Home संपादकीय samwad News : मनोरंजनाचा शंभर नंबरी तडका - hundreds of entertainment dawns

samwad News : मनोरंजनाचा शंभर नंबरी तडका – hundreds of entertainment dawns


स्लग – नेटकगृहांच्या पडद्यावर

संतोष पाठारे

……

नायिकाप्रधान कथानक आणि सशक्त स्त्री-व्यक्तिरेखा यांची वानवा असलेल्या सध्याच्या काळात ‘हंड्रेड’ ही हॉटस्टारवर प्रदर्शित झालेली मालिका दोन स्त्री-व्यक्तिरेखांना केंद्रस्थानी ठेवून आपल्यासमोर येते, हे दिलासादायक आहे!

कथानकाचा विस्तार, व्यक्तिरेखांचा विस्तृत आलेख आणि सादरीकरणातील प्रयोगशीलता, याबाबतीत ओटीटी प्लॅटफॉर्मवर सातत्याने प्रदर्शित होत असलेल्या मालिका हिंदी चित्रपटांच्या अनेक पावलं पुढे असल्या, तरीही त्या दोन्ही माध्यमांमध्ये स्त्री-पात्रांना दिलेलं दुय्यम स्थान हे एक साम्य अजूनही प्रकर्षाने जाणवत आहे. या मालिकांना सध्या तरी सेन्सॉरचं बंधन लागू नसल्यामुळे प्रेक्षकांना आकर्षून घेण्यासाठी हॉट दृश्यांची पेरणी मुक्तहस्ताने झालेली दिसते. अशा दृश्यांची मागणी पूर्ण करण्यासाठी आवश्यकते पेक्षा जास्त अंगप्रदर्शन करण्यास स्त्री-कलावंतांची फारशी हरकत नसते. मालिकेतील त्यांच्या व्यक्तिरेखेची लांबी आणि महत्त्व, हे दुय्यमच राहतं. नायिकाप्रधान कथानक आणि सशक्त स्त्री-व्यक्तिरेखा यांची वानवा असलेल्या पार्श्वभूमीवर ‘हंड्रेड’ ही हॉटस्टारवर प्रदर्शित झालेली मालिका दोन स्त्री-व्यक्तिरेखांना केंद्रस्थानी ठेवून आपल्यासमोर येते, हे दिलासादायक आहे!

‘हजारो ख्वाहिशे ऐसी’सारख्या क्लासिक सिनेमाचं लिखाण करणारी रुची नारायण ‘हंड्रेड’ मालिकेच्या निर्माता-दिग्दर्शकांपैकी एक आहे, हा केवळ योगायोग नाही. रुची नारायणच्या सहभागामुळे यातील स्त्री-पात्रांना अधिक उठाव मिळाला आहे; पण म्हणून ही मालिका स्त्रियांचे प्रश्न मांडणारी किंवा सामाजिक समस्या हाताळणारी असेल, असा समज करून घेऊ नका. पुरुषप्रधान संस्कृतीमध्ये स्त्रीचं स्थान, व्यावसायिक क्षेत्रात होणारी तिची अवहेलना, तिच्याकडे शोभेची बाहुली म्हणून पाहणारी पुरुषी नजर, ही अंतःसूत्रं या मालिकेत आहेतच; पण तरीही यातील कथानक व्यावसायिक हिंदी चित्रपटाला शोभेल असं आहे. पस्तीस ते चाळीस मिनिटांचे आठ भाग असलेली ‘हंड्रेड’ आपण डोक्याला ताप न देता आपण मनोरंजनाचा चष्मा घालून पाहू शकतो. भिन्न स्तर आणि मनोवृत्ती असलेल्या दोन स्त्रिया भेटल्यानंतर त्यांनी आपापली स्वप्नं पूर्ण करण्यासाठी केलेल्या करामती आणि त्यातील अडथळे पार करून साध्य केलेलं इप्सित, हा त्यांचा प्रवास उत्कंठावर्धक आहे.

