Home शहरं पुणे pune news News : शहर, जिल्ह्यात सर्वाधिक २७ मृत्यू - city, district...

pune news News : शहर, जिल्ह्यात सर्वाधिक २७ मृत्यू – city, district has the highest number of 27 deaths


म. टा. प्रतिनिधी, पुणे

पुणे शहरात करोनाचा संसर्ग वाढल्याने रुग्णसंख्येचा यापूर्वी उच्चांक होऊन गेला. आता मृत्यूच्या संख्येने उच्चांक गाठला आहे. चोवीस तासांत पुणे शहरातील विविध रुग्णालयांमध्ये २५ जणांचा; तर पिंपरी-चिंचवडमधील आणखी दोघांचा मृत्यू झाल्याने शहर जिल्ह्यांत २७ जणांचा मृत्यू झाला. त्यामुळे एकूण ३७४ मृत्यू आतापर्यंत झाले. मृतांमध्ये अन्य आजार असलेल्या रुग्णांची संख्या अधिक असून त्याशिवाय केवळ करोनाचा संसर्ग झालेल्या रुग्णांचाही समावेश आहे. सर्वाधिक कमी ४३ वयाच्या तर सर्वाधिक ८६ वयाच्या व्यक्तींचा मृत्यू झाल्याने आता पुणेकरांच्या चिंतेत आणखी भर पडली आहे. शहर, जिल्ह्यात ३०८ जणांना लागण झाल्याने रुग्णसंख्येने आठ हजारांचा टप्पा ओलांडला आहे.

पुण्यात १६५ रुग्णांची प्रकृती गंभीर असून त्यापैकी ३५ जण व्हेंटिलेटरवर आहेत. १६९ जणांना बरे झाल्याने घरी पाठविण्यात आले आहे. बरे झालेल्या रुग्णांची संख्या ४११९ पर्यंत पोहोचली आहे. पुण्यात २३३१ जण उपचार घेत आहेत. पुण्यात गेल्या चोवीस तासांत २५ जणांचा; तर पिंपरी-चिंचवडमध्ये दोघांचा अशी शहर, जिल्ह्यात २७ मृत्यूची नोंद झाली आहे. ९ मार्चपासून पुण्यात करोनाचा संसर्ग सुरू झाला. त्यानंतर २ एप्रिलपासून पुण्यात करोनाच्या बाधितांचा मृत्यू होण्यास सुरुवात झाली. तेव्हापासून ते कालपर्यंत पुणे शहर, जिल्ह्यात ३४७ जणांचा मृत्यू झाल्याची नोंद झाली. त्यामुळे करोनाच्या संसर्गाच्या परिस्थितीत पुण्यात सर्वाधिक मृतांचा २५ हा आकडा मंगळवारी नोंद करण्यात आला. एक जूनला सकाळी साडेदहा ते रात्री साडेअकरा या १३ तासांमध्ये १० जणांचा; तर मंगळवारी १२ तासांमध्ये १४ जणांचा मृत्यू झाला आहे. मृतांमध्ये सर्वाधिक कमी ४३ वर्षे; तर सर्वाधिक जास्त वय असलेल्या ८६ वर्षांच्या रुग्णाचा समावेश आहे. २५ पैकी २४ हे शहराच्या विविध भागांतील रुग्ण असून एक रुग्ण दौंड येथील आहे. ६५ वर्षांच्या या महिलेला पिंपरी-चिंचवडच्या वायसीएम रुग्णालयात मृत्यू झाला. २५ पैकी १३ पुरुषांचा तर १२ महिलांचा समावेश आहे. त्यात ससून रुग्णालयात ११ रुग्ण दगावले आहेत.

पर्वतीतील जनता वसाहत, मंगळवार पेठ, जनवाडी, वडारवाडी, हडपसर, रास्ता पेठ, गुलटेकडी, गणेश पेठ, येरवडा, कोंढवा, वानवडी, ताडीवाला रोड, लष्कर-मोदीखाना या भागातील रुग्णांचा मृतांमध्ये समावेश आहे. यामध्ये हडपसर, येरवड्यातील सर्वाधिक रुग्णांना करोनाच्या संसर्गामुळे मृत्यू झाल्याची अहवालात नोंद झाली आहे.

