकदार, मुंबई, बांद्रा-बीकेसीसारख्या डायमंड मार्केटमधील भाजपप्रणित व्यापारी यांचे समर्थन असून नाणार कंपनीचे अधिकारी या...

International Women’s Day 2021: घरखरेदीत पुरुषांपेक्षा महिला आघाडीवर – 82 percent of women prefer to buy house for investment : anarock survey

म. टा. प्रतिनिधी, मुंबईविविध प्रकारच्या सवलतींच्या लाटेवर असलेल्या घरखरेदीचा आलेख मुंबईत सध्या चढता आहे. विशेष म्हणजे, घर खरेदीत पुरुषांपेक्षा महिला आघाडीवर आहेत. जिथे...

Recent Comments