नेत्रा पाटील (रिंकू राजगुरू) ही लालबागमधील एका चाळवजा इमारतीत राहणारी मध्यमवर्गीय मुलगी आहे. आईच्या निधनानंतर जनगणना करणाऱ्या सरकारी कार्यालयामध्ये तिच्या जागेवर नेत्रा कामाला लागली आहे. या कामाचा तिला थोड्याच अवधीत कंटाळा आला आहे. स्वेच्छानिवृत्ती घेऊन घरात सदासर्वदा टीव्ही समोर बसलेले वडील, छंदीष्ट आजोबा आणि शाळकरी भाऊ यांचं स्वयंपाकपाणी उरकून दिवसभर ऑफिसमध्ये कारकुनी करणं, एवढंच तिच्या हाती उरलंय. नाही म्हणायला पिल्लू-पिल्लू अशी लाडाने हाक मारणाऱ्या, तिच्या चाळीतच राहणाऱ्या सडाफटिंग अनिकेत नाईकच्या ती प्रेमात आहे; पण तिची स्वित्झर्लंडला जाण्याची आणि लग्नाआधीच सेक्स करण्याची इच्छा पूर्ण करण्यास अनिकेत असमर्थ आहे. आयुष्यात काहीतरी एक्साइटमेंट हवी, अशा वळणावर आलेल्या नेत्राला ऑफिसमध्ये चक्कर येते. डॉक्टर तिला ब्रेन ट्युमर असल्याचं निदान करतात. तू जेमतेम शंभर दिवस जगू शकशील, असं निर्वाणीचं सांगून टाकतात. आपल्या आजारपणासंबंधी ती बाबा आणि अनिकेतला सांगण्याचा प्रयत्न करते, पण ते दोघं त्यांच्या त्यांच्या विश्वात गुंतलेले असतात. शेवटी निराश होऊन ती भगवान बारमध्ये दारू प्यायला येते. तिथे एका ड्रग्ज डीलरला अटक करायला आलेल्या एसीपी सौम्या शुक्ला (लारा दत्ता) बरोबर तिची गाठ पडते. मद्यधुंद अवस्थेतील नेत्राला सौम्या घरी आणून सोडते, पण दरम्यान तिला नेत्राची घरची परिस्थिती आणि तिची स्वप्नं याची माहिती मिळते. आपल्या कारवायांमध्ये नेत्राचा उपयोग करून घेता येईल, याची तिला खात्री पटते.

सौम्या पोलीस कार्यालयात सहायक आयुक्त पदावर असली, तरीही वरिष्ठांकडून तिला कोणतीही महत्त्वाची कामगिरी सोपवण्यात येत नाही. आपला वापर फक्त कार्यालयात साजऱ्या होणाऱ्या महिला दिन, गुढी पाडवा सेलिब्रेशन अशा कार्यक्रमात किंवा सेलिब्रेशनच्या बंदोबस्तासाठी केला जातोय, याची तिला खंत आहे. तरीही ती तिच्या कार्यक्षेत्रातील काही गुन्हेगारांचा छडा लावण्याचा प्रयत्न करते. या कामात तिला मनोहर दहिया ऊर्फ मॅडी(करण वाही) हा खबरी मदत करत असतो. मनोहरला सौम्याने तिच्या लोखंडवालामधील फ्लॅटमध्ये ठेवलेले असते. तिच्या या उचापत्यांबद्दल तिच्या नवऱ्याला, एसीपी प्रवीणला काहीच पत्ता नसतो. सौम्याचा मूल होऊ न देण्याचा निर्णय त्याने मान्य केलेला आहे, पण तिने एसीपी म्हणून आपल्यापेक्षा अधिक यशस्वी व्हावं, हे नवरा म्हणून त्याला अपमानास्पद वाटतं.

सौम्याने नेत्राच्या मदतीने भ्रष्टाचार आणि गुन्ह्यांच्या वेगवेगळ्या प्रकरणांचा केलेला तपास, नेत्राच्या अवखळपणामुळे त्यात आलेली विघ्नं, अनिकेतने नेत्रा आणि तिच्या बाबांकडून मिळालेल्या पैशांचा लावलेला सट्टा, या प्रकरणातून नेत्राची शंतनू झा (राजीव सिद्धार्थ) या सट्टेबाजी करणाऱ्या तरूणाबरोबर झालेली मैत्री व त्याचा सौम्याने स्वतःची कार्यक्षमता सिद्ध करण्यासाठी चतुरपणे केलेला उपयोग हा ‘हंड्रेड’च्या कथानकाचा मुख्य घटनाक्रम आहे. दिग्दर्शकांनी तो वेगवान पद्धतीने मांडला आहे. प्रमुख पात्रांबरोबरीनेच एक-दोन प्रसंगात येणाऱ्या नमुनेदार व्यक्तिरेखा खुशखुशीतपणे चित्रित केल्या आहेत. अनिकेतने नेत्रा बरोबर लग्न करू नये म्हणून त्याचा बंदोबस्त करण्यासाठी तिचे बाबा आणि आजोबा स्थानिक नगरसेविकेकडे मदत मागायला जातात, तो प्रसंग उल्लेखनीय झाला आहे.

