Home शहरं पुणे pune news News : नियोजनशून्य कारभाराचा विद्यार्थ्यांना फटका - unplanned management hits...

pune news News : नियोजनशून्य कारभाराचा विद्यार्थ्यांना फटका – unplanned management hits students


पाच डब्यांमध्ये बसवले साडेतीनशे विद्यार्थी

म. टा. प्रतिनिधी, पुणे

करोना संकट आणि लॉकडाउनमुळे दिल्लीत अडकलेल्या राज्यातील विद्यार्थ्यांना परत आणण्यासाठी राज्य सरकारने पैसे भरून विशेष रेल्वेची व्यवस्था केली होती. मात्र, रेल्वे प्रशासनाच्या नियोजनशून्य कारभारामुळे प्रचंड गैरसोय झाल्याचा आरोप विद्यार्थ्यांनी केला आहे. स्लीपरचे तीन डबे रिकामे असताना जनरलच्या पाच डब्यांमध्ये साडेतीनशे विद्यार्थी कोंबण्यात आले होते. त्यामुळे अक्षरशः एका सीटवर तीन-तीन जणांना बसून, खाली झोपून प्रवास करावा लागला. एका संस्थेने केलेली जेवणाची व्यवस्थाही रेल्वे प्रशासनाने जनरलच्या डब्यातील विद्यार्थ्यांपर्यंत पोहोचू दिली नाही. त्यामुळे उपाशीपोटीच परतीचा प्रवास करावा लागला, त्याचबरोबर सुरक्षित वावराच्या नियमांचेही तीन-तेरा वाजले, अशा तक्रारीही विद्यार्थ्यांनी केल्या.

दिल्लीत राहून स्पर्धा परीक्षांचा अभ्यास करणाऱ्या १,१०० विद्यार्थ्यांना परत आणण्यासाठी राज्य सरकारने तीन वेळा पत्रव्यवहार केल्यानंतर रेल्वेने शनिवारी सायंकाळी चार वाजता विशेष रेल्वेगाडी सोडण्याचे जाहीर केले. त्यानुसार, दिल्ली प्रशासनाने शनिवारी सकाळी १० वाजता सर्व विद्यार्थ्यांना आरोग्य तपासणीसाठी बोलावले. ही तपासणी सायंकाळी पाच वाजता सुरू झाली. तोपर्यंत विद्यार्थ्यांना उपाशीपोटी उन्हात ताटकळत उभे रहावे लागले, अशी तक्रार विद्यार्थी समन्वयक राजेश बोनवटे याने केली.

‘रात्री साडेआठ वाजता ही तपासणी संपल्यावर सर्व विद्यार्थ्यांना पुरानी दिल्ली रेल्वे स्थानकावर नेण्यात आले. तिथे अवघ्या पंधरा मिनिटांत विद्यार्थ्यांना रेल्वेत बसायचे फर्मान रेल्वे प्रशासनाने सोडले. त्यामुळे विद्यार्थ्यांची मोठी धावपळ उडाली. अनेकांचे सामान, महत्त्वाची कागदपत्रे, औषधे धावपळीत हरविले. रेल्वेला जोडलेल्या पाच जनरलच्या डब्यात विद्यार्थी कोंबण्यात आले. त्यानंतर स्लीपरचे डबे भरले गेले. जनरलच्या बोगीत एका सीटवर तीन ते चार विद्यार्थ्यांना बसविण्यात आले. त्यामुळे सुरक्षित वावराचा नियम पाळला गेला नाही. रेल्वेने एक वेळचे जेवण आणि पाणी देण्याचे जाहीर केले होते. मात्र, ती मदतही मिळाली नाही. त्यामुळे विद्यार्थ्यांना रविवारी सकाळपर्यंत उपाशीपोटीच प्रवास करावा लागला. श्रीकांत शिंदे फाउंडेशनने जेवणाची सोय केली होती. तीदेखील जनरलच्या डब्यातील विद्यार्थ्यांपर्यंत पोहोचू दिली नाही. त्यामुळे विद्यार्थ्यांना भुसावळपर्यंत उपाशीपोटी प्रवास करावा लागला,’ असा आरोपही बोनवटे यांनी केला.

दिल्लीत आरोग्य तपासणीसाठी तब्बल बारा तास रस्त्यावर ताटकळत थांबावे लागले. त्यानंतर योग्य तपासणी न करताच फिटनेस सर्टिफिकेट देण्यात आले. त्यानंतर रेल्वे प्रशासनाने स्लीपरचे कोच रिकामे असतानाही विद्यार्थ्यांना जनरलच्या डब्यात कोंबले. तिथे स्वच्छता नव्हती, पाण्याची व्यवस्था नव्हती आणि सुरक्षित वावराचे नियम पाळले जात नव्हते.

– डॉ. शुभांगी सानप, विद्यार्थिनी



Source link

LEAVE A REPLY

Please enter your comment!
Please enter your name here

Most Popular

President Ramnath Kovind: president speech on republic day : राष्ट्रपती रामनाथ कोविंद यांचे देशाला संबोधन… – president ramnath kovind speech on republic day live...

नवी दिल्लीः देश उद्या आपला ७२ वा प्रजासत्ताक दिन साजरा करत आहे. करोना संकटाच्या स्थितीत आणि चीन, पाक सीमेवरील तणावाच्या पार्श्वभूमीवर राष्ट्रपती देशाला...

dhananjay desai on aurangabad name change: Dhananjay Desai: ‘औरंगाबादचे नाव ‘संभाजीनगर’ करणे म्हणजे शुद्धीकरण!’ – changing aurangabad to sambhajinagar means purification says dhananjay desai

नगर: 'औरंगाबाद' या शहराचे नाव 'संभाजीनगर' करणे गरजेचे आहे. हे नामांतर नसेल तर एकप्रकारे शुद्धीकरण असेल,' असे स्पष्ट मत हिंदू राष्ट्र सेना प्रमुख...

man attempt to burn his wife in aurangabad: विवाहितेला जाळण्याचा प्रयत्न – aurangabad crime news, man attempt to burn his wife after she refuses...

म. टा. प्रतिनिधी, वाळूज महानगरवाळूज जवळील कमळापूर येथे एका विवाहितेला माहेरून कार घेण्यासाठी पाच लाख रुपयाची मागणी करत पतीने मारहाण करून रॉकेल टाकून...

natarajan: विराट कोहलीच्या एका निर्णयामुळे माझ्या डोळ्यात पाणी आलं होतं, टी. नटराजनने केला खुलासा… – had tears in my eyes when virat kohli handed...

नवी दिल्ली : भारताचा वेगवान गोलंदाज टी. नटराजन हा ऑस्ट्रेलियामध्ये फक्त नेट बॉलर म्हणून गेला होता. पण ऑस्ट्रेलियामध्ये क्रिकेटच्या तिन्ही प्रकारामध्ये नटराजनने आपले...

Recent Comments