Home शहरं पुणे pune news News: वाढीव दराने विक्री करणाऱ्यांवर गुन्हा - offense salespeople

pune news News: वाढीव दराने विक्री करणाऱ्यांवर गुन्हा – offense salespeople


म. टा. प्रतिनिधी, पुणे

करोनाच्या पार्श्वभूमीवर शहरात संचारबंदी लागू करण्यात आली आहे. या दरम्यान नागरिकांना घरातच राहण्याचे आवाहन करण्यात आले आहे. नागरिकांच्या सोयीसाठी केवळ जीवनावश्यक वस्तूंची विक्री करणारी दुकाने सुरू ठेवण्यात आली आहेत. मात्र, काही दुकानदार या लॉकडाउनचा गैरफायदा घेत असल्याचे समोर आले आहे. संचारबंदीचा फायदा घेत वाढीव दराने वस्तूंची विक्री करणाऱ्या दुकानदारांवर पोलिसांनी कारवाई केली आहे. गेल्या आठ दिवसात गुन्हे शाखेने शहरातील विविध भागांत ही कारवाई केली आहे.

हडपसर पोलिस स्टेशनच्या हद्दीत असलेल्या सिरग कंपनी जवळ असलेल्या पूजा सुपर शॉपी या दुकानात शेंगदाणे १४० रुपये किलो तसेच गोटा खोबरे २२० रुपये किलो, अशा जादा दराने विक्री करीत असल्याचे आढळून आले. या प्रकरणी जीवनावश्यक वस्तू कायदा कलमानुसार गुन्हा दाखल करण्यात आला आहे. येरवडा पोलिस स्टेशनच्या हद्दीत असलेल्या वडगाव शेरी येथील लक्ष्मी मार्केट या दुकानात शेंगदाणे १५० रुपये किलो, गोटा खोबरे २४० रुपये किलो, हिरवे मूग १६०, साबुदाणा ६० रुपयांना अर्धा किलो अशा जादा भावाने विक्री करीत असताना आढळले. या दुकानदारावर गुन्हा दाखल करण्यात आला.

चतु:शृंगी पोलिस स्टेशनच्या परिसरात येत असलेल्या आंबेडकर चौकातील जयश्री मार्केट किरणा स्टोअर्स या दुकानात शेंगदाणे १४० रुपये किलो, गोटा खोबरे २३८ रुपये किलो, मूग डाळ १३२ किलो अशा दराने विक्री केली जात होती. या प्रकरणी पोलिसात गुन्हा दाखल करण्यात आला आहे.

बंडगार्डन पोलिस स्टेशनमधील मुख्य टपाल कार्यालयाच्या समोर असलेल्या ओम सुपर मार्केट किराणा स्टोअर्स या दुकानात शेंगदाणे १६० रुपये किलो, मूग डाळ १४० रुपये किलो, साबुदाणा १२० रुपये किलो या दराने विक्री केली जात होती.

वानवडी पोलिस स्टेशनच्या हद्दीत ठोंबरे वस्ती येथील साई सुपर मार्केट किरणा स्टोअर्स या दुकानात गोटा खोबरे २४० रुपये किलो, मूग डाळ १३० रुपये किलो या दराने विकले जात होते. भारती विद्यापीठ पोलिस स्टेशनच्या हद्दीतील धनकवडी येथील बालाजी ट्रेडिंग कंपनी या दुकानात शेंगदाणे १३५ रुपये किलो, गोटा खोबरे २०० रुपये किलो, मूग डाळ १३५ रुपये किलो, साबुदाणा ५०० रुपये किलो या दराने विकला जात होता. तसेच सहकारनगर पोलिस स्टेशनच्या हद्दीत पाच लाख ७१ हजार ९८० रुपयांचा गुटखा, पान मसाला, सुगंधित तंबाखू असा साठा आढळला, या प्रकरणी संबंधित व्यावसायिकावर गुन्हा दाखल करण्यात आला आहे.

पोलिस निरीक्षक विजय टिकोळे, सहायक पोलिस निरीक्षक बापू रायकर, पोलिस कर्मचारी अविनाश शिदे, दिलीप जोशी, सुशील काकडे, मोहन साळवी, अर्जुन दिवेकर, प्रवीण शिके, शिवाजी राहिगुडे, प्रफुल्ल साबळे, राहुल जोशी, मीना पिंजण आदींच्या पथकाने ही कारवाई केली. या पुढील काळातदेखील जादा दराने जीवनावश्यक वस्तूंची विक्री करणाऱ्यांवर कारवाई सुरूच राहणार असल्याची माहिती पोलिस अधिकाऱ्यांनी दिली.





Source link

LEAVE A REPLY

Please enter your comment!
Please enter your name here

Most Popular

Tamil Nadu Lockdown Extended Till 31 March – Tamil Nadu : तामिळनाडूत लॉकडाऊनमध्ये ३१ मार्चपर्यंत वाढ | Maharashtra Times

हायलाइट्स:तामिळनाडू विधानसभा निवडणुकीसाठी ६ एप्रिल रोजी मतदानलॉकडाऊन निर्बंध कडक करण्याचा राज्य सरकारचा निर्णयतामिळनाडूमध्ये येत्या ३१ मार्चपर्यंत लॉकडाऊनचेन्नई :तामिळनाडू विधानसभा निवडणुका तोंडावर येऊन ठेपल्या...

मोबाइल हिसकावणाऱ्या दोघांना पोलिस कोठडी

म. टा. प्रतिनिधी, घराकडे परतत असणाऱ्या तरुणाचा मोबाइल हिसकावल्याप्रकरणी क्रांती चौक पोलिसांनी रविवारी दोन जणांना अटक केली. दोघा आरोपींना सोमवारपर्यंत (एक मार्च) पोलिस...

Recent Comments