Home शहरं पुणे pune news News : रुग्णसंख्या चार हजारांवर - the number of patients...

pune news News : रुग्णसंख्या चार हजारांवर – the number of patients is over four thousand


म. टा. प्रतिनिधी, पुणे

पुण्यात रुग्णसंख्येने सलग दुसऱ्या दिवशी उच्चांक गाठला. पुणे शहर जिल्ह्यात २२३ जणांना लागण झाली आहे. त्यामुळे एकूण रुग्णांची संख्या ४,०१८ झाल्याने रुग्णसंख्येने चार हजारांचा टप्पा ओलांडला आहे, तर मृतांची संख्या २११ पर्यंत पोहोचली आहे. गंभीर रुग्णांची संख्या मात्र कालप्रमाणे १४१ एवढी असल्याने चिंता कायम राहिली आहे; तसेच शहरातील फक्त ५३ रुग्ण बरे झाल्याने त्यांना घरी सोडले आहे. पुणे जिल्ह्यातील रुग्णसंख्येनेसुद्धा शंभरी पूर्ण केली आहे.

शहरातील खासगी; तसेच सरकारी रुग्णालयात गेल्या २४ तासांत ९ रुग्णांचा करोनाच्या संसर्गामुळे मृत्यू झाला आहे. त्यात काल शनिवारी दुपारी चार ते रात्री १०.१५ वाजेपर्यंत तीन जणांचा बळी गेला. त्यात कसबा पेठेतील ७२ वर्षीय पुरुषासह येरवड्यातील ७० वर्षीय महिलेचा समावेश आहे. दोघांचा ससून रुग्णालयात मृत्यू झाला. पद्मावती येथील ६८ वर्षीय पुरुषाचा काल रात्री १०.१५ वाजता मृत्यू झाला. रविवारी पहाटे ५.१५ वाजल्यापासून दुपारी १.१५ वाजेदरम्यान सहा जणांचा मृत्यू झाला. आठ तासांत उर्वरीत सहा जणांचा मृत्यू झाल्याची नोंद करण्यात आली. हडपसर, शिवाजीनगर, धनकवडी, गुरुवार पेठ, येरवडा, कोंढव्यातील भाग्योदयनगर येथील व्यक्तींचा मृतांमध्ये समावेश आहे.

मृतांमध्ये २० वर्षीय मुलीचा समावेश आहे, तर अन्य सर्व रुग्ण ज्येष्ठ आहेत. नऊ मृतांमध्ये एका मुलीसह पाच महिलांचा, तर चार पुरुषांचा समावेश होता. २० ते ८४ वर्षांपर्यंतच्या व्यक्तींचा यात समावेश होता. चार रुग्ण ससून रुग्णालयात, तर अन्य पाच रुग्ण खासगी रुग्णालयात दगावले आहेत. नऊ मृतांमध्ये श्वसनविकार, रक्तदाब, न्यमोनिया, मायोकार्डिओटिस, मधुमेह यांसारखे दुर्धर आजार होते.

‘पुण्यातच २०९ बाधित’

एकट्या पुण्यात २०९ जणांना लागण झाली आहे, तर पुणे जिल्ह्याच्या ग्रामीण भागात खेड, इंदापूर तालुक्यात अकोले, निरगुडे, हवेली तालुक्यातील मांजरी बुद्रुक येथे सहा रुग्ण आढळले आहेत. पुणे जिल्ह्यातील रुग्णसंख्येची शंभरी पूर्ण झाली आहे. पुणे, पिंपरी-चिंचवड येथे ८ रुग्ण आढळले आहेत. त्यामुळे एकूण २२३ जणांना जिल्ह्यात लागण झाल्याची माहिती देण्यात आली.

Bपुण्यातील रविवारची स्थितीB

बरे होऊन घरी गेलेले पॉझिटिव्ह रुग्ण : ५३

ससून रुग्णालयातील रुग्ण : ९

नायडू रुग्णालयातील रुग्ण : १७४

खासगी रुग्णालयातील रुग्ण : १८

गंभीर : १४१

आजचे मृत्यू : ९

एकूण पॉझिटिव्ह : ४,०१८

(शहर ३,५१७; पिंपरी-चिंचवड १९९; पुणे ग्रामीण १०० + पुणे कँटोन्मेंट- जिल्हा रुग्णालय २०२, एकूण ३०२)



Source link

LEAVE A REPLY

Please enter your comment!
Please enter your name here

Most Popular

India vs Australia: Brisbane Weather Day 5: पाचव्या दिवशी कसे असेल पिच आणि हवामान; कोण होणार विजेता, जाणून घ्या – aus Vs Ind 4th...

ब्रिस्बेन: aus vs ind 4th test Brisbane Weather भारत आणि ऑस्ट्रेलिया यांच्यातील बॉर्डर-गावस्कर मालिकेतील चौथा आणि अखेरचा कसोटी सामना ब्रिस्बेन येथे सुरू आहे....

आम्हाला कमी लेखू नका! हॉलिवूडवर वरचढ ठरायला आले बॉलिवूडचे 'सुपरहिरो'

मुंबई- मनोरंजनविश्वात काही आगामी बिग बजेट सिनेमांची चर्चा आतापासूनच रंगू लागली आहे. एरवी 'सुपरहिरो'चे चित्रपट म्हटल्यावर सर्वप्रथम हॉलिवूडपटांचीच चर्चा होते. पण, आता लवकरच...

अर्णब गोस्वामींची अडचण वाढणार; गृहमंत्री अनिल देशमुखांनी केले मोठे वक्तव्य – arnab goswami chat how arnab knows sensitive things like balakot and pulwama says...

नाशिक: रिपब्लिक टीव्हीचे (Republic TV) मुख्य संपादक अर्णब गोस्वामी (Arnab Goswami) यांच्या कथित व्हॉट्सअॅप चॅट (Whatsapp Chat) उघड झाल्यानंतर त्यांच्या अडचणींमध्ये वाढ झाली...

Recent Comments