Home शहरं पुणे pune news News : खाकी वर्दीने निभावले कन्यादानाचे कर्तव्य; लॉकडाउनमुळे पालक गैरहजर...

pune news News : खाकी वर्दीने निभावले कन्यादानाचे कर्तव्य; लॉकडाउनमुळे पालक गैरहजर – police officer makes kanyadan in lockdown


म. टा. प्रतिनिधी, हडपसर

लॉकडाउनचा फटका हडपसरमधील एका वधू-वरालाही बसला. मात्र, हडपसर पोलिसांनी पुढाकार घेऊन कन्यादान केल्याने अखेर कार्य मार्गी लागले. मुलाचे वडील सैन्यात कर्नल असून, त्यांचे पोस्टिंग डेहराडूनला आहे. मुलीचे वडीलही सैन्यात डॉक्टर असून, ते सध्या नागपूरमध्ये कार्यरत आहेत. लॉकडाउनमुळे ते पुण्यात येऊ न शकल्याने हे कन्यादानाचेही कर्तव्य ड्युटीवरील पोलिसांना निभवावे लागले.

हडपसरमध्ये आयटी इंजिनीअर असलेला आदित्य बिश्त आणि व्यवसायाने डॉक्टर असलेल्या नेहा कुशवाह यांचा विवाह अमनोरा क्लबमध्ये शनिवारी दुपारी साडेबारा वाजता पार पडला. मूळचा डेहराडून येथील तरुण मगरपट्टा येथे आयटी कंपनीत नोकरीला आहे. मुलगीदेखील मगरपट्टा येथेच राहते. डिसेंबर महिन्यामध्ये त्यांचा विवाह ठरला. लग्न गावाकडे होणार होते. मात्र, करोनामुळे देशभर करण्यात आलेल्या ‘लॉकडाउन’मुळे या दोघांनाही गावाला जाता आले नाही. दुसरीकडे लग्नाची तारीख जवळ आली तरी, वऱ्हाडी येणे शक्य झाले नाही. कन्यादान करायला मुलीच्या वडिलांनाही येता आले नाही. अशा प्रतिकूल स्थितीतही उभयतांनी ठरलेल्या तारखेलाच लग्न करण्याचे निश्चय केला.

हडपसर पोलिस ठाण्याचे वरिष्ठ निरीक्षक रमेश साठे यांना लग्नसोहळ्याची माहिती देण्यात आली. शनिवारी दुपारी साडेबारा वाजता लग्नाचा मुहूर्त होता. सगळे सोपस्कार पार पडल्यानंतर कन्यादान कोण करणार, असा प्रश्न उपस्थित झाला. अखेर फोन वरून मुलीच्या वडिलांनी पोलिसांना कन्यादान करण्याची विनंती केली. त्यांच्या विनंतीला मान देऊन पोलिसांनीही मुलीचे मोठ्या उत्साहात कन्यादान केले आणि हा आगळावेगळा लग्नसमारंभ पार पडला. पोलिस उपनिरीक्षक मनोज पाटील आणि त्यांच्या पत्नी अश्विनी पाटील यांनी जबाबदारी स्वीकारून कन्यादान केले. लॉकडाउनच्या काळात सध्या पोलिसांना विविध जबाबदाऱ्या पार पाडाव्या लागत असून, शनिवारी त्यांनी कन्यादान करून असेही एक मंगल कर्तव्य पार पाडले.

या वेळी पोलिस उपायुक्त सुहास बावचे, हडपसर पोलिस स्टेशनचे निरीक्षक रमेश साठे, उपनिरीक्षक प्रसाद लोणारे, सहायक निरीक्षक मनोज पाटील यांच्यासह इतर कर्मचाऱ्यांनी सुरक्षित वावर ठेवून लग्नाला हजर होते. हा सोहळा नागपूर आणि डेहराडूनहून नवरदेव आणि मुलीच्या वडिलांनी व्हिडिओ कॉलद्वारे पाहिला.

…..

लॉकडाउनमुळे नवरदेव व नवरीचे वडील दोघेही अत्यावश्यक सेवेत अडकले होते. दोन मे रोजी उभयतांचे लग्न ठरले होते. त्यामुळे डेहराडूनहून पोलिसांना मुलाच्या वडिलांनी फोन केला आणि लग्नाची तारीख ठरली आहे. मात्र, आम्हाला येणे शक्य नाही. कृपा करून तुम्ही लग्न लावून द्या, असे सांगितले. वरिष्ठांना माहिती देऊन आम्ही एक साडी, छोटे मंगळसूत्र, गुरुजी आणि काही पोलिस एकत्र येऊन लग्न लावले. करोनाविरोधातील मोहिमेमध्ये सहभागी असणाऱ्या अधिकाऱ्यांच्या मुलांचे लग्न पार पाडण्याचे कर्तव्य केल्याचे आम्हाला समाधान आहे.

– प्रसाद लोणारे, सहायक पोलिस निरीक्षक



Source link

LEAVE A REPLY

Please enter your comment!
Please enter your name here

Most Popular

Amravati lockdown news: Amravati Lockdown: अमरावती, अचलपुरात लॉकडाऊन वाढवला; ‘हे’ शहरच कंटेन्मेंट झोन! – lockdown in amravati achalpur extended till march 8

हायलाइट्स:अमरावती विभागात अनेक शहरांत करोनाचे थैमान.अमरावती व अचलपूरमध्ये लॉकडाऊन वाढवला.नागपुरातील स्थिती गंभीर, लॉकडाऊन लावला जाण्याची शक्यता.अमरावती: विदर्भात सध्या अमरावतीमध्ये करोनाने थैमान घातले असून...

Dilip Vengsarkar: एक महान फलंदाज,महान गोलंदाज झाला; अहमदाबादच्या पिचवर मुंबईच्या क्रिकेपटूची घणाघाती टीका – ind vs eng ahmedabad pitch wicket bad advertisement for test...

हायलाइट्स:भारताने इंग्लंडविरुद्धच्या तिसऱ्या कसोटीत १० विकेटनी विजय मिळवलाकसोटी सामना दुसऱ्याच दिवशी संपल्याने पिचवर होतेय टीकाभारताचे माजी कर्णधार दिलीप वेंगसरकर यांनी केली मोठी टीका...

Recent Comments