मृतांमध्ये सर्वाधिक रक्तदाबाचे रुग्ण

शहरात दगावलेल्या मृतांमध्ये बहुतांश रुग्णांना मधुमेह, रक्तदाब, मूत्रपिंड, न्यूमोनिया, श्वसनविकार तसेच हृदयविकार, सेप्टिक शॉक, सीओपीडी, टीबी, एचआयव्ही, स्ट्रोक यासारखे आजार झाल्याचे अहवालात म्हटले आहे. परंतु, मृतांमध्ये रक्तदाबाचा आजार सर्वाधिक असल्याचे अधोरेखित झाले आहे. करोनाच्या संसर्गामुळे रोग प्रतिकारशक्ती कमी होते. त्यात अन्य आजारांमुळे आणखीच रोग प्रतिकार शक्ती कमी झाल्याने मृत्यू लगेच गाठत असल्याचे दिसते. त्यात गेल्या काही दिवसांपासून व्हेंटिलेटर तसेच गंभीर रुग्णांची संख्या दीडशेच्या पुढेच असल्याने ती मोठी चिंता होती.

—-

रुग्णसंख्येपाठोपाठ मृत्यूही वाढणार?

जून महिन्यात संसर्गाची तीव्रता अधिक असण्याचा अंदाज आरोग्य खात्याने यापूर्वीच नोंदविला होता. तज्ज्ञांच्या मते, अमेरिकेसारख्या देशांमध्ये एकाच दिवशी हजारच्या पटीत रुग्णसंख्या आणि मृत्यू आढळून आले आहेत. त्या तुलनेत राज्यात तसेच पुण्यात मृत्यू आणि रुग्णांची संख्या नियंत्रित आहे. लॉकडाउन शिथिल केल्यानंतरही रुग्णसंख्या वाढण्याची शक्यता असून त्यापाठोपाठ मृत्यूची संख्याही मंगळवारप्रमाणे वाढण्याची शक्यता आहे. यापुढेही एका दिवसांत सर्वाधिक मृत्यू होण्याची शक्यता त्यांनी बोलून दाखविली.

—-

मंगळवारची स्थिती

पुणे पालिका नवीन रुग्ण -२५६

पिंपरी-चिंचवड नवीन रुग्ण -३१

पुणे कँटोन्मेंट नवीन रुग्ण- ८

पुणे ग्रामीण नवीन रुग्ण – १३

मंगळवारी बरे झालेले रुग्ण -१६९

मंगळवारचे मृत्यू -२५

पॉझिटिव्ह एकूण ८१३४ (शहर ६८५७, पिंपरी-चिंचवड ५५७, पुणे ग्रामीण ३०१ + पुणे कँटोन्मेंट- जिल्हा रुग्णालय ४१९ एकूण ७२०)



Source link

LEAVE A REPLY

Please enter your comment!
Please enter your name here

Most Popular

Ramchandra Guha Criticize N. Srinivasan And Sourav Ganguli’s Role In Indian Cricket – अमित शहा यांच्याबरोबर कोण चालवंतय बीसीसीआय, रामचंद्र गुहा यांनी केला गंभीर...

मुंबई : राजकारण आणि क्रिकेट यांचा संबंध फार वर्षांपासून येत आला आहे. पण सध्याच्या घडीला भारताचे गृह मंत्री अमित शहा हे बीसीसीआय चालवत...

Katrina Kaif Covid-19 Test Before Shoot Watch Video – कतरिना कैफने शेअर केली तिची करोना टेस्ट, लवकर सुरू करणार शूटिंग

मुंबई- करोना व्हायरसचा वाढा प्रादुर्भाव रोखण्यासाठी सरकारने सुरुवातीच्या काळात जगभरात लॉकडाउन करण्यात आलं. सिनेसृष्टीतही यातून सुटली नाही. अनेक निर्बंधासह शूटिंगचं काम तातडीने बंद...

Recent Comments