Home शहरं पुणे pune news News: संशोधन संस्थांतही चाचण्या - tests in research institutes as...

pune news News: संशोधन संस्थांतही चाचण्या – tests in research institutes as well


एनसीसीएस, एआरआय, आयसरचा कोव्हिड१९ विरोधी मोहिमेत सहभाग

मयुरेश प्रभुणे, पुणे

करोनाशी प्रभावीपणे मुकाबला करण्यासाठी जितके सोशल डिस्टन्सिंग आवश्यक आहे, तितक्याच अधिकाधिक चाचण्याही होणे आवश्यक आहे असे जगभरातील तज्ज्ञांचे म्हणणे आहे. राज्यातील कोव्हिड १९च्या चाचण्यांचे प्रमाण वाढावे यासाठी आता पुण्यातील संशोधन संस्थाही सरसावल्या आहेत. नॅशनल सेंटर फॉर सेल सायन्स (एनसीसीएस), आघारकर संशोधन संस्था (एआरआय) आणि इंडियन इन्स्टिट्यूट ऑफ सायन्स एज्युकेशन अँड रिसर्च (आयसर) या तीन संस्थांमध्ये लवकरच कोव्हिड १९च्या चाचण्या सुरू होणार आहेत.

पुण्यात सध्या नॅशनल इन्स्टिट्यूट ऑफ व्हायरॉलॉजी (एनआयव्ही), बी. जे. मेडिकल कॉलेज आणि आर्म्ड फोर्सेस मेडिकल कॉलेज (एएफएमसी) या सरकारी संस्थांमध्ये कोव्हिड १९च्या चाचण्या केल्या जातात. त्यांच्यासोबत आता आणखी तीन संस्था मदतीला आल्यामुळे चाचण्यांचा वेग दुप्पट होणार आहे. इंडियन कौन्सिल ऑफ मेडिकल रिसर्चच्या (आयसीएमआर) मार्गदर्शनाखाली देशभरात सरकारी आणि खासगी प्रयोगशाळांमध्ये कोव्हिड १९च्या चाचण्या केल्या जात आहेत. मात्र, करोनाला रोखण्यासाठी चाचण्यांचे प्रमाण सध्याच्या तुलनेत काही पटींनी वाढवणे आवश्यक असल्याचे तज्ज्ञांचे म्हणणे आहे. त्यासाठी लाखोंच्या संख्येत किट तयार होत असून, प्रयोगशाळांची संख्याही वाढवली जात आहे.

चाचण्यांची संख्या वाढवण्यासाठी केंद्र सरकारच्या अंतर्गत असणाऱ्या कौन्सिल ऑफ सायंटिफिक अँड इंडस्ट्रियल रिसर्च (सीएसआयआर), विज्ञान तंत्रज्ञान मंत्रालय (डीएसटी), जैवतंत्रज्ञान मंत्रालय (डीबीटी), मनुष्यबळ विकास मंत्रालय (एमएचआरडी), डिफेन्स रिसर्च अँड डेव्हलपमेंट ऑर्गनायझेशन (डीआरडीओ) आदी विभागांच्या अंतर्गत येणाऱ्या देशभरातील संशोधन संस्था आणि प्रयोगशाळांनाही कोव्हिड १९च्या चाचणी मोहिमेत सहभागी होण्याचे आवाहन केंद्र सरकारतर्फे करण्यात आले होते. या आवाहनाला पुण्यातून डीबीटीच्या अंतर्गत असणारी एनसीसीएस, डीएसटीच्या अंतर्गत असणारी एआरआय आणि एमएचआरडीच्या अंतर्गत असणाऱ्या आयसरने सकारात्मक प्रतिसाद दिला आहे. आयसीएमआरने शनिवारी (१८ एप्रिल) जारी केलेल्या कोव्हिड १९ चाचणीच्या प्रयोगशाळांच्या यादीमध्ये एनसीसीएसचा समावेश झाला असून, काही औपचारिकता पूर्ण झाल्यावर एआरआय आणि आयसरही लवकरच कोविड १९च्या चाचण्या सुरू करणार आहेत.

याबाबत महाराष्ट्र टाइम्सशी बोलताना एआरआयचे संचालक डॉ. प्रशांत ढाकेफलकर म्हणाले, कोव्हिड १९च्या चाचण्यांसाठी आवश्यक असणारे आयसीएमआरचे निकष एआरआयने पूर्ण केले असून, चाचण्यांसाठी आवश्यक सुविधा आणि मनुष्यबळ आमच्या संस्थेत तयार आहे. एआरआयमधून दिवसाला कोव्हिड १९च्या शंभर चाचण्या होऊ शकतात. काही औपचारिकता पूर्ण झाल्यावर पुढील काही दिवसांत संस्थेतून चाचण्या सुरू होतील.

आयसरमध्ये कोव्हिड १९च्या चाचण्यांसाठी आवश्यक दोन पीसीआर मशिन आहेत. तसेच, चाचण्यांसाठी आवश्यक सुविधा आणि मनुष्यबळाचे निकष पूर्ण करण्यासाठी आम्ही एनआयव्हीकडून प्रशिक्षण घेत आहोत. ही प्रक्रिया लवकरच पूर्ण होऊन आयसरमधून कोव्हिड १९च्या चाचण्या सुरू होतील.

– प्रा. संजीव गलांडे, अधिष्ठाता, आयसर





Source link

LEAVE A REPLY

Please enter your comment!
Please enter your name here

Most Popular

offsite atms: पुण्यात यापुढं फक्त बँकेच्या शाखेजवळच ATM सुविधा? – most of banks have decided to close offsite atm centres in pune

पुणे: बँकांच्या शाखांव्यतिरिक्त अन्य ठिकाणी असणारी 'एटीएम' केंद्रे (ऑफसाइट एटीएम) बंद करण्याचा निर्णय बहुतांश बँकांनी घेतला आहे. त्याची अंमलबजावणीही सुरू झाली आहे. शॉपिंग...

Narendra Modi Took His First Dose Of Covid 19 Vaccine At Aiims Delhi – लसीकरणाचा दुसरा टप्पा : पंतप्रधान नरेंद्र मोदींनी घेतली करोना लस...

हायलाइट्स:देशभरात करोना लसीकरणाच्या दुसऱ्या टप्प्याला सुरुवातपंतप्रधान नरेंद्र मोदींनी घेतली लस६० वर्षांहून अधिक वयाच्या किंवा गंभीर आजारांशी झुंज देत असणाऱ्या ४५ वर्षांहून अधिक वयाच्या...

maharashtra budget session live updates: Maha Vikas Aghadi Government Prepared To Handle Opposition – Maharashtra Budget Session Live Updates: राज्य विधिमंडळाचे अर्थसंकल्पीय अधिवेशन आजपासून...

हायलाइट्स:राज्य विधिमंडळाचे अर्थसंकल्पीय अधिवेशन आजपासूनकरोनाच्या पार्श्वभूमीवर सरकारकडून महत्त्वाच्या घोषणांची शक्यतामराठा आरक्षण, करोनाचा वाढता प्रादुर्भाव आदी मुद्द्यांवरून विरोधक सरकारला घेरणारराज्य विधिमंडळाचे अर्थसंकल्पीय अधिवेशन आजपासून...

Recent Comments