Home महाराष्ट्र Sanjay Oak: Sanjay Oak कोविड टास्क फोर्स प्रमुख संजय ओक यांचे करोनाशी...

Sanjay Oak: Sanjay Oak कोविड टास्क फोर्स प्रमुख संजय ओक यांचे करोनाशी युद्ध; आता धोका टळला! – task force chief sanjay oak successfully beat coronavirus


मुंबई:करोना साथीवर नियंत्रण मिळवण्यासाठी राज्य सरकारने नेमलेल्या ‘ कोविड टास्क फोर्स ‘चे प्रमुख डॉ. संजय ओक यांनाही करोना संसर्गाची लागण झाली असून त्यांची प्रकृती आता चांगली असल्याचे सांगण्यात आले आहे. ( Task Force Chief Sanjay Oak )

संजय ओक यांना काही दिवसांपूर्वी करोनाची लागण झाली आहे. त्यांची करोना चाचणी पॉझिटिव्ह आल्यानंतर त्यांना तातडीने मुलुंड येथील फोर्टिस रुग्णालयात दाखल करण्यात आले. तिथे त्यांना ऑक्सिजन द्यावा लागला होता. मात्र, आता त्यांनी करोनावर मात करण्यात यश मिळवले असून त्यांची प्रकृती सुधारत असल्याचे सूत्रांनी स्पष्ट केले. याबाबत संबंधित रुग्णालय वा टास्क फोर्समधील अन्य सदस्यांकडून अद्याप अधिकृत कोणतीही माहिती देण्यात आलेली नाही.

वाचा: मुंबईत पुन्हा संचारबंदी लागू; मुंबई पोलिसांचा मोठा निर्णय

देशात महाराष्ट्रामध्ये करोनाचे सर्वाधिक रुग्ण आहेत. त्यातही मुंबईतील रुग्णसंख्येने अनेक राज्यांना मागे टाकत ७० हजारचा टप्पा ओलांडला आहे. मुंबईतील करोनाचा वाढता प्रादुर्भाव लक्षात घेऊन १२ एप्रिल रोजी मुख्यमंत्री उद्धव ठाकरे यांनी कोविड टास्क फोर्सची घोषणा केली होती. करोनामृत्यूदर कमी करण्यासाठी तसेच साथ नियंत्रणात आणण्यासाठी कोणत्या उपाययोजना करता येतील, याबाबत अभ्यास करून सूचना देण्यासाठी या टास्क फोर्सची स्थापना करण्यात आली. यात वैद्यकीय क्षेत्रातील नामवंत डॉक्टरांचा समावेश असून डॉ. संजय ओक हे या टास्कचे प्रमुख आहेत. या टास्कमार्फत वेळोवेळी सरकारला सूचना देण्यात येत आहेत. टास्क फोर्सचे प्रमुख म्हणून संजय ओक संपूर्ण स्थितीवर बारकाईने लक्ष ठेवून आहेत. प्रत्यक्ष फिल्डवर जाऊनही ते स्थितीचा आढावा घेत आहेत. या साऱ्या दगदगीत ओक यांनाही करोनाचा मुकाबला करावा लागला आहे.

वाचा: ‘लालबागचा राजा’चे आगमन व्हायलाच हवे; समन्वय समिती

दरम्यान, मुंबई सोबतच राज्यातील प्रत्येक जिल्ह्यात तज्ज्ञ डॉक्टरांचा टास्क फोर्स बनवण्यात आला आहे. या टास्क फोर्सच्या मदतीने करोना साथीवर नियंत्रण मिळवण्याचे आटोकाट प्रयत्न सुरू आहेत.

ओक यांच्यावर मोठी जबाबदारी

करोनावर नियंत्रण मिळवण्यासाठी राज्य सरकारची जी निकराची लढाई सुरू आहे त्यात डॉक्टरांचा टास्क फोर्स महत्त्वाची भूमिका निभावत आहे. या टास्क फोर्सच्या मार्गदर्शनाखालीच सध्या करोना बाधित रुग्णांवर उपचारांची दिशा ठरवली जात आहे. टास्क फोर्सचे प्रमुख म्हणून यात संजय ओक याच्यावर अधिक जबाबदारी आहे. मुख्यमंत्र्यांनी करोना स्थितीचा आढावा घेताना प्रत्येक बैठकीत ओक तसेच टास्क फोर्सला विश्वासात घेऊनच पुढचे पाऊल टाकलेले आहे. अशावेळी संजय ओक यांना लवकराच लवकर प्रकृती स्वास्थ्य लाभावे व ते पुन्हा एकदा करोना विरुद्धच्या लढाईत उतरावे, यासाठी त्यांच्या तब्येतीची विशेष काळजी घेण्यात येत असल्याचे सूत्रांनी सांगितले.



Source link

LEAVE A REPLY

Please enter your comment!
Please enter your name here

Most Popular

higher education or job: शिक्षण की नोकरी? गोंधळलेल्या विद्यार्थ्यांनो, इथे लक्ष द्या… – higher education or job, students often get confused, here are some...

सुचित्रा सुर्वे, ग्रोथ सेंटर- आनंद हा कॉमर्सच्या दुसऱ्या वर्षाला आहे. आतापासूनच त्याला सगळे विचारायला लागले आहेत, पुढे काय? एमबीए की एमकॉम की आणखी...

LIVE : संसदेचं अर्थसंकल्पीय अधिवेशन, 31 जानेवारीला राज्यसभा नेत्यांची बैठक

कोरोना आणि राज्यासह देशभरातील महत्त्वाच्या बातम्यांचे ताजे अपडेट्स Source link

motorola edge s launched in china: ६ कॅमेऱ्याचा मोटोरोलाचा आणखी एक स्वस्त स्मार्टफोन लाँच, पाहा किंमत – snapdragon 870, six cameras motorola edge s...

नवी दिल्लीः Motorola ने सर्वात स्वस्त 5G स्मार्टफोन Motorola Moto G 5G नंतर आपला फ्लॅगशिप मोबाइल Motorola Edge S सुद्धा लाँच केला आहे....

Recent Comments