Home विदेश Rafale jets: फ्रान्समधून भारतात 'असा' दाखल होणार राफेलचा ताफा! - how rafale...

Rafale jets: फ्रान्समधून भारतात ‘असा’ दाखल होणार राफेलचा ताफा! – how rafale fighter jet will reach india from france know


लडाखमध्ये भारत-चीन सीमेवर (india china border dispute) तणाव विकोपाला गेला आहे. सीमेवर दोन्ही देशांनी हजारो सैनिक तैनात केले आहेत. तर दुसरीकडे लष्करी आणि राजनैतिक स्तरावर चर्चा सुरू असूनही त्यात तोडगा निघालेला नाही. अशा परिस्थितीत भारतासाठी एक चांगली बातमी आहे. फ्रान्सकडून भारताला २७ जुलैपर्यंत ६ राफेल लढाऊ विमान मिळणार आहे. राफेल लढाऊ विमानांची ही पहिली खेप आहे. फ्रान्ससोबत भारताने करार करून ३६ राफेल लढाऊ विमानं खरेदीचा सौदा केला आहे. पहिल्या टप्प्यात भारताला ६ लढाऊ विमानं मिळणार आहेत. २७ जुलैपर्यंत ही विमानं भारताच्या हवाली केली जाणार आहेत. भारतात राफेलचा पहिला ताफा कसा दाखल होणार, यावर एक दृष्टिक्षेप…

या देशातून प्रवास करणार राफेल

भारतात दाखल होणारा राफेलचा ताफा फ्रान्सच्या बोर्डोक्सहून उड्डाण घेणार आहे. भारतीय हवाई दलाने यासाठीचे संपूर्ण नियोजन केले आहे. फ्रान्सहून भारतात येताना ही लढाऊ विमाने काही देशांच्या सीमा ओलांडून भारतात जामनगर हवाई तळावर दाखल होणार आहे. राफेल विमानांना फ्रान्सहून भारतापर्यंतचा प्रवास पूर्ण करण्यासाठी जवळपास १००० किमी प्रति तास या वेगाने उड्डाण घ्यावे लागेल. राफेलचा सर्वाधिक वेग हा २२२२ किमी प्रति तास आहे.

या देशांमध्ये इंधन भरणार

maharashtra times

बोर्डोक्समधून उड्डाण घेतल्यानंतर राफेल फायटर जेट्स इंधन भरण्यासाठी जमिनीवर उतरतील. त्याशिवाय आवश्यकता भासल्यास या विमानांमध्ये हवेतच टँकर एअरक्राफ्टच्या माध्यमातून इंधन भरले जाईल. पहिल्यांदा राफेल विमान ग्रीस अथवा इटलीमध्ये इंधन भरण्यासाठी आणि वैमानिकांच्या आरामासाठी जमिनीवर उतरतील. त्यानंतर ओमान अथवा तुर्कीमध्ये राफेल लँडिंग करण्याची शक्यता आहे.

जामनगरमध्ये उतरणार राफेल

maharashtra times

ओमानमधून उड्डाण घेतल्यानंतर राफेल विमान भारतात पहिल्यांदा जामनगरच्या हवाई तळावर दाखल होईल. जामनगरमध्ये या विमानाशी संबंधित कस्टमबाबतची प्रक्रिया पार पडेल. त्यानंतर राफेल पुन्हा उड्डाण घेईल आणि अंबाला येथील एअर फोर्स स्टेशनवर दाखल होईल. पहिल्या टप्प्यातील राफेलचे सारथ्यं १७ गोल्डन एरो स्क्वॉड्रन पायलट करणार आहेत.

राफेलसह रिफ्लुलिंग एअरक्राफ्ट उडणार

maharashtra times

भारतात दाखल होताना राफेल विमानांच्या ताफ्यासोबत अर्ध्या प्रवासात फ्रान्सचा रिफ्यूलर एअरक्राफ्ट असणार आहे. त्यानंतर आखाती देशाततून भारतीय रिफ्यूलर एअरक्राफ्ट आयएल-७८ या विमानांसोबत असणार आहे. त्याशिवाय या विमानांमध्ये अतिरिक्त पायलट, मेंटेन्स स्टाफ, राफेलच्या इंजिनशी निगडीत काही महत्त्वाची गोष्टी असणार आहे.

शस्त्रांसह दाखल होणार राफेल

maharashtra times

पहिल्या टप्प्यात दाखल होणाऱ्या राफेल विमानांपैकी तीन विमान हे डबल सीटर आहेत. याचा वापर प्रशिक्षणसाठी करण्यात येणार आहे. भारतात दाखल होणाऱ्या राफेल विमान हे पूर्णपणे कॉम्बेट रेडी पोझिजनशमध्ये असणार आहेत. त्यामुळे ही विमाने काही दिवसांतच वापरात आणता येणार आहे.

राफेल फायटर जेट विमानाची वैशिष्ट्ये

maharashtra times

राफेल हे मल्टिरेल लढाऊ विमान आहे. हे विमान हवेतून जमिनीवर अण्वस्त्र हल्ला करण्यासाठीही सक्षम आहे. राफेलची मारक क्षमता ३७०० किलोमीटर इतकी आहे. हे विमान २२३० किलोमीटर प्रतितास वेगाने उडतं. अत्याधुनिक शस्त्रास्त्रांनी हे विमान सज्ज असेल. हे विमान २४, ५०० किलोग्रॅमपर्यंत वजन घेऊन उड्डाण करू शकतं.



Source link

LEAVE A REPLY

Please enter your comment!
Please enter your name here

Most Popular

yediyurappa karnataka cm: ‘कर्नाटकच्या मुख्यमंत्रीपदावरून येडियुरप्पांची लवकरच उचलबांगडी’ – yediyurappa will not remain cm for long karnataka bjp mla hints at rebellion

बेंगळुरू: भाजपचे ज्येष्ठ आमदार बासनागौडा पाटील यतनाल यांनी बंडखोरीचे संकेत दिले आहेत. बीएस येडियुरप्पा हे फार काळ मुख्यमंत्रीपदी राहणार नाहीत. त्यांचा उत्तराधिकारी हा...

Recent Comments