Home शहरं मुंबई Sanjay Nirupam: Chinese apps banned : चिनी अॅपवरील बंदी योग्यच; काँग्रेसच्या 'या'...

Sanjay Nirupam: Chinese apps banned : चिनी अॅपवरील बंदी योग्यच; काँग्रेसच्या ‘या’ नेत्याकडून केंद्राचं समर्थन – Congress Leader Sanjay Nirupam Support Chinese Apps Banned Decision


मुंबई: चिनी अॅपवरील बंदीवरून काँग्रेस नेते राहुल गांधींसह राज्यातील काँग्रेस नेत्यांनीही केंद्र सरकारच्या निर्णयावर सडकून टीका केलेली असतानाच काँग्रेसचे माजी खासदार संजय निरुपम यांनी मात्र केंद्राच्या निर्णयाचं जोरदार समर्थन केलं आहे. चिनी अॅपवर बंदी घालण्याचा केंद्र सरकारने घेतलेला निर्णय योग्यच असल्याचं निरुपम यांनी म्हटलं आहे. निरुपम यांनी थेट पक्षाच्या भूमिकेशी विसंगत भूमिका घेतल्याने आश्चर्य व्यक्त केलं जात आहे.

संजय निरुपम यांनी ट्विट करून हा निर्णय घेतला आहे. चिनी अॅप्सवरील बंदीचा निर्णय अत्यंत योग्य आहे, असं सांगतानाच पण टिकटॉकवर बंदी आल्याने आपल्या देशातील लाखो तरुण बेरोजगार होणार आहेत. सध्याच्या काळातील सर्वात स्वस्त आणि देशी मनोरंजनाला आपण मूकणार आहोत. टिकटॉक स्टारचा अचानक झालेला हा अंत त्रासदायक आहे. त्यांच्या असीम प्रतिभेला विनम्र श्रद्धांजली, असा चिमटाही निरुपम यांनी काढला आहे.

दरम्यान, काँग्रेस नेते पृथ्वीराज चव्हाण यांनी नमो अॅपवरही बंदी आणावी अशी मागणी केली होती. भारतीयांची माहिती धोक्यात आली म्हणून चिनी अॅपवर बंदी घालण्यात आली आहे. त्याच निकषावर भारतीयांची माहिती गोळा करून परदेशात पाठवणाऱ्या नमो अॅपवर देखील बंदी घाला, अशी मागणी चव्हाण यांनी केली होती. तर राष्ट्रवादीचे नेते जितेंद्र आव्हाड चिनी अॅपवर घालण्यात आलेल्या बंदीवरून सरकारला टोला लगावला होता. तिथे मॅप बदलले जात आहेत, आणि आपण इथे ॲप वर बंदी घालतोय. काय पोरकटपणा आहे? आपण वर्ल्ड ट्रेड ऑर्गनायझेशनचे सदस्य आहोत आणि आपण स्वाक्षरी केलेल्या कराराच्या कलम २ आणि १४ (सी) – २ या कलमांनुसार ही बंदी शक्य आहे का? कशाला ही धूळफेक?, असा सवाल त्यांनी ट्विटमधून केला आहे. तसेच दुसऱ्या ट्विटमध्ये चीन तिकडे मॅप बदलण्यात बिझी आहे आणि आपण अॅप बंद करण्यात मश्गुल आहोत, असा चिमटा आव्हाड यांनी काढला होता. त्याशिवाय शिवसेनेनेही या निर्णयावरून केंद्र सरकारला घेरले होते. चिनी अॅप्सपासून धोका आहे हे माहीत होते तर त्या कंपन्या सुरू का होत्या? चिनी अॅप्सवरील बंदीसाठी जवानांच्या बलिदानांची वाट पाहात होता का? २० जवानांचे बलिदान झाले नसते तर या कंपन्या अशाच सुरू राहिल्या असत्या, अशा शब्दांत शिवसेना खासदार संजय राऊत यांनी भाजपवर निशाना साधला होता.

चीनला झटका, टिकटॉकसह ५९ चिनी अॅपवर भारताची बंदी

दरम्यान, भारत-चीन संघर्षाच्या पार्श्वभूमीवर केंद्र सरकारने काल ५९ चिनी अॅपवर बंदी घातली होती. टिकटॉक, हॅलो अॅप आणि कॅमस्कॅनरसह ५९ अॅपवर बंदी घालण्यात आली आहे. भारतात युट्यूबहून अधिक युजर्स हे टिकटॉक अॅपचे आहेत. टिकटॉकचे जवळपास २० कोटी युजर्स असल्याचं सांगण्यात येतंय. तर हेलो अॅपचे भारतात ४० हजार युजर्स आहेत. वुई मेट, शेअर इट, युसी ब्राउजर्स, क्लब फॅट्री, युसी न्यूज, झेंडर, लाइक, सीएम ब्राउजर्स, शीन, न्यूजडॉग, वंडर कॅमेरा, कॅम स्कॅनर, क्लिन मास्टर-चिता मोबाइल, फोटो वंडर, क्यूक्यू प्लेअर, स्वीट सेल्फी, हेलो, यू व्हिडिओ, मोबाइल लेजंड्स अशा एकूण ५९ अॅप्सवर बंदी घालण्यात आली आहे.

‘TikTok’ बंदीवर भारतीयाचं म्हणणं काय ?

Chinese apps banned : आव्हाडांनी उडवली केंद्राच्या ‘त्या’ निर्णयाची खिल्ली; म्हणाले, काय हा पोरकटपणा!



Source link

LEAVE A REPLY

Please enter your comment!
Please enter your name here

Most Popular

Vice Admiral MS Pawar: नौदल उपप्रमुख एम. एस. पवार यांना परम विशिष्ट सेवा पदक – naval deputy chief ms pawar awarded the distinguished service...

म.टा. प्रतिनिधी, मुंबईप्रजासत्ताक दिनाच्या (Republic Day) पूर्वसंध्येला केंद्र सरकारने पद्म आणि इतर महत्वाच्या पुरस्कारांची घोषणा केली असून नौदलाचे उपप्रमुख व्हाइस अॅडमिरल एम. एस....

england: IND vs ENG : भारतीय संघाला धोक्याचा इशारा, इंग्लंडने श्रीलंकेला केलं चारी मुंड्या चीत – ind vs eng : england won the test...

नवी दिल्ली : भारतामध्ये दाखल होण्यापूर्वीच इंग्लंडच्या संघाने एक धोक्याचा इशारा दिला आहे. इंग्लंडने श्रीलंकेला त्यांच्याच माती चारी मुंड्या चीत करत कसोटी मालिका...

Recent Comments