Home देश पैसा पैसा recruitment in rural areas: या कंपन्यांकडून ग्रामीण भागात मोठ्या प्रमाणात नोकरभरती -...

recruitment in rural areas: या कंपन्यांकडून ग्रामीण भागात मोठ्या प्रमाणात नोकरभरती – Fast-Moving Consumer Good Companies Recruiting In Rural India


वृत्तसंस्था, नवी दिल्ली

एफएमसीजी कंपन्या आणि त्यांच्या सहयोगी कंपन्यांनी देशाच्या ग्रामीण भागात मोठ्या प्रमाणावर नोकरभरती करण्यास सुरुवात केली आहे. गेले दोन ते अडीच महिने या क्षेत्रांमध्ये करोनामुळे सुस्ती आली होती. मात्र, आता परिस्थिती हळूहळू का होईना पूर्वपदावर येत आहे. नोकरभरतीसाठी मदत करणाऱ्या कंपन्या रँडस्टँड इंडिया आणि टीमलीजच्या अधिकाऱ्यांनी दिलेल्या माहितीनुसार एफएमसीजी कंपन्यांनी आता ग्रामीण भागात लक्ष केंद्रित केले आहे.

वाहन उद्योगांत भरती नाहीच

एफएमसीजी कंपन्यांच्या विपरित धोरण वाहन उद्योगातील कंपन्यांनी राबविण्यास सुरुवात केली आहे. वाहन उद्योगात मे महिन्यात ट्रॅक्टर वगळता सर्वच प्रकारच्या वाहनांमध्ये घट नोंदविण्यात आली आहे. वाहन उद्योगात कुशल मनुष्यबळाची आवश्यकता असते. मात्र, एफएमसीजी क्षेत्रामध्ये अर्धकुशल मनुष्यबळाची गरज असते. ऑटोमोटिव्ह स्किल्स डेव्हलपमेंट कौन्सिलचे अध्यक्ष निकुंज सांघी यांनी दिलेल्या माहितीनुसार एफएमसीजी कंपन्यांना कुशल मनुष्यबळाची आवश्यकता असत नाही. मात्र, वाहन वितरकांसाठी कुशल मनुष्यबळाची आवश्यकता भासते. निकुंज यांच्या मते वाहन उद्योगात येत्या दोन ते तीन आठवड्यांत नवीन नोकरभरती होण्याची शक्यता आहे.

विक्री, वितरणासाठी मागणी अधिक

रँडस्टँड इंडियाच्या यशाब गिरी यांच्या मते गेल्या महिनाभरात देशातील बहुसंख्य भागातील लॉकडाउन मागे घेण्यात आल्याने एफएमसीजी कंपन्यांनी नोकरभरतीला सुरुवात केली आहे. एफएमसीजी कंपन्यांकडून ग्रामीण भागासाठी मोठ्या प्रमाणात विक्री आणि वितरणाशी संबंधित लोकांची मागणी करण्यात येत आहे. टीमलीजच्या सुदीप सेन यांच्या मते कंपन्या नोकरभरती करताना छोट्या शहरांच्या आणि ग्रामीण भागांच्या गरजा समजण्याचा प्रयत्न करीत आहेत. या क्षेत्रातील तज्ज्ञांनी दिलेल्या माहितीनुसार रिन्हर्स मायग्रेशन आणि मनरेगा अंतर्गत रोजगार देण्यात झालेल्या वाढीमुळे एफएमसीजी कंपन्यांनी ग्रामीण भागातील नोकरभरतीसाठी प्रयत्न चालवले आहेत.

ग्रामीण भागात वाढणार रोजगार

सेंटर फॉर मॉनिटरिंग इंडियन इकॉनॉमीच्या (सीएमआयआय) आकडेवारीनुसार ग्रामीण भागात रोजगार वाढल्यामुळे २१ जूनला संपलेल्या आठवड्यात बेरोजगारीचा दर घसरून ७.३ टक्क्यांवर आला आहे. याच कालावधीत शहरी भागातील बेरोजगारीचा दर ११.२ टक्क्यांवर आला आहे. या संकेतांमुळे ग्रामीण भागात मोठ्या प्रमाणावर खरेदी-विक्रीत वाढ होण्याची शक्यता आहे. त्यामुळे कंपन्यांच्या विक्रीतही वाढ होण्याची शक्यता आहे. एफएमसीजी कंपन्यांची एक तृतीयांश आणि वाहन उद्योगांची २० टक्के विक्री ग्रामीण भागात होते.



Source link

LEAVE A REPLY

Please enter your comment!
Please enter your name here

Most Popular

‘लोकहितवादी’चा सन्मान

म. टा. प्रतिनिधी, नाशिक शहरातील सांस्कृतिक क्षेत्रात उल्लेखनीय कार्य करणाऱ्या लोकहितवादी मंडळास मुंबईच्या यशवंतराव चव्हाण प्रतिष्ठानतर्फे देण्यात येणारा सामाजिक सांस्कृतिक क्षेत्रातील कामगिरीबद्दलचा...

Bihar election: संयमाची लस टोचा – editorial on bihar election 2020 and bjp promises free covid vaccine to people

विधानसभेच्या निवडणुका होत असलेल्या बिहारमध्ये भारतीय जनता पक्षाने आपल्या निवडणूक जाहीरनाम्यात सर्वांना करोनाची मोफत लस उपलब्ध करून देण्याचे आश्वासन देऊन, सगळी नैतिकता खुंटीला...

Recent Comments