Home शहरं मुंबई Ratnakar Matkari: ज्येष्ठ साहित्यिक, नाटककार रत्नाकर मतकरी यांचे निधन - senior writer...

Ratnakar Matkari: ज्येष्ठ साहित्यिक, नाटककार रत्नाकर मतकरी यांचे निधन – senior writer ratnakar matkari passed away due to coronavirus


ज्येष्ठ साहित्यिक, नाटककार, रंगकर्मी, आणि राष्ट्रीय पुरस्कार विजेते चित्रपट दिग्दर्शक रत्नाकर मतकरी यांचे निधन. रविवारी रात्री त्यांची प्राणज्योत मालवली. ते ८१ वर्षांचे होते. त्यांच्या निधनानं संपूर्ण कलाविश्वावर शोककळा पसरली आहे. गेले काही दिवस त्यांना थकवा जाणवत होता. चार दिवसांपूर्वी गोदरेज रुग्णालयात चेकअप साठी ॲडमिट केले असताना त्यांना करोनाची लागण झाल्याचं लक्षात आले. त्यानंतर उपचारांसाठी त्यांना सेवन हिल्स रुग्णालयात हलवण्यात आले होते. तिथेच त्यांचे निधन झाले.

१९५५ मधे, वयाच्या सतराव्या वर्षी, त्यांची ‘वेडी माणसं’ ही एकांकिका आकाशवाणीच्या मुंबई केंद्रावरुन प्रकाशित झाली. तेव्हापासून आतापर्यंत त्यांचे लेखन अव्याहतपणे चालू होते. मतकरींची ‘लोककथा ७८’, ‘दुभंग’, ‘अश्वमेध’, ‘माझं काय चुकलं?’, ‘जावई माझा भला’, ‘चार दिवस प्रेमाचे’, ‘घर तिघांचं हवं’, ‘खोल खोल पाणी’, ‘इंदिरा ‘, आणि इतर अनेक नाटके नाट्य रसिकांच्या मनात कायम घर करुन आहेत. अलीकडेच ‘अलबत्या गलबत्या’ आणि ‘निम्मा, शिम्मा राक्षस’ या मुलांच्या, तसंच महाभारतातल्या अंतिम पर्वावर आधारीत ‘आरण्यक’ या नाटकांनी रंगभूमी गाजवून सोडली. वास्तवाचे भान देणाऱ्या गूढकथा हा कथाप्रकार त्यांनी एकहाती वाचकांपर्यंत पोचवला.

मोठ्यांसाठी सत्तर तर मुलांसाठी बावीस नाटकं, अनेक एकांकिका, वीस कथासंग्रह, तीन कादंबऱ्या, बारा लेख संग्रह, आपल्या रंगभूमीवरल्या कामाचा सखोल विचार करणारा आत्मचरित्रात्मक ग्रंथ ‘माझे रंगप्रयोग’ अशी त्यांची विपुल साहित्यसंपदा आहे. ‘गहीरे पाणी’, ‘अश्वमेध’, ‘बेरीज वजाबाकी’ या मालिका, तसच सर्वोत्कृष्ट मराठी चित्रपटाचा राष्ट्रीय पुरस्कार मिळालेला चित्रपट ‘इन्वेस्टमेन्ट’, अशी त्यांची इतर माध्यमांमधली कामंही रसिकप्रिय ठरली आहेत.

रत्नाकर मतकरींना विपुल पुरस्कार आणि सन्मान मिळालेले आहेत. संगीत नाटक अकादमी आणि साहित्य ॲकेडमी या दोन्ही मान्यवर संस्थांकडून पुरस्कारप्राप्त ठरलेल्या मोजक्या व्यक्तीमत्वात त्यांचा समावेश होतो. रत्नाकर मतकरींच्या पश्चात निर्मिती आणि अभिनयाच्या क्षेत्रात काम करणाऱ्या त्यांच्या पत्नी प्रतिभा मतकरी, कन्या अभिनेत्री सुप्रिया विनोद, मुलगा लेखक/समीक्षक गणेश मतकरी, जावई डाॅ. मिलिंद विनोद, स्नुशा आर्किटेक्ट पल्लवी मतकरी आणि नातवंडे, असा परिवार आहे. मतकरींच्या जाण्याने साहित्य आणि रंगभूमी या क्षेत्रात एक न भरुन येणारी पोकळी निर्माण झाली आहे.



Source link

LEAVE A REPLY

Please enter your comment!
Please enter your name here

Most Popular

fire at serum institute: सीरमच्या आगीमागे घातपाताचा संशय; CM ठाकरे स्पष्टचं बोलले – the covid vaccine is safe. i have not spoken to adar...

पुणेः सीरम इन्स्टिट्यूटमध्ये लागलेली आगीमागे विरोधकांनी घातपाताची शक्यता वक्तव्य केली आहे. यावर मुख्यमंत्री उद्धव ठाकरे यांनी विरोधकांना चांगलंच खडसावलं आहे. मुंबईत झालेल्या पत्रकार...

nashik municipal corporation administration: ‘हात की सफाई’ला ब्रेक! – nashik mayor satish kulkarni is dadasaheb gailkwad assembly cleaning proposal sent return to nashik municipal...

म. टा. खास प्रतिनिधी, नाशिकदादासाहेब गायकवाड सभागृहाच्या साफसफाईच्या नावाखाली कार्योत्तर मंजुरी देऊन ५६ लाख रुपये मक्तेदाराच्या घशात घालण्याचा प्रशासनाचा आठवा प्रयत्न महासभेने हाणून...

Ian Healy: तुम्ही इतके वाइट खेळला की दुय्यम संघाने पराभव केला; ऑस्ट्रेलिया संघाला घरचा आहेर – ian healy strong comment on australia cricket team...

नवी दिल्ली: भारताविरुद्ध झालेल्या कसोटी मालिकेतील पराभवानंतर ऑस्ट्रेलिया संघावर जोरदार टीका होत आहे. देशातील माजी क्रिकेटपटूंनी संघाच्या कामगिरीवर घरचा आहेर दिला आहे. विशेषत:...

Recent Comments