Home शहरं पुणे Pune Satara Road: सातारा रस्त्याचे काम मार्गी-गडकरी - pune satara road work...

Pune Satara Road: सातारा रस्त्याचे काम मार्गी-गडकरी – pune satara road work route


म. टा. प्रतिनिधी, पुणे

पुणे-सातारा महामार्गाच्या सहापदरीकरणाचे रखडलेले काम पूर्ण करण्यासाठी आवश्यक शंभर-सव्वाशे कोटी रुपये राष्ट्रीय महामार्ग प्राधिकरणातर्फे (एनएचएआय) एस्क्रो खाते काढून संबंधित कंत्राटदारांच्या उप कंत्राटदारांना उपलब्ध करून दिले जातील आणि हे काम तातडीने पूर्ण केले जाईल, अशी ग्वाही केंद्रीय रस्ते वाहतूक व महामार्ग मंत्री नितीन गडकरी यांनी गुरुवारी दिली.

मोदी सरकारच्या दुसऱ्या कार्यकाळाच्या वर्षपूर्तीनिमित्त भारतीय जनता पक्षातर्फे आयोजित पश्चिम महाराष्ट्र जनसंवाद रॅलीत ते बोलत होते. प्रदेशाध्यक्ष चंद्रकांत पाटील, माजी मुख्यमंत्री व विधानसभेचे विरोधी पक्षनेते देवेंद्र फडणवीस, विधान परिषदेतील विरोधी पक्षनेते प्रवीण दरेकर आदी या वेळी उपस्थित होते. या वेळी गडकरी यांनी पुणे-सातारा महामार्गाच्या रखडलेल्या कामावरून जनतेची नाराजी स्वीकारावी लागल्याची कबुली दिली. ‘हा रस्ता पूर्ण करण्यासाठी जे शंभर-सव्वाशे कोटी रुपये लागतील, ते उपलब्ध करून द्यावेत असे आदेश आठ दिवसांपूर्वी ‘एनएचएआय’च्या संचालकांना दिले आहेत. एस्क्रो खाते काढून संबंधित कंत्राटदाराच्या उपकंत्राटदारांना हे पैसे दिले जाणार आहेत आणि त्यांच्याकडून हा प्रकल्प तातडीने पूर्ण करण्याची जबाबदारी प्रकल्प संचालकांवर दिली आहे,’ असे त्यांनी सांगितले. संत ज्ञानेश्वर व संत तुकाराम महाराजांच्या पालखी सोहळा मार्गाच्या चौपदरीकरणाची कामे लवकरच सुरू होतील, असा विश्वासही त्यांनी व्यक्त केला. विविध रस्त्यांच्या कामासाठी राज्याला पाच लाख कोटी रुपये दिल्याचेही त्यांनी सांगितले. चंद्रकांत पाटील यांनी प्रास्ताविक केले.

सुरत-अहमदनगर ग्रीन फील्ड कॉरिडॉरची घोषणा

या वेळी नितीन गडकरींनी सुरत ते अहमदनगर आणि सोलापूर ते कर्नुल या दोन नव्या ग्रीन फील्ड कॉरिडॉर रस्त्यांची घोषणाही केली. सुरत-अहमदनगर या ४२१ किलोमीटरच्या मार्गामुळे सुरतहून बेंगळुरू, हैदराबाद, चेन्नईकडे जाणारी वाहतूक नगरमार्गे वळेल. त्यामुळे सुरत-मुंबई, मुंबई-पुणे रस्त्यावरील वाहतुकीचा ताण कमी होईल, असा विश्वासही त्यांनी व्यक्त केला.

गडकरी म्हणाले,

– भाजपला बहुमत मिळाल्यानेच कलम ३७० हे गुलामगिरीचे प्रतीक संविधानातून काढता आले.

– करोनाविरोधी लढाईत काही डबल ढोलकी राजकारण करत आहेत. त्यांच्याकडे लक्ष देऊ नका.

– साखर कारखान्यांनी साखर नाही, इथेनॉल निर्मितीवर भर द्यावा.

– काँग्रेस-राष्ट्रवादीची सडत पडलेली सिंचन स्मारके पुनरुज्जीवीत करण्याचे काम आम्ही केले.



Source link

LEAVE A REPLY

Please enter your comment!
Please enter your name here

Most Popular

Gabba Test: IND vs AUS : सामन्याचा दुसरा दिवस पावसानेच गाजवला, पाहा दोन्ही संघांची स्थिती – ind vs aus : play on day 2...

ब्रिस्बेन, IND vs AUS : चौथ्या कसोटी सामन्याच्या दुसरा दिवस पावसानेच गाजवल्याचे पाहायला मिळाले. पण पाऊस येण्यापूर्वी भारताने ऑस्ट्रेलियाचा पहिला डाव ३६९ धावांवर...

JEE Main Application: JEE Main 2021: परीक्षा अर्ज भरण्याची आज अखेरची मुदत – jee main 2021 last date for application today

JEE Main 2021 परीक्षेसाठी अर्ज करण्याचा शनिवार १६ जानेवारी हा अखेरचा दिवस आहे. परीक्षेचे आयोजन करणारी नॅशनल टेस्टिंग एजन्सी शनिवारी अॅप्लिकेशन विंडो बंद...

apple store offer: Apple ची जबरदस्त ‘ऑफर’, प्रोडक्ट खरेदीवर ५ हजारांची ‘कॅशबॅक’ – apple store offering rs. 5,000 cashback on orders over rs. 44,900,...

नवी दिल्लीः Apple Store ने भारतात आपल्या ग्राहकांसाठी ५ हजार रुपयांची कॅशबॅक ऑफर आणली आहे. या ऑफरचा फायदा त्याच ग्राहकांना मिळणार जे ग्राहक...

Recent Comments