Home शहरं मुंबई Sharad Pawar and Gopichand Padalkar: Saamana Editorial : पडळकरांच्या पवारांवरील टीकेबाबत शिवसेनेला...

Sharad Pawar and Gopichand Padalkar: Saamana Editorial : पडळकरांच्या पवारांवरील टीकेबाबत शिवसेनेला ‘ही’ शंका – Shivsena Attacks Bjp Mlc Gopichand Padalkar In Saamana Editorial For Criticising Ncp Chief Sharad Pawar


मुंबई: ‘गोपीचंद पडळकर हे काही राजकारण किंवा समाजकारणातले महान व्यक्तिमत्त्व नाही. देवेंद्र फडणवीस यांनी धनगर समाजातील एक धडपड्या तरुण म्हणून त्यांना भाजपच्या सोयीसाठी वापरले आहे. त्यामुळे गोपीचंद महाशयांनी पवारांबाबत जे घाणेरडे वक्तव्य केले ते फडणवीस किंवा त्यांच्या भाजपची ‘मन की बात’ तर नाही ना, अशी शंका शिवसेनेनं व्यक्त केली आहे. एकनाथ खडसे यांना मागे ठेवून भाजपने त्यांच्या राजकीय पडद्यावर नवा गोपीचंद आणला आहे. या गोपीचंदच्या करामतींमुळे भाजपवर गावागावात चपलांचा प्रसाद खाण्याची वेळ आली आहे, असा टोलाही शिवसेनेनं हाणला आहे. (Shivsean targets Gopichand Padalkar and BJP)

‘मुंबईतील कोविड सेंटर हा भ्रष्टाचार; वांद्र्यातील अभिनेत्याला विचारून होतात निर्णय’

‘शरद पवार हे महाराष्ट्राला लागलेले करोना आहेत’, अशी टीका भाजपचे विधान परिषदेतील आमदार गोपीचंद पडळकर यांनी पंढरपूरमध्ये एका पत्रकार परिषदेत केली होती. त्यांच्या या वक्तव्याचे तीव्र राजकीय पडसाद उमटत आहेत. शिवसेनेचे मुखपत्र ‘सामना’च्या अग्रलेखातून या प्रकरणावर भाष्य करण्यात आलं आहे. शिवसेनेनं पडळकरांबरोबरच भाजपवरही निशाणा साधला आहे. ‘गोपीचंद यांनी पवारांबाबत जी वक्तव्ये केली तशी भाजपच्या काही नेत्यांनी अधूनमधून केलीच आहेत. पडळकर यांच्या विधानाशी भाजपचा संबंध नाही असा साळसूदपणाचा आव आता भाजपने आणला. हे सगळ्यात मोठे ढोंग आहे. मोदी यांच्यावर टीका करणार्‍यांना हे लोक देशद्रोही ठरवतात आणि पवारांवर तशीच टीका करणार्‍यांपासून मात्र स्वतःला झटकतात, असा संताप व्यक्त करण्यात आला आहे.

‘एक-दोन वर्षांपूर्वी पंढरपूरचे एक भाजप आमदार प्रशांत परिचारक यांनी सीमेवरील सैनिकांच्या पत्नींबाबत खालच्या पातळीवरचे विधान केले होते. एकप्रकारे ती सैनिक व त्यांच्या कुटुंबीयांची मानखंडनाच होती. त्या आमदारालाही भाजपने आधी झटकले आणि पुन्हा जवळ केले. गोपीचंदच्या बाबतीतही तेच घडेल,’ असंही शिवसेनेनं म्हटलं आहे.

वाचा: आजच्या ठळक बातम्या मोजक्या शब्दांत

अग्रलेखातील ठळक मुद्दे:

पवारांची ज्येष्ठता, अनुभव, व्यासंग, समाजकारण याचा गौरव पंतप्रधान मोदी यांनीही अनेकदा केला आहे. पवार यांना महाराष्ट्रात आणि देशात मोठा मान आहे. पवार हे आपले गुरू असल्याचे पंतप्रधान नरेंद्र मोदी यांनी न डगमगता सांगितले आहे.

शरद पवार यांच्याबाबत राजकीय मतभेद असू शकतात. त्यांच्यावर टीकाटिप्पणी होऊ शकते. लोकशाहीत हे स्वातंत्र्य सगळ्यांनाच आहे, पण पवारांसारख्या ज्येष्ठांवर अशा घाणेरड्या शब्दांत टीका करणार्‍यांनी स्वतःचे पाय कोठे आहेत, आपली लायकी काय याचे आत्मपरीक्षण आधी करावे.

