Home शहरं पुणे pune news News: पुणे-पिंपरी प्रतिबंधात्मक क्षेत्र - pune-pimpri restricted area

pune news News: पुणे-पिंपरी प्रतिबंधात्मक क्षेत्र – pune-pimpri restricted area


शहराच्या सर्व हद्दी होणार सील

म. टा. प्रतिनिधी, पुणे/ पिंपरी

करोनाचे रुग्ण झपाट्याने वाढू लागल्याने सामुदायिक प्रसार (कम्युनिटी ट्रान्सफर स्टेज) होण्याचा धोका लक्षात घेऊन पुणे आणि पिंपरी-चिंचवड ही दोन्ही शहरे प्रतिबंधित क्षेत्र (कंटेन्मेंट झोन) म्हणून जाहीर करण्यात आली आहेत. रविवारी मध्यरात्रीपासून पुणे आणि पिंपरी-चिंचवड शहरांच्या सर्व हद्दी पुढील आदेशापर्यंत सील केल्या जाणार आहेत. त्यामुळे अत्यावश्यक सेवा वगळता इतर कोणालाही या दोन्ही शहरांच्या हद्दीतून बाहेर पडता येणार नाही तसेच, या दोन्ही शहरांमध्ये प्रवेश करता येणार नाही.

पुणे आणि पिंपरी-चिंचवड शहरामध्ये मागील काही दिवसांपासून करोनाबाधितांच्या संख्येत सातत्याने वाढ होत आहे. शहर आणि पिंपरी-चिंचवडमधील रुग्णसंख्या पाचशेच्या पुढे पोहोचली आहे. त्यामध्ये पन्नासहून अधिक नागरिकांचा बळी गेला आहे. त्यामुळे या कोव्हिड-१९ या विषाणूचा स्थानिकांमध्ये होणारा सामुदायिक संसर्ग रोखण्यासाठी राज्य सरकारच्या निर्देशांनुसार ही दोन्ही शहरे प्रतिबंधात्मक क्षेत्र म्हणून जाहीर करण्यात आल्याचे आदेश पुण्याचे महापालिका आयुक्त शेखर गायकवाड आणि पिंपरी-चिंचवडचे महापालिका आयुक्त श्रावण हर्डीकर यांनी रविवारी रात्री काढले. हे आदेश रविवारी मध्यरात्रीपासून लागू झाले असून, दोन्ही शहराच्या सर्व हद्दी पूर्णतः सील केल्या जाणार आहेत. शहरातील नागरिकांच्या हालचालींवर तसेच त्यांच्या बाहेर फिरण्यावर निर्बंध घालण्यात येणार असून, या रोगाचा प्रसार रोखण्यासाठी अत्यंत कठोर पावले उचलण्यात येणार आहेत.

पुणे महापालिकेच्या १५ क्षेत्रीय कार्यालयांचे सहायक आयुक्त यांचे सनियंत्रण अधिकारी म्हणून नियुक्ती करण्यात आली असून, रस्त्यावर फिरणाऱ्या नागरिकांवर कारवाई केली जावी, अशा स्पष्ट सूचना आयुक्तांनी दिल्या आहेत. तसेच, संबंधित भागातील पोलिस अधिकारी त्या-त्या क्षेत्रातील हद्दी सील करण्याचा निर्णय घेतील, असेही सूचित करण्यात आले आहे. पुणे आणि पिंपरी-चिंचवडमधील अनेकजण एका शहरातून दुसऱ्या शहरात ये-जा करतात. त्यातून अधिक धोका वाढण्याची भीती असल्याने अत्यावश्यक सेवा वगळता इतर कोणालाही कोणत्याही कारणासाठी हद्दीतून बाहेर पडण्याची मुभा दिली जाणार नाही, असेही या आदेशात स्पष्ट करण्यात आले आहे.

वेळेबाबत असणारे निर्बंध

– सर्व बँका सकाळी १० ते २ ये वेळेतच सुरू राहणार.

– एटीएम सुविधा सुरू राहावी.

– दूध, भाजीपाला, फळे यांची किरकोळ विक्रीही सकाळी १० ते २ या वेळेतच.

– अत्यावश्यक सेवांसाठी पालिकेकडून पास घ्यावे लागणार.

– सरकारी कार्यालयांना पालिकेकडून पास दिले जाणार

यांना वगळले

– महापालिका कर्मचारी

– पोलिस कर्मचारी

– राज्य, केंद्र सरकारने ठरवून दिलेले सरकारी विभाग

– अत्यावश्यक सेवा, वस्तू पुरवठा करणारी वाहने





Source link

LEAVE A REPLY

Please enter your comment!
Please enter your name here

Most Popular

Pune Crime: अमोल कोल्हेंच्या नावाने बिल्डरकडे मागितले पैसे; पुढे काय घडले पाहा – money demanded from builder in the name of amol kolhe

पुणे:लॉकडाऊन काळात एका बिल्डरला खासदार अमोल कोल्हे बोलत असल्याची बतावणी करून फसविण्याचा प्रयत्न करणाऱ्याला खंडणी विरोधी पथकाने अटक केली आहे. त्याच्या विरोधात वानवडी...

Recent Comments