Home शहरं औरंगाबाद road accident: हिंगोली, जळगाव, नाशिकमध्ये चौघांचा अपघातात मृत्यू - 4 person killed...

road accident: हिंगोली, जळगाव, नाशिकमध्ये चौघांचा अपघातात मृत्यू – 4 person killed in road accident in maharashtra


औरंगाबाद: हिंगोली, जळगाव आणि नाशिकमध्ये आज झालेल्या चार वेगवेगळ्या अपघतात चौघांचा जागीच मृत्यू झाला. या मृतांमध्ये नाशिकमधील दोघांचा समावेश आहे. या चारही अपघातांप्रकरणी पोलिसांनी गुन्हे दाखल केले असून अधिक तपास करत आहेत.

हिंगोली वाशिम महामार्गाचे काम सुरू असून या कामावर सुरक्षा रक्षक म्हणून काम करणारे शिवशंकर पुरी वय ३५ वर्षे राहणार भिरडा, तालुका हिंगोली हे रात्रपाळीचे काम आटपून आपल्या तीन सहकाऱ्यांसह दुचाकींवरून गावाकडे परतत होते. सकाळी सातच्या सुमारास कलगाव पाटी शिवरात भरधाव वेगातील ट्रकने शिवशंकर यांच्या दुचाकीला पाठीमागून धडक दिली. यात शिवशंकर हे दुचाकीवरून खाली पडून चिरडले गेले. सदर दुचाकी दुसऱ्या दुचाकीवर जाऊन आदळल्याने सदाशिव पुरी, विश्वनाथ पुरी व शिवाजी बन हे तिघे जखमी झाले. यातील विश्वनाथ पुरी यांची प्रकृती गंभीर असल्याने त्यांना नांदेड येथे हलविण्यात आले आहे. घटनास्थळावरून ट्रक चालक फरार असून हिंगोली ग्रामीण पोलीस ट्रक चालकाविरुद्ध गुन्हा दाखल करण्यात आला आहे.

जळगावात दोन भावडांचा अपघात

महेंद्र रमेश पाटील आणि त्याचा लहान भाऊ प्रल्हाद पाटील (वय ३०) चहापावडर विक्रीचा व्यवसाय करतात. आज सकाळी ९ वाजता नेहमीप्रमाणे ते दुचाकीने (एमएच १९ सीएल २१२७) घरून निघाले. कवयित्री बहिणाबाई चौधरी उत्तर महाराष्ट्र विद्यापीठाच्या गेटसमोरुन जात असताना मागून येणाऱ्या ट्रकने (युपी ५० बीटी ५७६२) दुचाकीस जोरदार धडक दिली. या अपघातात महेंद्र पाटील हे जागीच ठार झाले. तर प्रल्हाद पाटील गंभीर जखमी झाले. दोन्ही भावंडांना तात्काळ शासकीय वैद्यकीय महाविद्यालय व रुग्णालयात दाखल केले होते. वैद्यकीय अधिकाऱ्यांनी तपासणी करुन महेंद्र यांना मृत घोषित केले. तर प्रल्हाद यांच्यावर उपचार सुरु आहेत. शवविच्छेदन करून दुपारी महेंद्र यांचा मृतदेह नातेवाईकांच्या ताब्यात देण्यात आला. त्यांच्या पश्चात दोन भाऊ, आई-वडील असा परीवार आहे. अपघातप्रकरणी पाळधी दुरक्षेत्र येथे अकस्मात मृत्यूची नोंद करण्यात आली. ट्रकचालक राहुल राजनारायण यादव (वय २२, रा.मेहनगर, आझमगड, उत्तरप्रदेश) याला ताब्यात घेतले आहे. अपघातानंतर ट्रकचालक राहुल यादव याने ट्रक न थांबवता पळून जाण्याचा प्रयत्न केला. काही वाहनचालकांनी पाठलग करून त्याला बांभारी गावाजवळ पकडले आणि पोलिसांच्या ताब्यात दिले. या ट्रकमध्ये मुंबई येथून परप्रांतीय मजूर उत्तरप्रदेशकडे जात होते.

राज्यातील लॉकडाऊनमध्ये ३१ मेपर्यंत वाढ; नवी नियमावली उद्या

नाशिकमध्ये दोन ठार

नाशिकच्या पंचवटी दिंडोरी नाक्याकडून येणाऱ्या सायकलस्वराला टेम्पोनी धडक दिल्याने सायकलवरील व्यक्ती दुभाजकावर आदळल्याने या अपघातात त्याचा मृत्यू झाला. त्याचा मृतदेह शवविच्छेदनासाठी शासकीय रुग्णालयात नेण्यात आला आहे. पोलिसांनी घटनास्थळी धाव घेऊन पंचनामा केला असून टेम्पोचालकाला ताब्यात घेतले आहे. याप्रकरणी अधिक तपास करण्यात येत आहे. नाशिक येथे आज आणखी एक अपघात झाला. त्यात एका महिलेचा मृत्यू झाला आहे. नाशिक रोडवर अल्टोची मोटारसायकलला धडक बसल्याने गाडीवरील महिला पुलावरून पडून जागीच ठार झाली. याप्रकरणी पोलिसांनी गुन्हा दाखल केला असून अधिक तपास करत आहेत.

वानखेडे, ब्रेबॉर्न स्टेडियमवर कोविड सेंटर नाहीच: आदित्य ठाकरे

गरीब मजुरांसाठी धावून आला भारताचा क्रिकेटपटू, केली मोठी मदत



Source link

LEAVE A REPLY

Please enter your comment!
Please enter your name here

Most Popular

जाता जाता : या, बसा डोक्यावर…

परवा ग्रामपंचायतीच्या निवडणुकीत जिंकलेल्या आपल्या नवऱ्याला डोक्यावर घेऊन निघालेल्या एक उत्साही वैनी बघितल्या आणि जीव धन्य जाहला... हल्ली व्हॉट्सअप विद्यापीठामुळं जगभरातल्या अशा मनमौजेच्या...

coronavirus vaccine updates: करोना लसीकरण: जगाला मिळणार दिलासा; अमेरिका घेणार ‘हा’ निर्णय – coronavirus vaccine news america will join the global corona virus vaccine...

जिनिव्हा: जगभरात करोनाचे थैमान सुरू असून अनेक देशांमध्ये लसीकरणही सुरू झाले आहे. करोनाच्या वाढत्या थैमानाचा सामना करणाऱ्या जगातील गरीब, विकसनशील देशांना मोठा दिलासा...

Recent Comments