गोपीचंद हे आज भाजपच्या बिळात शिरले आहेत. बिळातला बिनविषारी साप जोरात डंख मारतो तसे पडळकरांनी केले. पडळकरांनी सांगलीमध्ये भाजपविरोधात निवडणूक लढवली. ‘भाजपसाठी कधी मत मागायला आलो तर मला जोड्याने मारा,’ असे हेच पडळकर तेव्हा सांगत. पुढे हेच पडळकर भाजपमध्ये आले व बारामतीत अजित पवारांच्या विरोधात निवडणूक लढले. बारामतीत धनगर समाज मोठ्या प्रमाणात असूनही पडळकरांची अनामत रक्कम जप्त झाली. त्यामुळे या महाशयांचा अजेंडा, व्हिजन वगैरेबाबत गोंधळ आहे.

पवार हे धनगर आरक्षणावर पॉझिटिव्ह नाहीत हा गोपीचंद यांचा आक्षेप आहे. यात पवारांचा संबंध येतोच कुठे? हा फैसला फडणवीस सरकारने करायचा होता. २०१४ मध्ये फडणवीस सरकार आलेच हेते व धनगर आरक्षणाचा ठराव पहिल्याच कॅबिनेटमध्ये करू असे वचन भाजपचेच होते, हे गोपीचंद कसे विसरले? कोणताही अभ्यास, संदर्भ, जनमत पाठीशी नसलेले लोक भाजपने भरती करून स्वतःच्या पायावर कुर्‍हाड मारून घेतली आहे ती अशी!

पवारांनी बहुजन समाजातील अनेक तरुणांना राजकारणात पुढे आणले. तसे नसते तर दिवंगत आर. आर. पाटील तसेच जयंत पाटील, धनंजय मुंडे, जितेंद्र आव्हाड, सुनील तटकरे ही नावे राजकारणात तळपताना दिसली नसती. पवारांच्या मंत्रिमंडळाचा तोंडवळा हा बहुजनांचाच राहिला. त्यामुळं ६० ते ७० वर्षांत पवारांनी बहुजन समाजाला झुलवत ठेवले अशी वाचाळकी करणे हे मूर्खाचे लक्षण तर आहेच, पण मनाला कोरोना झाल्याचीही लक्षणे आहेत. त्यामुळे गोपीचंद यांची मानसिक अवस्था समजून घेतली पाहिजे.

Live: राज्यात ७७ हजारांहून अधिक रुग्ण करोनामुक्त

जाणकर नकोसे का झाले?

कालपर्यंत महादेव जानकर हे भाजपचे होते. जानकरांच्या मुखातून पवारांवर टीका केली. आता जानकर नकोसे झाले. कारण ते मुंडेनिष्ठ आहेत. हेसुद्धा जातीय राजकारणच आहे. पवार हे लहान समूहांचा वापर करतात असे गोपीचंद म्हणतात. मग गोपीचंद यांना भाजपने आमदार का केले? हेदेखील लहान समूहांना वापरण्याचे राजकारणच आहे. या राजकारणात पंतप्रधान मोदीही तरबेज झाले.



Source link

LEAVE A REPLY

Please enter your comment!
Please enter your name here

Most Popular

coronavirus in aurangabad: करोनाचे ३४ रुग्ण; एकाचा मृत्यू – aurangabad reported 34 new corona cases and 1 death in yesterday

औरंगाबाद: जिल्ह्यात शुक्रवारी ३४ करोनाबाधितांची वाढ झाली. त्यात शहरी विभागात ३२, तर ग्रामीण भागात दोन रुग्णांचा समावेश आहे. शहरातील खासगी रुग्णालयात सिल्लोड तालुक्यातील...

Mamata Banerjee: ‘जय श्रीराम’च्या घोषणा; ममता बॅनर्जी संतापल्या, म्हणाल्या… – wb cm mamata banerjee anguish after jai shree ram slogans were raised

कोलकाताः नेताजी सुभाषचंद्र बोस यांच्या १२५ व्या जयंतीनिमित्त कोलकात्यात कार्यक्रम आयोजित करण्यात आला होता. पंतप्रधान मोदी यांच्यासह पश्चिम बंगालच्या मुख्यमंत्री ममता बॅनर्जी या...

Recent Comments