‘हंड्रेड’ मधील पुरुष व्यक्तिरेखांना वेगवेगळे कंगोरे आहेत. सौम्याचं मानसिक खच्चीकरण करणारा तिचा नवरा प्रवीण (सुधांशू पांडे), वरिष्ठ डीसीपी अंशुमन (परमीत सेठी), सहकारी इन्स्पेक्टर असोले, आमदार मुळे (संदेश कुलकर्णी) हे पुरुषी वर्चस्व गाजवणाऱ्या वर्गाचे प्रतिनिधी, तर नेत्राचे बाबा, आजोबा आणि शंतनू स्त्रीला गृहीत धरणारे पुरुष. यात मॅडी वेगळा आहे. तो विचाराने मोकळा-ढाकळा आहे. सौम्या आपला वापर करून घेतेय याची त्याला जाणीव आहे, त्याच बरोबरीने तिला आपल्याकडून भावनिक आणि शारीरिक आधार हवा आहे, हे सुद्धा तो जाणतो. या सर्व पात्रांच्या स्वभाववैशिष्ट्यांमुळे सौम्या आणि नेत्राचा शंभर दिवसाचा प्रवास रोचक होऊन जातो.

सौम्या आणि नेत्राच्या भूमिकेतील लारा दत्ता आणि रिंकू राजगुरू या दोघी ‘हंड्रेड’चं मुख्य आकर्षण आहेत. लारा दत्ता ही प्रचंड अभिनयक्षमता असलेली अभिनेत्री आहे, हे ‘हंड्रेड’ सिद्ध करते. हिंदी चित्रपटसृष्टीत तिला तिच्या योग्यतेच्या भूमिका मिळालेल्या नाहीत. ‘हंड्रेड’मध्ये तिला तिच्या व्यक्तिमत्त्वाला साजेशी भूमिका मिळाली आहे. नवरा आणि वरिष्ठांच्या कारस्थानांना पुरून उरणारी आणि नेत्राची स्वप्नं पूर्ण करण्याच्या निमित्ताने आपला कार्यभाग साधून घेणारी करारी आणि धूर्त सौम्या तिने रुबाबात साकारली आहे. ‘सैराट’नंतर रिंकू राजगुरूला तिचा सहज अभिनय करण्याची संधी ‘हंड्रेड’मध्ये मिळाली आहे. मध्यमवर्गीय घरातील स्वप्नाळू नेत्राच्या स्वभावाचे वेगवेगळे पैलू रिंकू राजगुरूने तिच्या देहबोलीतून दाखवले आहेत. लारा दत्ता आणि रिंकू या दोघींमधील अनेक प्रसंग त्यांच्या अभिनयामुळे रंगतदार झाले आहेत. ‘मॅडम कांदा है कांदा, उपरसेभी रुलाती है और अंदरसेभी रुलाती है’, ‘सीधा तो प्यादे चलते है, रानी तो आडा, तेढा कैसेभी चलके गेम जीतती है’, अशा चटपटीत संवादातून या दोघींमधील जुगलबंदी रंगत; त्यात शेवटाकडे असलेला एक ट्विस्ट पुढच्या सीजनचं सूतोवाच करून ठेवतो.

कुठलीही सामजिक समस्या मांडण्याचा किवा वैश्विक संदेश देण्याचा आव न आणता, चार-साडेचार तास गुंतवून ठेवणाऱ्या ‘हंड्रेड’ला शंभर पैकी सत्तर गुण द्यायला हरकत नाही!



Source link

LEAVE A REPLY

Please enter your comment!
Please enter your name here

Most Popular

Sanjay Raut taunts Congress: हे वागणं ‘सेक्युलर’ नव्हे; संजय राऊतांचा काँग्रेसवर निशाणा – shiv sena mp sanjay raut slams congress for opposing renaming of...

मुंबई: औरंगाबादच्या नामांतरास विरोध करणाऱ्या काँग्रेसवर शिवसेनेचे खासदार संजय राऊत यांनी जोरदार निशाणा साधला आहे. 'औरंगजेब हा धर्मांध आक्रमक होता. तो ‘सेक्युलर’ अजिबात...

mns vs shiv sena: मुंबई: शिवाजी पार्क येथील ग्रीलवरून शिवसेना-मनसेत वाद – disputes between shivsena and mns over steel grill on veer savarkar marg...

म. टा. विशेष प्रतिनिधी, मुंबईशिवाजी पार्क येथील वीर सावरकर मार्गावरील सुस्थितीतील स्टीलचे ग्रील काढून तेथे लोखंडी ग्रील बसवले जाणार असल्याचा दावा मनसेने केला...

Recent Comments